LATEST NEWS
కాకినాడ జిల్లాలోని రంగరాయ వైద్య కళాశాల్లో లైంగిక వేధింపుల ఘటనపై నలుగురు ఆర్ఎంసి ఉద్యోగులు సస్పెన్షన్ విధించారు. ల్యాబ్ అటెండెంట్‌ కల్యాణ్ చక్రవర్తి, టెక్నీషియన్లు జిమ్మి రాజు, గోపాలకృష్ణ, ప్రసాద్‌లను సస్పెండ్ చేస్తూ ధికారులు ఉత్తర్వులు జారీ చేశారు.అజ్ఞాతంలో A1 నిందితుడు కళ్యాణ్ చక్రవర్తి ఉన్నట్లు తెలుస్తోంది.బీఎస్సీ, డిప్లొమా ఇన్ మెడికల్ ల్యాబ్ టెక్నాలజీ కోర్సులు చదువుతున్న విద్యార్థినులపై ల్యాబ్ సహాయకుడు, మరో ఉద్యోగి లైంగికంగా వేధిస్తున్నారని బాధిత విద్యార్థినులు కొందరు ఫ్యాకల్టీ వద్ద చెప్పుకుని విలపించారు.
ఇదే విషయమై ప్రిన్సిపాల్‌కు ఫిర్యాదు అందడంతో ఆయన తీవ్రంగా పరిగణించి అంతర్గత కమిటీ ద్వారా విచారణ చేయించారు. మైక్రో బయాలజీ, పాథాలజీ, బయో కెమిస్ట్రీ విభాగాల్లో కొందరు సిబ్బంది తమ పట్ల అసభ్యంగా ప్రవర్తించినట్టు 50 మంది విద్యార్థినులు కమిటీ ముందు ఆవేదన వ్యక్తం చేశారు ఈ నివేదిక ఆధారంగా నిందితులను రంగరాయ వైద్య కళాశాల ప్రిన్సిపల్‌ సస్పెండ్ చేసి వారిపై పోలీసులకు ఫిర్యాదు చేశారని తెలిపారు. ఎస్‌పి బిందుమాధవ్‌ మాట్లాడుతూ నిందితులను శుక్రవారం మధ్యాహ్నం అదుపులోకి తీసుకున్నామన్నారు. సంబంధిత సెక్షన్ల ప్రకారం వారిపై చర్యలు తీసుకుంటామని తెలిపారు
రాష్ట్ర గవర్నర్‌ జస్టిస్‌ అబ్దుల్‌ నజీర్‌తో ముఖ్యమంత్రి చంద్రబాబు మర్యాదపూర్వకంగా భేటీ అయ్యారు. రాష్ట్రంలోని తాజా పరిస్థితులు, పరిపాలన అంశాలను సీఎం గవర్నర్‌కు వివరించారు. అంతకు ముందు క్యాంపు కార్యాలయంలో కేంద్ర, రాష్ట్ర జీఎస్టీ అధికారులతో ముఖ్యమంత్రి సమావేశం నిర్వహించారు. డేటా అనలిటిక్స్ వంటి సాంకేతికతను ఉపయోగించి, పన్ను ఎగవేతలను అడ్డుకోవాలని అధికారులకు సూచించారు. జీఎస్టీ రిజిస్ట్రేషన్లలో ఎలాంటి పొరపాట్లు లేకుండా చూడాలన్నారు. త్వరలో సీఎం చంద్రబాబు దిల్లీలో పర్యటించనున్నారు. బనకచర్ల అంశంపై గవర్నర్‌‌తో చర్చించినట్లు తెలుస్తోంది
మాజీ కేంద్ర మంత్రి, కాంగ్రెస్ రాజ్యసభ సభ్యురాలు రేణుకా చౌదరికి ఖమ్మం కోర్టులో ఊరట లభించింది. 2014 లో ఆమెపై నమోదైన ఎస్సీ, ఎస్టీ అట్రాసిటీ కేసును కోర్టు కొట్టివేసింది. 2014లో తనకు, లేదా తన భర్తకు వైరా ఎమ్మెల్యే టికెట్ ఇప్పిస్తానని చెప్పి రేణుకా చౌదరి చీటింగ్ చేశారంటూ భూక్య రాంజీ భార్య కళావతి పోలీసులకు ఫిర్యాదు చేశారు.
కోర్టును కూడా ఆశ్రయించారు. దీనికి సంబంధించి ఖమ్మం జిల్లా కోర్టులోని ఎస్సీ, ఎస్టీ న్యాయస్థానంలో విచారణ కొనసాగింది. అయితే రేణుకపై ఆరోపణలు రుజువు కాకపోవడంతో కేసును కొట్టివేస్తూ జడ్జి తీర్పును వెలువరించారు. రేణుక తరపున సీనియర్ న్యాయవాదులు నిరంజన్ రెడ్డి, మద్ది శ్రీనివాస్ రెడ్డి వాదనలు వినిపించారు.
నంద్యాల శిల్పం సైకిలెక్కనుందా? అన్న టాక్ వినిపిస్తోంది. కారణం.. ఆయన ఓడిపోయినప్పటి నుంచీ వైసీపీ అంటేనే చిన్న చూపు ఏర్పడిందట. అంతే కాదు.. ఎప్పుడో ఎక్కడో ఒక సారి పార్టీ ఆఫీసుకు వచ్చి వెళ్తున్నారట. దీంతో నంద్యాలలో పార్టీ క్రమంగా పట్టు తప్పుతున్నట్టు ఇంటర్నల్ టాక్. దానికి తోడు ఆయన చూపు టీడీపీ వైపు మళ్లు తున్నట్టుగానూ భావిస్తున్నారట ఇక్కడ ఫ్యాను పార్టీ కార్యకర్తలు. ఇక్కడ అసలు మేటరేంటంటే.. ఈయనగారి ఈమాత్రం రాజకీయానికి అనవసరంగా వేలు పెట్టి లేని పోని గొడవకు కారణమయ్యాం కదాని తెగ ఫీలవుతున్నారట పుష్పరాజ్ అలియాస్ అల్లు అర్జున్.
పుష్పరాజ్ గా ఫేమస్ అయిన దానికంటే.. నంద్యాల రవి కోసం ప్రచారానికి వెళ్లినపుడే ఎక్కువగా ట్రోల్ అయ్యారాయన. అంతేనా కుటుంబంలో లేని పోని గొడవలు. నానా యాగీ జరిగింది. నాగబాబు ట్వీట్ నుంచి మొదలు పెడితే.. మెగాహీరోల్లో సాయి ధరమ్ వంటి కొందరు హీరోలు అల్లువారబ్బాయిని అన్ ఫాలో చేయడం వంటి పరిణామక్రమాలు. ఆపై అల్లు అర్జున్ ఈ మొత్తం ఎపిసోడ్ పై వివరణ ఇచ్చుకోవల్సి రావడం.. ఇలా నానా రకాల రభస జరిగింది. ఏదో తన రెడ్డింటి భార్యామణి బంధువు కదాని.. వెళ్లినందుకు ఇంత హైరానా హంగామా జరిగాయి. ఇప్పుడవన్నీ బూడిదలో పోసిన పన్నీరా? అన్న క్వశ్చిన్ మార్క్ అల్లు అర్జున్ని తెగ డిస్ట్రబ్ చేస్తోందట.
