• ఇది కదా అసలైన ఫాంటసీ థ్రిల్లర్
• ఆకట్టుకుంటున్న 'కథనార్' ట్రైలర్
• బాహుబలి తర్వాత అనుష్క మరో భారీ విజువల్ వండర్

'బాహుబలి' తర్వాత అనుష్క శెట్టి(Anushka Shetty ) సినిమాలు తగ్గించింది. అయినప్పటికీ ఆమె క్రేజ్ ఏమాత్రం తగ్గలేదనే చెప్పాలి. అనుష్క కొత్త సినిమా ఎప్పుడొస్తుందా అని ఎదురుచూసే వారు ఎందరో ఉన్నారు. గతేడాది 'ఘాటి'తో పలకరించిన అనుష్క, ఈ ఏడాది 'కథనార్: ది వైల్డ్ సోర్సెరర్'తో అలరించడానికి సిద్ధమైంది. మలయాళంలో ఆమెకిది మొదటి సినిమా కాగా, ఓవరాల్ గా 50వ సినిమా కావడం విశేషం. (Kathanar Trailer)

కాంతల్లూర్ అనే రహస్య ప్రపంచంలో సాగే ఇంద్రజాల పోరాటమే ఈ 'కథనార్'. జయసూర్య ప్రధాన పాత్రలో, రోజిన్ థామస్ దర్శకత్వంలో విజువల్ వండర్‌గా తెరకెక్కిన ఈ సినిమా ట్రైలర్ తాజాగా విడుదలై సోషల్ మీడియాను షేక్ చేస్తోంది. ముఖ్యంగా అనుష్క శెట్టి ఎంట్రీతో ఈ సినిమాపై అంచనాలు భారీగా ఉన్నాయి.

కళ్ళు చెదిరే విజువల్స్.. గూస్ బంప్స్ తెప్పించే యాక్షన్!
ట్రైలర్ ఆరంభం నుండే అతీంద్రియ శక్తిని, ఇంద్రజాలాన్ని నమ్మని ఒక యోగి ప్రయాణాన్ని అద్భుతంగా ఆవిష్కరించారు. 19వ శతాబ్దపు కేరళ నేపథ్యంలో, దట్టమైన అడవులు, ప్రాచీన ఆలయాల మధ్య సాగే ఈ కథలో విజువల్స్ పీక్ లెవెల్‌లో ఉన్నాయి. ముఖ్యంగా గూస్ బంప్స్ తెప్పించే సీన్లు ట్రైలర్‌లో కోకొల్లలుగా ఉన్నాయి. జయసూర్య గెటప్, ఆయన మంత్ర తంత్రాలను ఎదుర్కొనే తీరు థ్రిల్లింగ్‌గా ఉంది.

అనుష్క విశ్వరూపం - బిజిఎం హైలైట్!
ఈ ట్రైలర్‌లో బిగ్గెస్ట్ సర్ ప్రైజ్ అంటే అది అనుష్క శెట్టి అనడంలో సందేహం లేదు. తనదైన స్క్రీన్ ప్రెజెన్స్‌తో అనుష్క ఒక్కసారిగా సినిమా రేంజ్‌ను మార్చేసింది. రాహుల్ సుబ్రహ్మణ్యం అందించిన బ్యాక్ గ్రౌండ్ మ్యూజిక్ ప్రతి సీన్‌ను ఎలివేట్ చేస్తోంది. ముఖ్యంగా ట్రైలర్ చివర్లో వచ్చే మ్యూజిక్ బిట్ ఆడియన్స్‌కు పూనకాలు తెప్పిస్తోంది. ఇంద్రజాలం, మాయాజాలం మధ్య జరిగే పోరాటంలో అనుష్క పాత్ర చాలా కీలకం కానుందని అర్థమవుతోంది.

కథలో దాగి ఉన్న రహస్యాలు!
ట్రైలర్ గమనిస్తే.. ఇది కేవలం ఒక మాంత్రికుడి కథ మాత్రమే కాదు, సైన్స్ మరియు ఇంద్రజాలం మధ్య జరిగే ఘర్షణ అని హింట్ ఇచ్చారు. "మనం చూసినది, విన్నది ఏదీ రాదు.. వచ్చేది ఒక్కటే" అనే డైలాగ్ కథలోని లోతును తెలియజేస్తోంది. సముద్రం నేపథ్యంలో కొన్ని షాట్స్, వింత ఆకారాలు చూస్తుంటే, ఒక భారీ ఫాంటసీ అడ్వెంచర్ థియేటర్లలో అలరించేందుకు సిద్ధంగా ఉందని తెలుస్తోంది.

మొత్తానికి 'కథనార్' ట్రైలర్ చూసిన తర్వాత తెలుగు ప్రేక్షకులు కూడా ఈ సినిమా కోసం ఎంతో ఆసక్తిగా ఎదురుచూస్తున్నారు. అనుష్క శెట్టి మళ్ళీ ఒక పవర్ ఫుల్ రోల్‌తో బాక్సాఫీస్ ను షేక్ చేయడం ఖాయంగా కనిపిస్తోంది.

Also Read: అల్లు అర్జున్ ఫ్యాన్స్‌కు బ్యాడ్ న్యూస్!