వెండితెరపై తన అద్భుతమైన నటనతో కోట్లాది మంది హృదయాలను గెలుచుకున్న తమిళ స్టార్ హీరో దళపతి విజయ్ (Vijay), ఇప్పుడు తమిళనాడు ముఖ్యమంత్రిగా సరికొత్త రాజకీయ ప్రయాణాన్ని కొనసాగిస్తున్నారు. సినీ గ్లామర్‌ను, టాప్ హీరో స్థానాన్ని పూర్తిగా పక్కన పెట్టి, ప్రజాసేవలో సరికొత్త అధ్యాయాన్ని లిఖిస్తున్న సీఎం విజయ్‌ను తాజాగా స్టార్ హీరోయిన్ సమంత (Samantha) చెన్నైలో మర్యాదపూర్వకంగా కలుసుకున్నారు. ఈ ప్రత్యేక భేటీ అనంతరం విజయ్ రాజకీయ ప్రవేశం, ఆయన అసాధారణ వ్యక్తిత్వంపై సమంత తన సోషల్ మీడియా వేదికగా చేసిన ఎమోషనల్ కామెంట్స్ ఇప్పుడు నెట్టింట వైరల్ గా మారాయి. చెన్నైలో అడుగుపెట్టగానే తనలో ఒక తెలియని సంతోషం, ఉత్సాహం వెల్లివిరిసిందని, దానికి ముఖ్య కారణం తమిళనాడు ముఖ్యమంత్రి విజయ్ సర్ ను కలవబోతుండటమేనని సమంత తన పోస్ట్‌లో స్పష్టం చేశారు.

విజయ్ సర్ ఎప్పుడూ కేవలం వెండితెరకే పరిమితమయ్యే సాధారణ హీరో కాదు. ఆయనలో ఉండే అపారమైన ఎనర్జీ, ఆయనకున్న పబ్లిక్ ప్రెజెన్స్, ప్రజలు ఆయనకు ఇచ్చే అపూర్వమైన రెస్పాన్స్ చూస్తే.. ఆయన ఎప్పుడూ ఏదో ఒక పెద్ద స్థానానికి, అంతకంటే గొప్ప విషయాల కోసమే పుట్టారని నాకనిపిస్తూ ఉంటుందని సమంత ఎంతో గర్వంగా కొనియాడారు. మనం ఇప్పటికే ఏ రంగంలోనైతే నైపుణ్యం సాధించి, అత్యున్నత స్థానంలో ఉన్నామో.. దాన్ని పూర్తిగా వదిలేసి, రిస్క్ ఎక్కువగా ఉండే సరికొత్త రాజకీయ రంగంలోకి అడుగుపెట్టడానికి ఎంతో గుండెధైర్యం కావాలని ఆమె పేర్కొన్నారు. ఇది ఏదో సులువుగా సాధించవచ్చని తీసుకున్న నిర్ణయం కాదని, కచ్చితంగా సమాజంలో ఒక శాశ్వత మార్పు తీసుకురాగలననే బలమైన నమ్మకంతోనే ఆయన ఈ అడుగు వేశారని సమంత స్పష్టం చేశారు. ఆయన చూపించిన ఆ అద్భుతమైన ధైర్యమే నన్ను వ్యక్తిగతంగా ఎంతగానో ఇన్స్‌పైర్ చేసిందని సమంత ఎమోషనల్ అయ్యారు.

మన జీవితంలో ఏదో ఒక సందర్భంలో సమాజం కోసం, తోటి వారి కోసం ఏదైనా చేయాలనే పిలుపు ప్రతి ఒక్కరికీ వస్తుందని, కానీ చాలా తక్కువ మంది మాత్రమే ఆ పిలుపునకు నిజాయితీగా స్పందించి ముందడుగు వేస్తారని సమంత విశ్లేషించారు. సీఎం విజయ్ గురించి ప్రస్తావిస్తూ, ఆయన ఇప్పుడు ఉన్న పదవిని బట్టి కాదు, ఏ మంచి సంకల్పంతో అయితే ప్రజల్లోకి వచ్చారో, ఆ ఆశయమే రేపటి రోజున ఆయనను అమితంగా నమ్మే అభిమానులను సైతం ఆశ్చర్యపరిచేలా చేస్తుందని ఆశాభావం వ్యక్తం చేశారు. ఆయనకు ఈ సుదీర్ఘమైన, సవాల్‌తో కూడిన రాజకీయ ప్రయాణంలో ఎలాంటి కష్టాలనైనా ఎదుర్కొనే మానసిక శక్తి, వివేకం, ధైర్యం కలగాలని మనస్ఫూర్తిగా కోరుకుంటున్నట్లు సమంత ఆకాంక్షించారు.

చివరగా నేటి యువతకు ఒక మంచి సందేశాన్ని ఇస్తూ.. మనం మొదట్లో కనే చిన్న చిన్న కలల కంటే కూడా మన జీవితం చాలా పెద్దదని, సమాజానికి ఉపయోగపడేలా జీవించడమే అసలైన విజయం అని సమంత తన సుదీర్ఘమైన పోస్ట్‌లో చెప్పారు. ప్రస్తుతం సమంత చేసిన ఈ వ్యాఖ్యలు కోలీవుడ్‌తో పాటు టాలీవుడ్‌లోనూ తెగ వైరల్ అవుతున్నాయి. ఒక స్టార్ హీరోయిన్ అయి ఉండి, పొలిటికల్ ఎంట్రీ ఇచ్చి సీఎం అయిన విజయ్ లీడర్‌షిప్ క్వాలిటీస్ ను ఈ స్థాయిలో ప్రశంసించడం రాజకీయ వర్గాల్లో సైతం పెద్ద చర్చకు దారితీసింది. విజయ్ అభిమానులు సమంత పోస్ట్‌ను విపరీతంగా షేర్ చేస్తూ సోషల్ మీడియాను షేక్ చేస్తున్నారు.

https://x.com/Samanthaprabhu2/status/2067249716434555376