తాను సపోర్టుగా వెళ్లిన రవి చూస్తే కూటమి పార్టీలకే పెద్ద దిక్కయిన టీడీపీలోకి వెళ్లడమంటే ఇన్నాళ్ల పాటు తాను అనుభవించిన కష్టానికే అతి పెద్ద అవమానకరంగా భావిస్తున్నారట అల్లు అర్జున్. ఒక పక్క చూస్తే కుటుంబంలో కలహాలు. మరొక పక్క చూస్తే రాజకీయ కక్ష సాధింపుల్లాంటి ఘటనలు. ఎటు నుంచి ఎటు చూసినా.. నంద్యాల ఎపిసోడ్ నుంచి అల్లు అర్జున్ పడ్డ బాధలు అన్నీ ఇన్నీ కావు. ఈ సినిమా రెండు వేల కోట్ల రూపాయల మేర వసూళ్లు చేసినా, తనకు నేషనల్- స్టేట్ అవార్డులు రెండొచ్చినా.. రవీ తీసిన ఈ ఎదురు దెబ్బ ముందు అవన్నీ తేలిపోయినట్టుగా భావిస్తున్నారట అల్లు అర్జున్. ఇది తాను అస్సలు ఊహించలేదట. వ్రతం చెడ్డా ఫలితం దక్కాలంటారు.
ఇంత పెద్ద సెలబ్రిటీ వెళ్లి కూడా అక్కడ రవి ఓడిపోయారు. ఇప్పుడు చూస్తే ఆయన పార్టీయే మారనున్నారు. అంటే, ఒకటికి రెండు దెబ్బలు. రవి కోసం నంద్యాలకు వెళ్లడంతో తనను వైసీపీ శ్రేణులు పెద్ద ఎత్తున నెత్తిన పెట్టుకుని చూసుకున్నాయి. ఈగ కూడా వాలనివ్వలేదు. మొన్నటికి మొన్న పవన్ అడవులను దోచేవాడు హీరో ఏంటన్న కామెంట్ల సమయంలో కూడా అల్లు అర్జున్నే వెనకేసుకొచ్చారు వీరంతా. దీనంతటికీ కారణమైన రవి ఒక వేళ టీడీపీలోకి వెళ్లిపోతే.. తాను కూడా ఆ పార్టీలోకి వెళ్లినట్టా? లేక ఫ్యాన్ పార్టీలో తన ఫ్యాన్ ఫాలోయింగ్ అలాగే కంటిన్యూ అవుతుందా? తేలాల్సి ఉందంటున్నారు అల్లు అర్జున్ ఆర్మీ.
హైదరాబాద్‌లో కల్తీ కల్లు తాగి 9 మంది ప్రాణాలు కోల్పోయిన ఘటనపై తెలంగాణ ప్రభుత్వం చర్యలు చేపట్టింది. బాలానగర్ ఎక్సైజ్ సీఐ వేణు కుమార్‌ను సస్పెండ్ చేస్తూ ఉత్తర్వులు జారీ చేసింది. DTF నర్సిరెడ్డి, ఏఈఏఎస్ మాధవయ్య సహా మిగతా వారి పాత్రపై దర్యాప్తు చేస్తోంది. తనిఖీలు చేయకుండా కల్తీ కల్లు తయారవుతున్నా నిర్లక్ష్యంగా వ్యవహరించారని వేణుపై వేటు వేసింది.
కల్తీ కల్లు ఘటనపై ఐదు టీంలో ఎంక్వైరీ చేయించిన ఎక్సైజ్ శాఖ ఇప్పటికే హైదర్‌నగర్, హెచ్ఎంటీ హిల్స్, షంషీగూడ, సర్దార్ పటేల్ నగర్ కల్లు దుకాణాల లైసెన్సులు రద్దు చేసింది . నలుగురు వ్యాపారులు రవితేజ గౌడ్ (29), కోన సాయి తేజ గౌడ్ (31), చెట్టు కింది నాగేష్ గౌడ్ (51), బట్టి శ్రీనివాస్ గౌడ్ (39)లను ఎక్సైజ్ అధికారులు అరెస్ట్ చేసి రిమాండ్కు తరలించారు. కల్తీ కల్లు తాగి 8 మృతి చెందగా.. మరికొందరు ఆసుపత్రిలో చికిత్స పొందుతోన్న విషయం తెలిసిందే.
ALSO ON TELUGUONE N E W S
బిగ్ బాస్ ఫేమ్ శ్రీహాన్, మిత్రా శర్మతో పాటు గీతానంద్, జెనీఫర్ ఇమ్మానుయేల్, రోనీత్ రెడ్డి ముఖ్య పాత్రలు పోషించిన చిత్రం 'వర్జిన్ బాయ్స్'. రాజా దారపునేని నిర్మాణంలో దయానంద్ దర్శకత్వం వహించిన ఈ చిత్రం, 'టికెట్ కొట్టు - ఐఫోన్ పట్టు' వంటి ప్రమోషనల్ ఆఫర్లతో ప్రేక్షకుల దృష్టిని ఆకర్షించింది. మరి ఈ సినిమా ఉందనేది రివ్యూలో చూద్దాం.
కథ:
ఒక యూనివర్సిటీలో చదువుకునే డుండీ (శ్రీహాన్), ఆర్య (గీతానంద్), రోనీ (రోనీత్ రెడ్డి) స్నేహితులు. కాలేజీలో అందరికీ గర్ల్‌ఫ్రెండ్స్ ఉండగా, తమకు లేరనే నిరాశలో ఉన్న వీరిని.. వారి స్నేహితుడు (కౌశల్) మరింత రెచ్చగొడతాడు. "నేను అమెరికా నుంచి తిరిగి వచ్చేలోపు మీరు వర్జినిటీ కోల్పోవాలి" అని సవాల్ విసురుతాడు. ఈ సవాల్‌ను స్వీకరించిన ముగ్గురు స్నేహితులు.. ముగ్గురు అమ్మాయిలతో ప్రేమలో పడతారు. జెనీఫర్ ను డుండీ, సరయు (మిత్రా శర్మ)ను ఆర్య , శ్లోక (అన్షులా ధావన్)ను రోనీ ప్రేమిస్తారు. అయితే, వారి ప్రేమ జీవితంలో అనేక అడ్డంకులు ఎదురవుతాయి. వారి ప్రేమ కథలు విజయ తీరాలకు చేరాయా? వర్జినిటీ కోల్పోవడమే లక్ష్యంగా పెట్టుకున్న ముగ్గురు మిత్రులు తమ సవాల్‌లో గెలిచారా? అనేది సినిమా చూసి తెలుసుకోవాలి.
