యంగ్ హీరో శ‌ర్వానంద్ న‌టిస్తోన్న లేటెస్ట్ ఫిల్మ్ 'శ్రీ‌కారం'‌. కిశోర్ బి. డైరెక్ట్ చేస్తోన్న ఈ ఫ్యామిలీ ఎంట‌ర్‌టైన‌ర్‌లో హీరోయిన్‌గా ప్రియాంకా అరుళ్ మోహ‌న్ ('నానీస్ గ్యాంగ్ లీడ‌ర్' ఫేమ్‌) న‌టిస్తోంది. 14  రీల్స్ ప్ల‌స్‌  బ్యాన‌ర్‌పై రామ్ ఆచంట‌, గోపి ఆచంట ఈ చిత్రాన్ని నిర్మిస్తున్నారు. మ‌హాశివ‌రాత్రి కానుక‌గా మార్చి 11న 'శ్రీ‌కారం'ను థియేట‌ర్ల‌లో విడుద‌ల చేయ‌నున్నారు. 

కాగా ఇటీవ‌ల యంగ్ హీరోల సినిమాల‌కు ఏదో విధంగా స‌పోర్ట్ చేస్తూ వ‌స్తోన్న సూప‌ర్‌స్టార్ మ‌హేశ్ శ్రీ‌కారంకు కూడా త‌న చేయూత‌ను అందిస్తున్నారు. మంగ‌ళ‌వారం సాయంత్రం 4:05 గంట‌ల‌కు శ్రీ‌కారం టీజ‌ర్‌ను లాంచ్ చేయ‌నున్నారు. ఈ విష‌యాన్ని త‌న అఫిషియ‌ల్ ట్విట్ట‌ర్ హ్యాండిల్ ద్వారా 14 రీల్స్ ప్ల‌స్ ప్ర‌క‌టించింది. #SreekaramTeaser Launch by SUPERSTAR @urstrulyMahesh gaaru tomorrow at 4:05 PM అంటూ ఆ సంస్థ ట్వీట్ చేసింది. దీనికి సంబంధించిన పోస్ట‌ర్‌ను కూడా షేర్ చేసింది.

ఇప్ప‌టివ‌ర‌కూ చేయ‌ని విభిన్న త‌ర‌హా పాత్ర‌లో, విలేజ్ బ్యాక్‌డ్రాప్‌తో న‌డిచే స్టోరీలో శ‌ర్వానంద్ అల‌రించ‌నున్నాడు. 'శ్రీ‌కారం'కు సంబంధించి విడుద‌ల చేసిన "బ‌లేగుంది బాలా", "సంద‌ళ్లె సంద‌ళ్లే సంక్రాంతి సంద‌ళ్లే.." పాట‌లు సంగీత ప్రియుల‌ను బాగా అల‌రిస్తున్నాయి. యూట్యూబ్‌లో వీటికి సూప‌ర్బ్ రెస్పాన్స్ వ‌చ్చింది. మిక్కీ జె. మేయ‌ర్ వీటికి బాణీలు అందించాడు. బుర్రా సాయిమాధ‌వ్ డైలాగ్స్, జె. యువ‌రాజ్ సినిమాటోగ్రఫీ ఈ చిత్రానికి అద‌న‌పు ఆక‌ర్ష‌ణ‌లు కానున్నాయి.