అత్తారింటికి దారేది సినిమాలో అక్కా చెల్లెళ్లుగా నటించారు సమంత, ప్రణీత. ఆ సినిమా ఎన్నో ఆటంకాలను తట్టుకుని బాక్స్ ఆఫీస్ వద్ద రికార్డులను బ్రేక్ చేసింది. ఆ చిత్ర విజయానికి కారణం వీరిరువురు అని, ఇద్దరూ తెరపై కనిపిస్తే లక్కే లక్కు అని చిత్ర పరిశ్రమలో ఓ నమ్మకం ఏర్పడింది. ఆతరువాత వీరిద్దరూ రిలీజ్ కి సిద్దంగా వున్న జూనియర్ ఎన్టీఆర్ సినిమాలోను నటించారు. ఆ సినిమా విడుదలకు ముందే మంచి బిజినెస్ చేయడం, అలాగే సినిమాపై ఇండస్ట్రీలో పాజిటివ్ బజ్ వుండడంతో వీళ్ళ లక్ తారక్ కి కూడా కలిసివస్తుందని అంటున్నారు. తాజాగా వీరిద్దరూ మరో అగ్రహీరో సరసన నటించే చాన్స్ కొట్టేశారు. త్రివిక్రమ్, అల్లు అర్జున్ కాంబినేషన్ లో రూపొందబోతున్న సినిమాలో మొదట సమంత ను ఎంపిక చేసిన సంగతి తెలిసిందే. లేటెస్ట్ గా మరో హీరోయిన్‌గా ప్రణీతను తీసుకున్నట్లు తెలుస్తోంది.దీంతో సమంత, ప్రణీతలు కలిసి నటిస్తున్న మూడో చిత్రం ఇది! హిరో, హీరోయిన్ల ఎంపిక పూర్తికావడంతో వచ్చేనెల ఫస్ట్‌వీక్‌లో సెట్స్‌పైకి వెళ్లడం ఖాయమని టాక్.