విశ్లేషణ:
తెలుగులో అడల్ట్ కామెడీ సినిమా రావడం అరుదు. 'వర్జిన్ బాయ్స్' టైటిల్, ప్రమోషనల్ కంటెంట్ చూసి.. ఇది అడల్ట్ కామెడీ సినిమా అని భావించారంతా. థియేటర్‌లో చూసిన తర్వాత.. ఇది పూర్తిగా అడల్ట్ కామెడీ సినిమా కాదని క్లారిటీ వస్తుంది. కాలేజీలో కొత్తగా చేరిన యువతలో చాలామందికి గర్ల్‌ఫ్రెండ్ ఉండాలని, వర్జినిటీ కోల్పోవాలని కోరిక ఉంటుంది. కానీ, వర్జినిటీ కోల్పోవడం కంటే నిజమైన ప్రేమే ముఖ్యమనే సందేశంతో ఈ సినిమాను రూపొందించారు. అక్కడక్కడ బోల్డ్ జోక్స్, స్కిన్ షో ఉన్నప్పటికీ.. మరీ గీత దాటే ప్రయత్నం చేయలేదు. అయితే సినిమాలో కొత్తదనంలేదు. కథా కథనాలు కూడా గొప్పగా లేవు. తెలిసిన కథ అయినప్పటికీ.. ఫస్ట్ హాఫ్ లో ఎంటర్టైన్మెంట్, సెకండ్ హాఫ్ లో ఎమోషన్స్ తో బోర్ కొట్టకుండా నడిపే ప్రయత్నం చేశారు. అదే ఈ సినిమాని కాపాడింది. వినోదాన్ని పంచుతూనే.. చివర్లో ఈ తరానికి కావాల్సిన ఓ మంచి సందేశాన్ని ఇచ్చారు.
నటీనటులు, సాంకేతిక నిపుణుల పనితీరు:
శ్రీహాన్ ఈ సినిమాకు ప్రధాన ఆకర్షణ. అతని కామెడీ టైమింగ్ ప్రేక్షకులను నవ్వించింది. గీతానంద్ కూడా ఈజ్‌తో నటించాడు. రోనీత్ రెడ్డి తన పాత్రలో పర్వాలేదు అనిపించదు. మిత్రా శర్మ, జెనీఫర్ ఇమ్మానుయేల్, అన్షులా ధావన్ ఆకట్టుకున్నారు.
స్మరణ్ సాయి అందించిన సంగీతం సినిమాకు ప్లస్ అయింది. నేపథ్య సంగీతం సన్నివేశాలకు తగ్గట్టు బాగుంది. సినిమాటోగ్రఫీ, ఎడిటింగ్ విభాగాల పనితీరు బాగానే ఉంది. నిర్మాణ విలువలు సినిమా స్థాయికి తగ్గట్టుగా ఉన్నాయి.
ఫైనల్ గా...
'వర్జిన్ బాయ్స్'లో యూత్ కి నచ్చే అంశాలు బాగానే ఉన్నాయి. ఓ మంచి సందేశం కూడా ఉంది. పెద్దగా అంచనాలు పెట్టుకోకుండా వెళ్తే సినిమా నచ్చే అవకాశముంది.
రేటింగ్: 2.75/5
Cast: David Corenswet, Rachel Brosnahan, Nicholas Hoult, Edi Gathegi, Anthony Carrigan, Nathan Fillion, Isabela Merced
Crew:
Based on DC Comics
Cinematography by Henry Braham
Music by John Murphy, David Fleming
Edited by William Hoy, Craig Alpert
Written & Directed by James Gunn
Produced by Peter Safran, James Gunn
DC Comics have tried to build on momentum created by Christopher Nolan with Dark Knight trilogy to create DCEU and fight with Marvel Cinematic Universe, MCU. But Zack Snyder could not deliver on Man of Steel, Superman vs Batman: Dawn of Justice, Suicide Squad, Justice League did not work as anticipated. Aquaman, Wonder Woman worked big time but their sequels did not work and hence, they brought in James Gunn to revamp. He directed and produced Superman as first one from new DCU. Let's discuss about the movie in detail.
Plot:
Lex Luthor (Nicholas Hoult) hates Superman (David Corenswet), who has been saving people from major calamities over past 3 years. He has announced himself and Lex wants to hurt him and eliminate him. He creates a huge military problem between Jahranpur and Borovan borders. He plans to blame Superman and even on social media negativity against him, increases. Lois Lane (Rachel Brosnahan) his girlfriend tries to understand what he is going through with all this. How Superman will overcome this obstacle by Lex? What more challenges he created for him? Watch the movie to know more.
Analysis:
David Corenswet looks good as Superman but he doesn't get much to perform as per stunts or in emotional scenes. While there are sequences that talk about his relationship with humans, human family, love and people, James Gunn doesn't give him that space to really explore his full potential as an actor. Still, he makes an impression and Rachel Brosnahan did well. Nicholas Hault did his best to make sense of Lex Luthor character but it is not well defined.
James Gunn's quirky humor sense worked well in Guardians of Galaxy films has the characters have in-built quirkiness and goofiness. But Superman is more serious as a character and more powerful. We have seen Superman taking on huge challenges rather than just political issues on Earth. This political issue seems to be convoluted and not clearly defined. The Blackhole built artifically doesn't really terrorise as much as it seems impossible to create.
But in human side of the story, James Gunn is able to create some good sequences in human relationship ones. Mainly, the father and son conversation between Clark Kent and his father is well written. But other sequences just don't really stand out. It feels like an episode of a series than a film that showcases how Superman is defining himself. More or less, James Gunn seems to have gone for a safe bet where he needed the movie to at least be a watchable flick.
In writing, we don't see him trying much different from his Guardians of Galaxy films. Few sequences also seem to be a repeat from his GOG films too. Nathan Fillion's Green Lantern, Hawk Girl and others do have important sequences but they do not really leave an impact. Overall, the movie ends up being a decent flick compared to DC films from recent past. So, we can say it as a watchable film, only if you have very low expectations.
Bottomline:
This Superman doesn't fly high as he doesn't get such a platform or space.
Rating: 2.75/5
Disclaimer: The views/opinions expressed in this review are personal views/opinions shared by the writer and organisation does not hold a liability to them. So, we would encourage viewers' discretion before reacting to them.
మాస్ మహారాజా రవితేజ వరుస సినిమాలతో దూసుకుపోతున్నాడు. ఆగస్టు 27న 'మాస్ జాతర'తో ప్రేక్షకులను పలకరించనున్నాడు. కిషోర్ తిరుమల డైరెక్షన్ లో చేస్తున్న ప్రాజెక్ట్.. 2026 సంక్రాంతికి విడుదల కానుంది. అలాగే 'మ్యాడ్' కళ్యాణ్ శంకర్ దర్శకత్వంలో ఓ సినిమా కమిట్ అయ్యాడు. అది డిసెంబర్ లో పట్టాలెక్కే అవకాశముంది. ఇదిలా ఉంటే తాజాగా మరో సినిమాకి గ్రీన్ సిగ్నల్ ఇచ్చినట్లు తెలుస్తోంది.
