హన్సిక నటిస్తున్న లేటెస్ట్ మూవీ '105 మినిట్స్'. రాజు దుస్సా దర్శకత్వం వహిస్తున్న ఈ సినిమాని రుద్రాంశ్ సెల్యులాయిడ్స్, మాంక్ ఫిలిమ్స్ పతాకాలపై బొమ్మ కె శివ నిర్మిస్తున్నారు. ప్రపంచంలోనే మొట్టమొదటిసారిగా సింగిల్ షాట్ సింగిల్ క్యారెక్టర్ మూవీగా ఈ సినిమా మన ముందుకు రాబోతోంది. తాజాగా డైరెక్టర్ అజయ్ భూపతి చేతుల మీదగా '105 మినిట్స్' మోషన్ పోస్టర్ విడుదలైంది. మోషన్ పోస్టర్లో రక్తపు గాయాలతో కుర్చీలో కూర్చున్న హన్సిక ఒక ఇంటెన్సిఫైడ్ లుక్ తో కనిపిస్తుంది. ఈ మోషన్ పోస్టర్ మూవీ పైన అంచనాలను పెంచేస్తోంది.

హన్సిక ఇంతకుముందు ఎన్నడు కనిపించని గెటప్ లో చాలా కొత్తగా కనిపిస్తోంది. హీరోయిన్ ఓరియంటెడ్ రోల్ అందులోనూ ఇలాంటి ఒక డిఫరెంట్ రోల్ చేయడం హన్సిక కి ఇదే మొదటిసారి. మాంక్ మరియు పనోరమ స్టూడియోస్ సంయుక్తంగా డిస్ట్రిబ్యూట్ చేస్తున్న ఈ సినిమా జనవరి 26న ప్రేక్షకుల ముందుకు రాబోతోంది.

సామ్ సిఎస్ సంగీతం అందిస్తున్న ఈ సినిమాకి డీఓపీగా కిషోర్ బోయిదాపు వ్యవహరిస్తున్నాడు.