-రాకాతో బిజీగా ఉన్న అల్లు అర్జున్ 
-లోకేష్ కనగరాజ్ మూవీ కూడా స్టార్ట్ కాబోతుంది
-బాలీవుడ్ లో పలు యాడ్స్ తో కూడా బిజీ 
-అందుకే కీలక నిర్ణయం తీసుకున్నాడా! 

మీకు ఇష్టమెచ్చిన రోజు హైదరాబాద్(HYderabad)జూబ్లీహిల్స్ రోడ్ నెంబర్ 68 పరిసర ప్రాంతాల్లోకి వెళ్ళండి. అదే ఏరియాలో నివాసం ఉండే ఐకాన్ స్టార్ అల్లు అర్జున్(Allu Arjun)ని చూడటం కోసం అభిమానులు బారులు తీరి ఉంటారు. ఏదో ఒక టైంకి తమ హీరో కనపడకపోతాడా అని ఆశ. పుష్ప మానియాతో అయితే నార్త్ ఫ్యాన్స్ కూడా రోడ్ నెంబర్ 68 కి దారేది అన్నట్టుగా వస్తున్నారు. కానీ ఇప్పుడు వాళ్లందరికీ ఒక షాకింగ్ న్యూస్. పర్టిక్యులర్లి రెండు తెలుగు రాష్ట్రాల ఫ్యాన్స్ కి. ఆ డీటెయిల్స్ ఏంటో చూద్దాం 

అల్లు అర్జున్ తన మకాన్ని హైదరాబాద్ నుండి ముంబైకి మార్చాలని నిర్ణయించుకున్నట్లు తెలుస్తోంది. అవును ఇక అల్లు అర్జున్ ముంబైలోనే తన నివాసాన్ని ఏర్పాటు చేసుకోబోతున్నాడు. ఈ మేరకు సదరు  న్యూస్ సినీ సర్కిల్స్ లో ఒక రేంజ్ లోనే చక్కర్లు కొడుతుంది. ముంబై షిప్ట్ కి కారణాలు కూడా ఉన్నట్టుగా చెప్తున్నార. అల్లు అర్జున్ పుష్ప ఇచ్చిన బూస్టప్ తో అతి పెద్ద పాన్ ఇండియా స్టార్స్ లో ఒకరిగా నిలిచాడు. ప్రస్తుతం అట్లీ(Atlee)తో చేస్తున్న 'రాకా'(Raaka)స్టార్టింగ్ నుంచి ముంబైలోనే అధిక భాగం షూటింగ్ ని జరుపుకుంటూ ఉంటుంది. లోకేష్ కనగరాజ్(Lokesh Kanagaraj) ప్రాజెక్ట్ కూడా ఇంటర్నేషనల్ లెవల్‌లో ప్లాన్ చేస్తున్నారు. బాలీవుడ్ కి చెందిన పలు బ్రాండ్ ఎండార్స్‌మెంట్స్ తో పాటు నేషనల్ వైడ్ బ్రాండ్స్‌కి అల్లు అర్జున్ అంబాసిడర్‌గా ఉన్నాడు. వీటి షూటింగ్ కోసం కూడా తరచుగా ముంబై వెళ్లాల్సి వస్తోంది. ఈ మేరకు  ఒక్కోసారి ఫ్యామిలీతో కలిసి ముంబై వెళ్లి మళ్ళీ హైదరాబాద్ అందరు కలిసి రావాల్సి వస్తుంది. ఆ ఇబ్బందుల నుంచి  తప్పించుకోవడంతో పాటు తన సినీ కెరీర్ కోసం ముంబైలోనే ఉండాలని నిర్ణయించుకొని ఒక లగ్జరీ అపార్ట్‌మెంట్ కొనుగోలు చేసినట్లు సమాచారం. 

also read: Hansika motwani: విడాకులపై తొలిసారి నోరు విప్పిన హన్సిక.. రీజన్ తెలిస్తే షాక్ గ్యారంటీ 

కేవలం తాత్కాలికంగా కాకుండా, రాబోయే రెండు మూడేళ్ల పాటు ముంబైలోనే ఉన్నట్టుగానే తెలుస్తుంది. మరి అల్లు అర్జున్ లాంటి స్టార్ ముంబైకి మకాం మార్చబోతున్నాడనే న్యూస్ స్ప్రెడ్ అవుతుంటే సోషల్ మీడియా చూస్తూ ఊరుకుంటుందా ఏంటి.. నిమిషాల్లోనే తెలుగు  ఫ్యాన్స్ అందరకి చేరవేసింది.  తమ హీరో ఎందుకు ముంబై వెళ్లాల్సి వస్తుందో క్లియర్ గా అర్ధమవుతున్నా మరో పక్క మాత్రం తమకి కూడా తెలియకుండా వస్తున్న గుండెల్లోని బాధని మాత్రం సర్దిచెప్పుకోలేక ముంబై షిఫ్టింగ్ న్యూస్ ని ఒకటికి పది సార్లు చూస్తున్నారు.