రవితేజకు ఇటీవల దర్శకుడు శివ నిర్వాణ ఓ కథ చెప్పినట్లు తెలుస్తోంది. శివ చెప్పిన స్టోరీకి ఇంప్రెస్ అయిన రవితేజ.. సినిమా చేయడానికి ఓకే చెప్పినట్లు సమాచారం. మైత్రి మూవీ మేకర్స్ బ్యానర్ లో ఈ ప్రాజెక్ట్ రూపొందనుందని వినికిడి. ఈ సినిమాకి సంబంధించి త్వరలోనే అధికారిక ప్రకటన వచ్చే ఛాన్స్ ఉంది.
'నిన్ను కోరి', 'మజిలీ' సినిమాలతో ప్రతిభగల దర్శకుడిగా పేరు తెచ్చుకున్నాడు శివ నిర్వాణ. మూడో చిత్రం 'టక్ జగదీష్' నేరుగా ఓటీటీలో విడుదలైంది. గత చిత్రం 'ఖుషి' భారీ అంచనాలతో థియేటర్లలో అడుగుపెట్టి, ఆశించిన ఫలితాన్ని అందుకోలేక పోయింది. ఈ చిత్రాన్ని మైత్రి సంస్థ నిర్మించడం విశేషం. అయితే 'ఖుషి' ఆశించిన విజయాన్ని అందుకోనప్పటికీ.. శివ నిర్వాణ ప్రతిభ మీద నమ్మకంతో.. మైత్రి మరో సినిమా నిర్మించడానికి సిద్ధమైనట్లు తెలుస్తోంది.
ఇటీవల రామ్ పోతినేనికి కూడా శివ నిర్వాణ కథ చెప్పినట్లు వార్తలొచ్చాయి. మరి అది ఇది ఒకే కథేనా? లేక వేరు వేరు కథలా? అనేది తెలియాల్సి ఉంది.
సినిమా పేరు: ఓ భామ అయ్యో రామ
తారాగణం: సుహాస్, మాళవిక మనోజ్,అనిత, బబ్లూ పృథ్వీ, అలీ, ప్రభాస్ శ్రీను, రవీంద్ర విజయ్, సాత్విక్ ఆనంద్ తదితరులు
సంగీతం: రాధాన్
ఫొటోగ్రఫీ : మణికంధన్
ఎడిటర్: భవిన్ ఎమ్ షా
రచన, దర్శకత్వం: రామ్ గోదాల
నిర్మాత:హరీష్ నల్లా
బ్యానర్: వి ఆర్ట్స్,
విడుదల తేదీ: జూలై 11 ,2025
సుహాస్(Suhas) హీరోగా తమిళ 'జో'మూవీతో ఎంతో మంది అభిమానులని సంపాదించుకున్న 'మాళవిక మనోజ్'(Malavika Manoj) హీరోయిన్ గా నటించిన చిత్రం 'ఓ భామ అయ్యో రామ' (Oh Bhama Ayyo Rama). ప్రచార చిత్రాలతో మంచి బజ్ ని క్రియేట్ చేసుకోగా, ఈ రోజు థియేటర్స్ లోకి అడుగుపెట్టింది. మరి మూవీ ఎలా ఉందో చూద్దాం.
కథ
రామ్ (సుహాస్) తన పదేళ్ల వయసులోనే తల్లి మీనాక్షి(అనిత) చనిపోవడంతో ఆమె జ్ఞాపకాలతో బతుకుతుంటాడు. సినిమా అంటే ఇష్టం ఉండదు. కానీ స్క్రీన్ పై సినిమా చూడకుండా, థియేటర్ ఆవరణలోనే సినిమా తాలూకు మాటలు వింటు, సినిమా హిట్టా, ప్లాపా అని చెప్పడంలో మంచి నేర్పరి. ఫారెన్ లో ఉన్నత చదువు కోసం వెళ్లాలనే లక్ష్యంతో ఉంటాడు. కానీ తన చిన్నప్పుడు జరిగిన ఒక సంఘటనని గుర్తు చేసుకొని భయపడుతుంటాడు. సత్యభామ అలియాస్ సత్య(మాళవిక మనోజ్) అనే మిలినియర్(బబ్లూ పృథ్వీ) కూతరు రామ్ జీవితంలోకి వస్తుంది. ప్రపంచంలో ఉన్న అమ్మాయిలందరి కంటే తనే అందగత్తెని అనే కాన్ఫిడెన్స్ తో ఉంటు, చాలా సరదాగా లైఫ్ ని ఎంజాయ్ చేస్తుంటుంది. రామ్, భామ ఒకరికొకరు ప్రేమించుకుంటారు. రామ్ పెద్ద సినిమా దర్శకుడు అవ్వాలని అసిస్టెంట్ డైరెక్టర్ గా భామ జాయిన్ చేస్తుంది. సినిమా అంటే ఇష్టం లేని రామ్ అసిస్టెంట్ డైరెక్టర్ గా జాయిన్ అవుతాడు. రామ్ జీవితంలోకి సత్య ఎందుకు వచ్చింది? ఫారెన్ వెళ్లే వ్యక్తిని ఎందుకు అసిస్టెంట్ డైరెక్టర్ గా జాయిన్ చేసింది? రామ్ చిన్నప్పటి జీవితానికి భామకి ఏమైనా సంబంధం ఉందా? రామ్ తల్లి మీనాక్షి ఎవరు? ఆమె ఏ విధంగా చనిపోయింది? సినిమా అంటే రామ్ కి ఇష్టం లేకపోవడానికి కారణం ఏంటి? ఏ విషయాన్నీ గుర్తు చేసుకొని రామ్ పెద్దయ్యాక కూడా భయపడుతున్నాడు? అసలు రామ్ జీవితంలోకి భామ ఎందుకు వచ్చింది? చివరకి ఆ ఇద్దరు ఒక్కటయ్యారా లేదా అనేదే ఈ చిత్ర కథ.
