TeluguOne Services
Copyright © 2000 -
, TeluguOne - Comedy - All rights reserved.
Famous Jokes in Telugu
ఒక గయ్యాళి భార్య "ఫైర్ బ్రాండ్ " అనే నవల చదువుతుంది.
అప్పుడే ఆఫీసు నుండి ఇంటికి వచ్చిన భర్త, పుస్తకం చదువుతున్న భార్యను
చూసి " ఏం చదువుతున్నావే ? " అని అడుగుతాడు.
" అబ్బా..ఫైర్ బ్రాండ్ నవల చదువుతున్నాను " అని గయ్ నా లేచింది ఆ భార్య.
" నీవే ఒక ఫైర్ బ్రాండువి...మళ్ళీ వేరే చదవటం ఎందుకు ?" అని
పరుగున లోపలికి పరుగెత్తాడు ఆ భర్త.
" ఆ..." అని ఆశ్చర్యంగా నోరు తెరిచింది ఆ భార్య.
***************
" ఓరేయ్ సాగర్...నువ్వు ఏం అవ్వాలనుకున్నావు ?" అని తన ఫ్రెండ్ ను
అడిగాడు కిశోర్.
" మా నాన్నలాగా డాక్టర్ కావాలనుకుంటున్నారా ! " అని చెప్పాడు సాగర్.
" ఏమిటి మీ నాన్నగారు డాక్టరా ?" అని కొంచం ఆశ్చర్యంగా అడిగాడు కిశోర్.
" కాదురా...మా నాన్నగారు కూడా కావాలనుకున్నాడు అంతే..." అని పకపక
నవ్వుతూ చెప్పాడు సాగర్.
అయోమయంగా చూస్తూ ఉండిపోయాడు కిశోర్.
********************
" గుడ్డివాడిని ఓ పదిరూపాయలు దానం చెయ్యండి బాబు " అని ఓ గుడ్డివాడు,
నాగరాజు దగ్గరికి వచ్చి అడుక్కుంటున్నాడు.
" నువ్వు గుడ్డివాడివి ఏంటి ? నీకు ఒక కన్ను బాగానే ఉంది కదా " అని
అన్నాడు ఆ గుడ్డివాడిని చూసిన నాగరాజు.
" అయితే ఐదు రూపాయలు ధర్మం చేయండి బాబు " అన్నాడు ఆ గుడ్డివాడు.
" ఆ..." అని ఆశ్చర్యంగా నోరు తెరిచాడు నాగరాజు.
************************
కావేరి, అంజలి ఇద్దరూ కలిసి కాలేజీలో సరదాగా మాట్లాడుకుంటున్నారు.
" అంజలి...నీకు తెలుసా...మా అన్నయ్యని నగరంలో ఉన్న ఒక గొప్ప అందగత్తె
పెళ్లి చేసుకుంటానని ప్రమాణం చేసిందంటా " అని చెప్పింది కావేరి.
" నేనెప్పుడు అలా అనలేదే " అని గొప్పగా అంది అంజలి.
" ఆ..." అని ఆశ్చర్యంగా నోరు తెరిచింది కావేరి.
|