వాడు నిన్ను చూడటం మానేస్తాడు

హైదరాబాద్ లో ఉంటున్న బంధువుల ఇంటికి బయలుదేరారు తల్లికూతుర్లిద్దరు. రైలు

సరిగ్గా రాజమండ్రి ప్లాట్ ఫాం మీదకు వచ్చి ఆగింది. పది నిమిషాల తరువాత తల్లితో

కూతురు భోగీలోంచి బయటికి చూస్తూ అంది.

" అమ్మా...అక్కడి బెంచి మీద కూర్చున్న ఉంగరాల జుట్టు కుర్రాడు నన్ను చూసి

నవ్వుతూ వెకిలి చేష్టలు చేస్తున్నాడు " అని.

" ఈ కుర్రాళ్ళందరూ అంతేనమ్మా ! అయినా నువ్వు అసలు వాడి వైపు చూడకు. వాడూ

నిన్ను చూడటం మానేస్తాడు " అని తల్లి చెప్పింది.

కాసేపటి తరువాత మళ్ళీ కూతురు తల్లితో " ఆ కుర్రాడు ఇంకా నన్నే చూస్తున్నాడమ్మా "

అని అన్నది.

" నిన్ను అటువైపుగా చూడవద్దని చెప్పాను కదా " అని తల్లి కొంచం కోపంగా అంది.

" నేను చూడటం లేదు. కాని ఆ కుర్రాడు మాత్రం నన్ను చూస్తున్నాడు " అని చెప్పింది

కూతురు.

" ఇది చూస్తేనే వాడు దీనిని చూస్తున్నాడు అని తెలిసేది. ఇది కూడా తెలియని

అమాయకురాలు నా కూతురు " అని దగ్గరికి తీసుకుంది తల్లి.