ఎనాలసిస్
ఖచ్చితంగా 'ఓ భామ అయ్యో రామ' మంచి కథతోనే తెరకెక్కింది. ఆడవాళ్ళ గొప్పతనం గురించి చాలా చక్కగా చెప్పారు. కానీ కథనంలోని లోపల వల్ల అంతగా కనెక్ట్ అవ్వదు. ఎన్నో సినిమాల ఇన్ స్పిరేషన్ తో అక్కర్లేని సన్నివేశాలు పెట్టి మంచి కథని చేరువ కాకుండా చేసారు. ఫస్ట్ హాఫ్ ఓపెన్ చేస్తే రామ్ ఇంట్రడక్షన్ తో పాటు తన ఫ్లాష్ బ్యాక్ చెప్పడం, ఆ తర్వాత భామ ఇంట్రడక్షన్, ఆమె క్యారక్టర్ ని మలిచిన తీరు ఇవన్నీ మూవీపై మంచి ఆసక్తిని కలిగించాయి. కానీ ఆ తర్వాత నెమ్మది నెమ్మది గా రామ్ క్యారక్టర్ ఎప్పుడు ఎలా ప్రవర్తిస్తుందో తెలియదు. ఈ విషయమే సినిమాకి ప్రధాన లోపం. భామ క్యారక్టరయిజేషన్ మాత్రం చాలా బాగుంది. రామ్ కి సంబంధించిన గతం భామకి ఏమైనా తెలుసా అనే ఆసక్తిని కలిగించింది. కాకపోతే ఆ ఇద్దరి మధ్య వచ్చిన సన్నివేశాలు మాత్రం ఆకట్టుకోలేదు. రామ్ అండ్ ఫ్రెండ్స్, రామ్ మేనమామ అలీ మధ్య వచ్చిన సన్నివేశాలు కూడా ఆకట్టుకొని విధంగా ఉన్నాయి. రామ్ తో భామ సినిమా కథలు చెప్పే సన్నివేశాలు కొత్తగా ఉన్నా కామెడీ వర్క్ అవుట్ కాలేదు. డైలాగులు కూడా ప్రధాన మైనస్ గా నిలిచాయి. ఇంటర్వెల్ ట్విస్ట్ బాగుంది. సెకండ్ హాఫ్ లో చూసుకుంటే రామ్ తల్లి మీనాక్షి ఫ్లాష్ బ్యాగ్ బాగుంది. ఎంతలా అంటే సినిమా మొత్తంపై ఆ ఎపిసోడ్ హైలెట్ అని చెప్పవచ్చు. క్లైమాక్స్ విషయంలో మరింత శ్రద్ధ చూపించాల్సింది.
నటీ నటులు సాంకేతిక నిపుణుల పని తీరు
సుహాస్ ఎప్పటిలాగానే రామ్ క్యారక్టర్ లో కథకి సూటయ్యేలా నటించాడు. తన గత చిత్రాల్లో లేని విధంగా డాన్స్ లో మెప్పించాడు. భామ క్యారక్టర్ లో తమిళ నటి 'మాళవిక మనోజ్' ఒక రేంజ్ లో నటించింది. ఎంతలా అంటే తను స్క్రీన్ పై కనపడుతున్నంత సేపు హుషారుని తీసుకొచ్చింది. సీన్స్ ఎలివేషన్ బాగోలేకపోయినా, అచ్చ తెలుగు అమ్మాయిగా నటనతో, అందంతో మూవీకి నిండు తనాన్ని తీసుకొచ్చింది. రామ్ తల్లిగా చేసిన నువ్వు నేను ఫేమ్ హీరోయిన్ అనిత, ఆమె భర్త క్యారక్టర్ లో చేసిన రవీంద్ర విజయ్, అలీ, భామ తండ్రిగా చేసిన బబ్లూ పృథ్వీ తమ పాత్ర పరిధి మేరకు నటించారు. ఇక దర్శకుడు రామ్ గోదాల(Ram Godala)డైరెక్టర్ గా పర్వాలేదని అనిపించినా, రచయితగా ఫెయిల్ అయ్యాడు. మంచి కథ కి మంచి స్క్రీన్ ప్లే ని సమకూర్చులేకపోయాడు. నిర్మాణ విలువలు మాత్రం ఎక్స్ లెంట్ గా ఉన్నాయి, మ్యూజిక్, ఆర్ .ఆర్ ఒక మాదిరిగా ఉన్నా ఫొటోగ్రఫీ బాగుంది.
ఫైనల్ గా చెప్పాలంటే... మంచి కథని ఎంచుకున్నారు. కానీ స్క్రీన్ ప్లే విషయంలో ఇంకొంచం జాగ్రత్త తీసుకుంటే బాగుండేది. హీరోయిన్ మాత్రం తన పెర్ ఫార్మెన్స్, అందంతో చివరిదాకా థియేటర్ లో కుర్చోపెట్టింది.
రేటింగ్ 2.5/5
- అరుణాచలం
Disclaimer: The views/opinions expressed in this review are personal views/opinions shared by the writer and organisation does not hold a liability to them. We would encourage viewers' discretion before reacting to them.
Cast: Suhas, Malavika Manoj, Ravindra Vijay, Anitha Hassanandhani, Ali, Babloo Prithviraj, Satvik Anand, Nayani Pavani
Crew:
Cinematography by Manikandan
Edited by Bhavin M Shah
Music by Radhan
Written & Directed by Ramu Godhala
Produced by Harish Nalla
Suhas has been growing into a reliable leading man in Telugu Cinema with his unique script selection. But his films have been struggling at the box office, recently. Now, his movie Oh Bhama Ayyo Rama released today. Let's discuss about the movie in detail.
Plot:
Ram (Suhas) has a troubled childhood and he grows into a coward, fearful and uninitiated. He is a brilliant student in college. One night, he saves Satyabhama (Malavika Manoj) when she is drunk. She gets obsessed by him and starts to stalk him. Later, she starts to take him on weird dates telling him stories. He starts to fall in love with her and accepts her.
She asks him to join under Harish Shankar as an assistant, as she always wanted to become a director but as her family won't allow, he should for her. Ram accepts and he starts working hard. Suddenly, she tells him that they should take three years break to meet again. Why? What happens to her and their relationship? Watch the movie to know more.
Analysis:
Suhas is good in the role but he is let down by confused writing and execution. His role lacks any sort of depth and it suffers with unimaginative writing all over. In trying to narrate his story in a new age screenplay, the director fails to engage audiences into his struggle.
It feels like Malavika Manoj's character is just written to narrate his story and bring him out of his misery with no proper character for her. While she is beautiful and did well, writing for her character is pathetic. While trying to make her unpredictable and keep audiences guessing, the writer lost giving her character any sense.
As the writing and directing don't have a proper direction, the narrative just gets tiring. The movie looses any sort of novelty with the convoluted narrative. Even Ali, Ravindra Vijay, Babloo Prithviraj, Satvik Anand couldn't really save this film from falling into its own traps of mediocrity and amateurish execution.
Bottomline:
The movie fails in engaging audiences and lacks coherence.
Rating: 2.5/5
Disclaimer: The views/opinions expressed in this review are personal views/opinions shared by the writer and organisation does not hold a liability to them. We would encourage viewers' discretion before reacting to them.
