రాకింగ్‌స్టార్‌ మంచు మనోజ్‌ హీరోగా అని దర్శకత్వంలో శ్రీ శైలేంద్ర సినిమాస్‌ పతాకంపై సినిమా 5 సమర్పణలో ప్రముఖ నిర్మాత డి.ఎస్‌.రావు నిర్మిస్తున్న ప్రొడక్షన్‌ నెంబర్‌3 భారీ చిత్రం మార్చి7న సంస్థ కార్యలయంలో పూజా కార్యక్రమాలతో నిరాడంభరంగా ప్రారంభమైంది. పూజ అనంతరం బౌండ్‌ స్క్రిప్ట్‌ని ప్రముఖ రచయితలు పరుచూరి బ్రదర్స్‌, హీరో మంచు మనోజ్‌ సంయుక్తంగా కలిసి దర్శకుడు అనికి అందించారు.

ఈ కార్యక్రమంలో హీరో మనోజ్‌, దర్శకుడు అని, పరుచూరి వెంకటేశ్వరావు, పరుచూరి గోపాలకృష్ణ, కెమెరామెన్‌ రాజశేఖర్‌, నిర్మాత డి.ఎస్‌.రావులతో పాటు చిత్ర యూనిట్‌ సభ్యులు పాల్గొన్నారు. మనోజ్‌ హీరోగా నటిస్తున్న ఈ చిత్రంలో డాక్టర్‌ బ్రహ్మానందం, రఘుబాబు, డాక్టర్‌ శివప్రసాద్‌, వెన్నల కిషోర్‌, షాయాజిషిండే, ఆశిష్ విధ్యార్థి, పరుచూరి వెంకటేశ్వరరావు తదితరులు నటిస్తున్నారు.

ఈ అని, మనోజ్ చిత్రానికి సంగీతం : యువన్‌ శంకర్‌రాజా, మాటలు: పరుచూరి బ్రదర్స్‌, కెమెరా: రాజశేఖర్‌, ఎడిటింగ్‌: గౌతంరాజు, పాటలు: రామజోగయ్యశాస్త్రి, భాస్కరభట్ల, ఆర్ట్‌: మణి, నిర్మాత : డి.ఎస్‌.రావు, రచన, దర్శకత్వం: అని. ఈ చిత్రంలో మంచు మనోజ్‌ సరసన నటించే హీరోయిన్‌ పేరును అతి త్వరలో తెలుపుతామని దర్శకనిర్మాతలు మీడియాకు తెలిపారు.