ఏలినాటి శనితో బాధపడుతున్నారా..ఈ ఒక్క పూజతో ఏడేళ్ల బాధ తొలగిపోతుంది!

జ్యోతిష్య శాస్త్రం ప్రకారం, ప్రతి వ్యక్తి తమ జీవితంలో ఏదో ఒక సమయంలో శని దేవుని ఏలినాటి శని కాలాన్ని అనుభవిస్తారు. దీన్ని సాడే సతి అని కూడా అంటారు. ఈ కాలం ఏడున్నర సంవత్సరాలు, లేదా ఏడు సంవత్సరాల ఆరు నెలల పాటు ఉంటుంది. జ్యోతిష్య నమ్మకం ప్రకారం, ఈ కాలంలో శని దేవుడు వ్యక్తి చేసిన కర్మల ప్రకారం వారికి ప్రతిఫలం ఇస్తాడు. తమ జీవితంలో పాపాలు లేదా చెడు పనులు చేసేవారు ఈ సమయంలో తీవ్రంగా బాధపడతారు. దీనికి విరుద్ధంగా, ఎల్లప్పుడూ సత్యం , ధర్మ మార్గాన్ని అనుసరించేవారు శని దేవుని ఆశీర్వాదాలను పొందుతారు.

ఏలినాటి శని సమయంలో వ్యక్తి పురోగతి మందగిస్తుంది, విజయం సాధించడానికి వారు కష్టపడి, పోరాడవలసి ఉంటుంది. శనిదేవుడిని కర్మ దేవుడిగా భావిస్తారు కాబట్టి, ఈ సమయంలో ఆయన ప్రజలను కష్టపడి పనిచేసేలా చేస్తాడు. ఒకవేళ ఎవరి జాతకం అయినా దీని ప్రతికూల ప్రభావంలో ఉంటే, కొన్ని పరిహారాలు, పూజలు ఏలినాటి శని ప్రబావం నుండి ఉపశమనం ఇస్తాయి. ఏడున్నరేళ్లు బాధపెట్టే ఏలినాటి శని బాధ నుండి ఉపశమనం పొందడానికి చేయాల్సిన పూజలు, పరిహారాల గురించి తెలుసుకుంటే..

పరమేశ్వర ఆరాధన..

ఏలినాటి శని యొక్క దుష్ప్రభావాలను నివారించడానికి, శివుడిని పూజించడం అత్యంత ప్రభావవంతమైనదిగా పరిగణించబడుతుంది. వాస్తవానికి శివుడు శనిదేవుని గురువు , దైవం. పురాణాల ప్రకారం శనిదేవుడు శివుని కోసం కఠోర తపస్సు చేసిన తర్వాతే న్యాయదేవుని స్థానాన్ని పొందాడు. అందువల్ల, ఏలినాటి శని సమయంలో శివుడిని పూజించడం చాలా ఉపశమనం ఇస్తుంది.

పరమేశ్వరుడికి ప్రతిరోజూ పూజ చేయలేకపోతే, ప్రతి సోమవారం , శనివారం ఈ సులభమైన పరిహారాన్ని ప్రయత్నించవచ్చు. ఒక రాగి పాత్రలో లేదా కుండలో నీరు తీసుకుని అందులో కొన్ని నల్ల నువ్వులను కలిపి శివలింగానికి అభిషేకం చేయాలి. అలాగే భక్తితో మహామృత్యుంజయ మంత్రాన్ని జపించాలి. శివుని ఆశీస్సులతో, శనిదేవుడు శాంతిస్తాడు , జీవితంలోని కష్టాలన్నీ క్రమంగా తొలగిపోతాయి.

హనుమ ఆరాధన..

శివునితో పాటు, సంకటమోచనుడైన హనుమంతుడిని పూజించడం కూడా ఏలినాటి శని బాధ నుండి గణనీయంగా ఉపశమనం కలిగిస్తుంది. దీనికి రామాయణంలోని ఒక ఆసక్తికరమైన కథ ఉంది. హనుమంతుడు లంకకు నిప్పు పెట్టినప్పుడు, రావణుడు శనిదేవుడిని బందీగా పట్టుకున్నాడట. హనుమంతుడే శనిదేవుడిని రావణుడి చెర నుండి విడిపించాడట.