.webp)
మూవీ: నరివెట్ట
నటీనటులు: టొవినో థామస్, సూరజ్ వెంజరమూడి, చేరన్, ఆర్య సలీమ్, ప్రణవ్, ప్రియంవద కృష్ణన్ తదితరులు
ఎడిటింగ్: షమీర్ మహమ్మద్
సినిమాటోగ్రఫీ: విజయ్
మ్యూజిక్: జేక్స్ బిజోయ్
నిర్మాతలు: షియాస్ హసన్, టిప్పుషాన్
దర్శకత్వం: అనురాజ్ మనోహర్
ఓటీటీ: సోనీ లివ్
కథ:
వర్జీస్ పీటర్ (టొవినో థామస్) ప్రభుత్వ ఉద్యోగం కోసం ప్రయత్నిస్తుంటాడు. చిన్న చిన్న పోస్టుల్లో అవకాశం వచ్చినా వాటిలో చేరేందుకు ఆసక్తి చూపడు. మరోవైపు తన చిన్నప్పటి స్నేహితురాలు సోఫియా (ప్రియంవద కృష్ణన్), వర్ఘీస్ ఇద్దరు ప్రేమించుకుంటారు. అయితే, ఉద్యోగం ఉంటేనే పెళ్లి గురించి మాట్లాడమని సోఫియా తండ్రి కండిషన్ పెడతాడు. దీంతో ఇష్టం లేకపోయిన కానిస్టేబుల్ ఉద్యోగంలో చేరతాడు వర్ఘీస్. అక్కడే అతడికి హెడ్ కానిస్టేబుల్ బషీర్ (సూరజ్ వెంజరమూడి) పరిచయమవుతాడు. అన్నివిధాలా అండగా ఉంటాడు. ఈ క్రమంలోనే వర్ఘీస్ ఉన్న బెటాలియన్ వయనాడ్ అడవుల్లో ఇళ్ల కోసం గిరిజనులు చేస్తున్న ఆందోళన కార్యక్రమం బందోబస్తుకు వెళ్లాల్సి వస్తుంది. మరి వయనాడ్ వెళ్లిన అతడికి ఎలాంటి పరిస్థితులు ఎదురయ్యాయి? బషీర్ కనబడకుండా పోవడానికి కారణమేంటి? ఆ సంఘటన వల్ల వర్ఘీస్ జీవితం ఎలా మలుపు తిరిగిందనేది మిగతా కథ.
విశ్లేషణ:
ఇది వర్ఘీస్ అనే కానిస్టేబుల్ , బషీర్ అనే హెడ్ కానిస్టేబుల్ చుట్టూ సాగే కథ. నిజజీవితంలో జరిగిన కొన్ని సంఘటనలని బేస్ చేసుకొని తీసిన కథే ఈ 'నరివెట్ట'. ఇందులో కానిస్టేబుల్స్ తమ విధులని చేస్తూనే పైఅధికారుల నుండి ఉండే ప్రెజర్ ని దాటి ఓ పెద్ద కుట్రని బయటపెడతారు. దర్శకుడు అనురాజ్ మనోహర్ ఎంచుకున్న కథా పాయింట్ బలమైనదే మరి దానిని ప్రెజెంట్ చేయడంలో కొంతవరకు సక్సెస్ అయ్యాడు. ఎందుకంటే కథ చాలా స్లోగా సాగుతుంది.
హీరో, హీరోయిన్ మధ్య సాగే సీక్వెన్స్ అంతా బోరింగ్ గా అనిపిస్తుంది. ఎందుకంటే ఓవైపు సీరియస్ సిచువేషన్ జరుగుతుంటే అదంతా చూపించడం మానేసి హీరో, హీరోయిన్ మధ్య లావ్ ట్రాక్ కాస్త ఇబ్బంది పెడుతుంది. ఫస్టాఫ్ చెప్పగా స్లోగా సాగుతుంది. సెకెంఢాఫ్ లో బషీర్ తప్పిపోయిన నుండి కథ ఎంగేజింగ్ గా సాగుతుంది. ఇంకా చివరి ముప్పై నిమిషాలు కథలో వచ్చే ట్విస్ట్ లు ఆకట్టుకుంటాయి.
పోలీసుల దౌర్జన్యం, ఆదివాసీల దుర్బల జీవితాలను దర్శకుడు కళ్లకు కట్టినట్లు చూపించిన తీరు బాగుంది. కానీ బలమైన ఇంపాక్ట్ రాలేదు. అడల్ట్ సీన్లు లేవు. అశ్లీల పదాలు లేవు. అలా అని కుటుంబంతో కలిసి చూసేంత గా ఏమీ లేదు. లవ్ ట్రాక్ బోరింగ్ గా సాగుతుంది. ఇంకా బషీర్, వర్ఘీస్ ల మధ్య ఇంకాస్త బాండింగ్ ఉంటే బాగుండేది. కాన్సెప్ట్ బాగున్నప్పటికి దానిని ప్రెజెంట్ చేయడంలో దర్శకుడు కాస్త వెనుకబడ్డాడు. జేక్స్ బిజోయ్ మ్యూజిక్ బాగుంది. ముఖ్యంగా సెకెంఢాఫ్ లో వచ్చే బిజిఎమ్ ఆకట్టుకుంది. సినిమాటోగ్రఫీ బాగుంది. ఎడిటింగ్ నీట్ గా ఉంది. నిర్మాణ విలువలు బాగున్నాయి.
నటీనటుల పనితీరు:
వర్ఘీస్ గా టొవినో థామస్, బషీర్ గా సూరజ్ వెంజరమూడి తమ పాత్రల్లో ఒదిగిపోయారు. సోఫియాగా ప్రియంవద కృష్ణన్ తమ పాత్రకి న్యాయం చేశారు. ఇక మిగతావారు వారి పాత్రల పరిధి మేర నటించారు.
ఫైనల్ గా : జస్ట్ ఒకే.. వన్ టైమ్ వాచెబుల్
రేటింగ్: 2.5 / 5
✍️.దాసరి మల్లేష్
హిట్, ఫ్లాప్ తో సంబంధం లేకుండా థియేటర్లలో విడుదలైన నాలుగు వారాలకే మెజారిటీ సినిమాలు ఓటీటీలోకి అడుగుపెడుతున్నాయి. ఇప్పుడదే బాటలో 'కుబేర' కూడా పయనిస్తోంది. ఈ మూవీ ఓటీటీ రిలీజ్ డేట్ ను తాజాగా ప్రకటించారు. (Kuberaa on OTT)
ధనుష్, నాగార్జున, రష్మిక ప్రధాన పాత్రల్లో శేఖర్ కమ్ముల దర్శకత్వంలో రూపొందిన చిత్రం 'కుబేర'. జూన్ 20న థియేటర్లలో అడుగుపెట్టిన ఈ క్రైమ్ డ్రామా.. విమర్శకుల ప్రశంసలతో పాటు, ప్రేక్షకుల మెప్పు పొందింది. వరల్డ్ వైడ్ గా రూ.130 కోట్లకు పైగా గ్రాస్ రాబట్టిన కుబేర.. మంచి విజయాన్ని సాధించింది. త్వరలో ఈ సినిమా ఓటీటీలో అడుగుపెట్టనుంది.
