చియాన్ విక్రమ్(vikram)యాక్టింగ్ గురించి ఇప్పుడు కొత్తగా చెప్పుకోవాల్సిన పని లేదు. తన పవర్ ఫుల్ నటనతో  రెండు దశాబ్డల క్రితమే అపరిచితుడు తో ఇండియన్ సినీ ప్రేమికులని మెస్మరైజ్ చేసాడు. దాంతో చియాన్ మూవీ కోసం నిత్యం   కొన్ని లక్షల మంది సినీ ప్రేమికులు ఎదురుచూస్తుంటారు. రీసెంట్ గా ఆయన విజయవాడ లో హల్ చల్ చేసారు. అందుకు సంబంధించిన  పూర్తి విషయాలు  చూద్దాం.

విక్రమ్ అప్ కమింగ్ మూవీ తంగలాన్(thangalaan)ఈ నెల 15 న వరల్డ్ వైడ్ న విడుదల అవుతుంది. దీంతో చిత్ర బృందం ప్రమోషన్స్ లో వేగాన్ని పెంచింది. ఇందులో భాగంగా చియాన్ విజయవాడ విచ్చేశాడు. విజయవాడ లోని ఫేమస్ హోటల్ అయిన బాబాయ్ హోటల్ కి విచ్చేసి టిఫిన్ చేసాడు.తనకి ఇష్టమైన వాటిని తెప్పించుకొని మరి తృప్తిగా ఆరగించాడు. అంతే కాకుండా ఐటమ్స్ అన్ని చాలా  బాగున్నాయని  స్టాఫ్ ని అభినందించాడు. ఇక  విక్రమ్ వచ్చాడని తెలియడంతో అభిమానులు పెద్ద ఎత్తున  హోటల్ వద్దకి  చేరుకున్నారు. విక్రమ్ తో ఫోటోలు దిగేందుకు ఒకే సారి పోటెత్తడంతో  పోలీసులు బందోబస్తు కూడా ఏర్పాటు  చేసారు. ప్రస్తుతం ఇందుకు  సంబంధించిన  పిక్స్ సోషల్ మీడియాలో వైరల్ అవుతున్నాయి. విక్రమ్ వెంట తంగలాన్ లో వన్ ఆఫ్ ది మోస్ట్ పవర్ ఫుల్ క్యారక్టర్ చేసిన ప్రముఖ హీరోయిన్  మాళవిక మోహనన్(Malavika Mohanan) కూడా ఉంది. ఆమె కూడా తనకి ఇష్టమైన వాటిని తెప్పించుకొని తింది.

బ్రిటిష్ పరిపాలన కాలంలో కర్ణాటకలోని  కోలార్ గోల్డ్ ఫీల్డ్స్ నేపథ్యంలో కథ గా  తంగలాన్ తెరకెక్కింది. ఇందులోని పాత్ర కోసం విక్రమ్ చాలా కష్టపడ్డాడు. పీలగా, బక్కగా కనపడటం కోసం  డైలీ డైటింగ్ లో ఎన్నో మార్పులు కూడా చేసుకున్నాడు. ఎండా వానా అనే తేడా లేకుండా   ఒంటి మీద షర్ట్ లేకుండా షూట్ లో పాల్గొన్నాడు. మిగతా ఆర్టిస్టుల కూడా చాలా కష్టపడ్డారు. పా రంజిత్(pa ranjith) దర్శకుడు కాగా నూట యాభై కోట్ల భారీ బడ్జట్ తో  జ్ఞానవేల్ రాజా నిర్మించాడు. పార్వతి తిరువోతు, విదేశీ నటుడు డేనియల్, పశుపతి ముఖ్య తారాగణం కాగా జి వి ప్రకాష కుమార్ దర్శకుడు.  ప్రేక్షకులని ఒక కొత్త ప్రపంచంలోకి తీసుకెళ్లడం ఖాయమనే నమ్మకాన్ని యూనిట్ అయితే  వ్యక్తం చేస్తుంది.