దీనికి సంతోషించిన శనిదేవుడు, తాను ఏ హనుమాన్ భక్తుడినీ ఎన్నటికీ ఇబ్బంది పెట్టనని వాగ్దానం చేశాడట. అందువల్ల ఏలినాటి రోజులలో ప్రతి మంగళవారం , శనివారం హనుమాన్ చాలీసా, హనుమాన్ బాహుక్ లేదా సుందరకాండ పఠించడం చాలా మంచిదిగా చెబుతారు. అలాగే మరొక కథ కూడా ఉంది. హనుమ జీవితంలో ఏలినాటి శని దశ కోసం శనిదేవుడు హనుమంతుడి దగ్గరకు వెళ్లగా.. శని దేవుడు హనుమంతుడిని ఏమీ చేయలేకపోయాడని, శని దేవుడి చూపు కూడా హనుమంతుడిని తాకలేకపోయిందని చెబుతారు. దీని వల్ల హనుమను ఆరాధించేవారిని శనిదేవుడు ఏమీ చేయలేడని చెబుతారు. మంగళవారం, శనివారం రోజులలో హనుమంతునికి చందనం, మల్లె నూనె , తమలపాకులను సమర్పించాలి. ఇది తక్షణమే అన్ని కష్టాలను తొలగిస్తుందట.

అలవాట్లు, ప్రవర్తన, పరిశుభ్రత..

శనిదేవుడిని ప్రసన్నం చేసుకోవడానికి అత్యంత సరళమైన , మంచి మార్గం పరిశుభ్రమైన, క్రమబద్ధమైన జీవనశైలిని పాటించడం. అబద్ధం చెప్పడం, దొంగతనం, జూదం, మద్యపానం, ఇతరులను దూషించడం వంటి చెడు అలవాట్లను వెంటనే మానుకోవాలి. అంతేకాకుండా, ప్రతి శనివారం శనిదేవుని విగ్రహానికి ఆవాల నూనె లేదా నల్ల నువ్వుల నూనెతో అభిషేకం చేయాలి.

నూనెతో అభిషేకం చేసేటప్పుడు చూపును ఎల్లప్పుడూ శనిదేవుని పాదాలపైనే నిలిపి ఉంచాలట, ఆయన కళ్ళలోకి నేరుగా చూడకూడదట. శనిదేవుని సూటి చూపు వ్యక్తికి హానికరం అని చెబుతారు. దీనికి బదులుగా నీడను కూడా దానం చేయవచ్చట. ఒక పాత్రలో ఆవనూనె నింపి, అందులో ముఖాన్ని చూసుకొని, ఆ తర్వాత దానిని ఎవరికైనా దానం చేయాలట.

జంతు, పక్షులకు సేవ..

జంతువులకు, పక్షులకు సేవ చేసేవారింటే శనిదేవునికి చాలా ఇష్టం. అందువల్ల, ఏలినాటి శని దోషం ఉన్న కాలంలో ప్రతిరోజూ లేదా ప్రతి శనివారం చేపలకు ఆహారం పెట్టాలి, పుట్ట దగ్గర పిండి, పంచదార వేయాలి. ఇంటి దగ్గర నివసించే నల్ల కుక్కకు ఆవనూనె పూసిన రొట్టెను తినిపించాలి. ఒకవేళ నల్ల కుక్క దొరకకపోతే, ఈ రొట్టెను ఆవుకు కూడా ఇవ్వవచ్చు.

గౌరవం..

శనిదేవుడు తన తల్లి ఛాయను ఎంతో ఇష్టపడేవాడు, అందువల్ల, ఇంట్లో తమ తల్లిని, పెద్దలను గౌరవించి, సేవ చేసే వారి పట్ల శనిదేవుడు ఎల్లప్పుడూ సంతోషిస్తాడు. ఈ కష్ట సమయంలో, శనిదేవుని బీజ మంత్రమైన "ఓం శం శనైశ్చరాయ నమః"ను రుద్రాక్ష మాలతో జపించాలి. సమయం ఉంటే, దశరథ మహారాజు రచించిన శని స్తోత్రాన్ని పఠించాలి. ఇది శనిదేవుని ఆగ్రహాన్ని శాంతింపజేస్తుంది.

*రూపశ్రీ.