'కుబేర' డిజిటల్ స్ట్రీమింగ్ రైట్స్ ని అమెజాన్ ప్రైమ్ దక్కించుకుంది. ఈ చిత్రాన్ని జూలై 18 నుంచి స్ట్రీమింగ్ చేయనున్నట్లు తాజాగా అమెజాన్ ప్రైమ్ ప్రకటించింది. తెలుగు, తమిళ, హిందీ, కన్నడ, మలయాళ భాషల్లో అందుబాటులోకి రానుంది.
ఇటీవల పలు సినిమాలు ఓటీటీ కోసం హిందీ మార్కెట్ ను కూడా వదులుకుంటున్నాయి. నేషనల్ చైన్స్ లో హిందీ వెర్షన్ రిలీజ్ చేయాలంటే.. 8 వారాల తర్వాతే ఓటీటీలో రిలీజ్ చేసే కండిషన్ కి ఒప్పుకోవాలి. చాలా సినిమాలు హిందీ థియేట్రికల్ బిజినెస్ ని కాదనుకొని.. ఓటీటీ వైపే మొగ్గు చూపుతున్నాయి. అదే బాటలో 'కుబేర' కూడా పయనించింది.
హీరోలకు సమానమైన క్రేజ్ ను సంపాదించుకున్న అతి కొద్దిమంది హీరోయిన్లలో అనుష్క శెట్టి ఒకరు. ఒక దశాబ్ద కాలం పాటు తెలుగునాట తిరుగులేని స్టార్డంను చూసింది. అలాంటి అనుష్క.. కొన్నేళ్లుగా సినిమాలు తగ్గించింది. బయట కూడా పెద్దగా కనిపించట్లేదు. దీంతో అసలు అనుష్కకు ఏమైంది? అనే చర్చ జరుగుతోంది. (Anushka Shetty)
'బాహుబలి-1' విడుదలై ఈ జూలై 10కి పదేళ్లు పూర్తయింది. ఈ సందర్భంగా మూవీ టీమ్ రీ-యూనియన్ అయింది. ఈ రీ-యూనియన్ కు రాజమౌళి, ప్రభాస్, రానా, రమ్యకృష్ణ, సత్యరాజ్, నాజర్ ఇలా అందరూ హాజరయ్యారు. కానీ, అనుష్క మాత్రం మిస్ అయింది. బాహుబలి అనేది తెలుగు సినిమాని ప్రపంచస్థాయికి తీసుకెళ్ళిన చిత్రం. అంతటి గొప్ప చిత్రం పదేళ్ళ రీ-యూనియన్ కి అనుష్క రాకపోవడం అభిమానులకు కూడా ఆశ్చర్యాన్ని కలిగించింది. ఇదొక్కటనే కాదు.. ఇతర ఈవెంట్లలోనూ అనుష్క పెద్దగా కనిపించట్లేదు. అయితే ఆమె బయటకు రాకపోవడానికి బలమైన కారణం ఉంది అంటున్నారు.
'బాహుబలి-1', 'బాహుబలి-2'కి మధ్యలో 'సైజ్ జీరో' అనే ఓ సినిమా చేసింది అనుష్క. ఎంతో ఫిట్ గా ఉండే అనుష్క.. ఆ సినిమా కోసం రిస్క్ చేసి మరీ, బాగా బరువు పెరిగింది. కానీ, అదే ఆమె కొంపముంచింది. అప్పటినుంచి అనుష్క సన్నబడటానికి ఎంత ట్రై చేసినా.. మునుపటి శరీరాకృతి రావట్లేదని ఇండస్ట్రీ వర్గాల్లో వినిపిస్తున్న మాట. కొన్నేళ్లుగా అనుష్క చేస్తున్న సినిమాల్లో ఆమెను సన్నగా చూయించేందుకు సీజీ ఉపయోగిస్తున్నారని అంటుంటారు. అందుకే అనుష్క సినిమాలు చాలా తక్కువ చేస్తుందని, బయటకు కూడా పెద్దగా రావట్లేదని చెబుతున్నారు.
'సైజ్ జీరో' అనే ఒకే ఒక్క సినిమా అనుష్క కెరీర్ పై తీవ్ర ప్రభావం చూపించిందని అంటున్నారు. ఆ సినిమా చేయకపోయినా లేదా ఆ సినిమా కోసం అలా బరువు పెరగకుండా ఉన్నా.. అనుష్క కెరీర్ మరోలా ఉండేదని అభిప్రాయాలు వ్యక్తమవుతున్నాయి. అనుష్క మునుపటిలా ఫిట్ గా ఉంటే.. బాహుబలి తర్వాత పాన్ ఇండియా వైడ్ గా ఎందరో స్టార్ హీరోల సినిమాలు, ఫీమేల్ ఓరియెంటెడ్ సినిమాలు చేసేదనే కామెంట్స్ వినిపిస్తున్నాయి. ఇప్పుడు బరువు తగ్గలేకపోవడం వల్ల.. పెద్దగా సినిమా చేయట్లేదు, బయటకు కూడా రావట్లేదని అనుష్క ఫ్యాన్స్ ఫీలవుతున్నారు.
గత కొన్నిరోజులుగా టాలీవుడ్‌ కామెడీ విలన్‌ ఫిష్‌ వెంకట్‌ అనారోగ్య కారణాల వల్ల ఆస్పత్రిలో చికిత్స పొందుతున్న విషయం తెలిసిందే. ఇటీవలే ఆయన ఆరోగ్య పరిస్థితి విషమంగా ఉందంటూ వెంకట్‌ కుమార్తె స్రవంతి మీడియాకు తెలియజేశారు. దీనిపై స్పందించిన ‘జెట్టి’ సినిమా హీరో కృష్ణ మానినేని తన ఫౌండేషన్‌ తరఫున రూ.2 లక్షలు ఆర్థిక సాయం అందించారు. పిఆర్‌కె హాస్పిటల్‌లో చికిత్స పొందుతున్న ఫిష్‌ వెంకట్‌ని పరామర్శించిన కృష్ణ మానినేని అక్కడి వైద్యులతో మాట్లాడారు. వైద్య ఖర్చుల నిమిత్తం తమ 100 డ్రీమ్స్‌ ఫౌండేషన్‌ తరఫున రూ.2లక్షలు వెంకట్‌ కుమార్తె స్రవంతికి అందించారు. కృష్ణ అందించిన ఈ సాయం తమకెంతో ఆసరాగా నిలుస్తుందని, ఆయన గొప్ప మానవతావాది అని స్రవంతి కృతజ్ఞతలు తెలిపారు.
