కొన్ని సినిమాలు,  సిరీస్ లు రిలీజ్ కి ముందే ఆసక్తిని పెంచేస్తాయి. ఎందుకంటే అవి అప్పటికే వైరల్ అయి ఉంటాయి. అలా తమిళంలో రిలీజ్ అయి రాజకీయంగా చర్చకి దారితీసిన ఓ అడల్డ్ మూవీ తెలుగు ఓటీటీలోకి రానుంది. అదేంటో ఓసారి చూసేద్దాం.

ఈ ఏడాది మార్చి 29 న ' హాట్ స్పాట్ ' సినిమా తమిళనాట థియేటర్లలో రిలీజైంది. కలైయరసన్, శాండీ మాస్టర్, ఆదిత్య, గౌరీ కిషన్, అమ్ము అభిరామి, జననీ అయ్యర్ ప్రధాన పాత్రలు పోషించారు. విగ్నేష్ కార్తిక్ ఈ సినిమాకి దర్శకుడు. సమాజంలో నిత్యం జరుగుతున్న కొన్ని అక్రమాలని, అన్యాయాలని చూసి పట్టించుకోకుండా ఉంటే ఆ తర్వాత ఎలాంటి పరిణామాలు‌ ఎదురయ్యాయనేది తెరకెక్కించగా.. వీటితో పాటు రాజకీయపరంగా సెటైరికల్ గా ఉండటంతో ఈ సినిమాని‌ వైరల్ కంటెంట్ మూవీ లిస్ట్ లో చేర్చారు. 

జూలై 17 నుండి ప్రముఖ ఓటీటీ వేదికపై ' హాట్ స్పాట్' స్ట్రీమింగ్ కానుంది. ఈ మూవీలో అడల్ట్ సీన్స్ తో పాటు అసభ్య పదజాలం ఎక్కువగా ఉండటంతో చిన్నపిల్లలు చూడకూడదని సెన్సార్ బోర్డ్ వాళ్ళు దీనికి ఏ సర్టిఫికేట్ కూడా ఇచ్చారు. ఈ మూవీ తమిళనాట రిలీజ్ అయ్యాక పెద్ద చర్చ జరిగింది. మరి తెలుగులో రిలీజ్ అయ్యాక రెస్పాన్స్ ఎలా ఉంటుందో చూడాలి మరి.