ఈ సందర్భంగా కృష్ణ మానినేని మాట్లాడుతూ ‘100 డ్రీమ్స్‌ ఫౌండేషన్‌ని ఒక కార్యమ్రం అయిన పునరపి(అవయవ దానం అవగాహన కార్యక్రమం) మా ఆశయం మాత్రమే కాదు, అవసరంలో ఉన్నవారికి జీవితం ఇవ్వాలన్న సంకల్పం. అవయవ దానం గురించి ప్రతి ఒక్కరూ తెలుసుకోవాలి. ఒక్క నిర్ణయం..ఒక జీవితం’ అని తెలిపారు.
Energetic Star Ram Pothineni is presently starring in a first-of-its-kind entertainer Andhra King Taluka, being helmed by Mahesh Babu P and produced ambitiously by Naveen Yerneni and Y. Ravi Shankar under the prestigious Mythri Movie Makers banner. The production works of the movie are progressing at fast pace.
Meanwhile, the film’s new month-long shooting schedule commenced today in a set erected in Hyderabad. Currently, love sequences featuring the lead pair, Ram and Bhagyashree Borse, are being filmed against a night backdrop. This night schedule will continue for 10 days, after which the team will shift to daytime shoots for the next 20 days to film the climax and other key scenes. With this final schedule, it will be a wrap for the film’s shoot.
The movie also features Kannada superstar Upendra in a pivotal role. The title glimpse, which was released earlier, received an enthusiastic response and has heightened anticipation for the film.
Siddhartha Nuni handles the cinematography, while the music is composed by the talented duo Vivek–Merwin. National Award-winning editor Sreekar Prasad is part of the movie, with popular production designer Avinash Kolla is crafting the visual aesthetic.
ప్రపంచవ్యాప్తంగా నేడు ప్రపంచ జనాభా దినోత్సవాన్ని జరుపుకుంటున్నారు. ఈ దినోత్సవాన్ని జరుపుకోవడం ఉద్దేశ్యం ప్రపంచంలోని జనాభాకు సంబంధించిన సమస్యలపై ప్రజల దృష్టిని ఆకర్షించడం. 2025 నాటికి ప్రపంచ జనాభా 806.19 కోట్లు దాటిందని అంచనా. ఐక్యరాజ్యసమితి 1989లో ఈ దినోత్సవాన్ని ప్రకటించింది. కానీ దీనిని మొదటిసారిగా ప్రపంచవ్యాప్తంగా జూలై 11, 1990న జరుపుకున్నారు.
ప్రపంచ జనాభా దినోత్సవాన్ని జరుపుకోవడం అంటే జనాభా లెక్కలను ప్రజలకు తెలియజేయడమే కాదు, పెరుగుతున్న జనాభా కారణంగా ప్రజలు ఎదుర్కొంటున్న సమస్యలను తెలుసుకోవడం, వాటికి పరిష్కారాలను కనుగొనడం. ప్రపంచ వ్యాప్తంగా జనాభా విషయంలో వివిధ దేశాలు వివిధ రకాల సమస్యలను ఎదుర్కుంటున్నాయి. భారతదేశ జనాభా గురించి, పరిస్థితుల గురించి వివరంగా తెలుసుకుంటే..
ప్రతి సంవత్సరం జూలై 11న ప్రపంచ జనాభా దినోత్సవాన్ని జరుపుకుంటారు. ఈ దినోత్సవ వేడుకలు 1990 జూలై 11న ప్రారంభమయ్యాయి. ఐక్యరాజ్యసమితి అభివృద్ధి కార్యక్రమం పాలక మండలి ప్రపంచ జనాభా దినోత్సవ వేడుకలను ప్రారంభించింది. 1989లో ఐక్యరాజ్యసమితి ప్రపంచ జనాభా దినోత్సవ వేడుకలను ప్రకటించింది. ఈ రోజు అంటే జూలై 11, 1987న ప్రపంచ జనాభా సంఖ్య 5 బిలియన్లు దాటినప్పుడు ఈ దినోత్సవాన్ని జరుపుకోవాలనే ఆలోచన వచ్చింది. ఈ దినోత్సవాన్ని జరుపుకోవాలనే సూచనను మొదట డాక్టర్ కె.సి. జకారియా ఇచ్చారు.
2025 ప్రపంచ జనాభా దినోత్సవం థీమ్..
ఈసారి 2025 ప్రపంచ జనాభా దినోత్సవం ఇతివృత్తం, యువతకు న్యాయమైన, ఆశాజనకమైన ప్రపంచంలో తమకు నచ్చిన కుటుంబాన్ని సృష్టించడానికి సాధికారత కల్పించడం.
భారతదేశ జనాభా..
ఐక్యరాజ్యసమితి ప్రకారం, 2025 నాటికి భారతదేశ జనాభా 1,463.9 మిలియన్లుగా ఉండే అవకాశం ఉంది. భారతదేశం ప్రపంచంలోనే అత్యధిక జనాభా కలిగిన దేశంగా అవతరించింది. నివేదికల ప్రకారం, రాబోయే 40 సంవత్సరాలలో ఈ జనాభా 1.7 బిలియన్లకు చేరుకుంటుంది.
అత్యధిక జనాభా కలిగిన 10 దేశాలు..
ప్రస్తుతం ప్రపంచ జనాభా దాదాపు 8.2 బిలియన్లు. అత్యధిక జనాభా కలిగిన దేశాలలో భారతదేశం అగ్రస్థానంలో ఉంది. ఆ తర్వాత వరుసగా చైనా, అమెరికా, ఇండోనేషియా, పాకిస్తాన్, నైజీరియా, బ్రెజిల్, బంగ్లాదేశ్, రష్యా, ఇథియోపియా ఉన్నాయి.
టాప్ 10 దేశాలు ఇవే..
1. భారతదేశ జనాభా (అంచనా) - 1.46 బిలియన్
2. చైనా జనాభా - 1.42 బిలియన్
3. అమెరికా జనాభా - 347 మిలియన్లు
4. ఇండోనేషియా జనాభా - 286 మిలియన్లు
5. పాకిస్తాన్ జనాభా - 255 మిలియన్లు
6. నైజీరియా జనాభా - 238 మిలియన్లు
7. బ్రెజిల్ జనాభా - 213 మిలియన్లు
8. బంగ్లాదేశ్ జనాభా - 176 మిలియన్లు
9. రష్యా జనాభా - 144 మిలియన్లు
10. ఇథియోపియా జనాభా - 135 మిలియన్లు
*రూపశ్రీ.
విజయం సాధించాలంటే ఎలాంటి మనస్తత్వం వుండాలి? వ్యక్తి ఏరకంగా ఆలోచిస్తే గెలుపు పొందగలడు? అతనిలో ఎలాంటి భావనవుండాలి? ఈ విషయాల గురించి ఒక్కొక్కరు ఒకో విధమైన అభిప్రాయాన్ని వ్యక్తం చేయగలుగుతారు. అయితే జీవితంలో ఎన్నో అనుభవాలు చూసి, ఎంతో పరిణితి కలిగిన వ్యక్తి అయితే దానికి చెబుతున్న వివరణ సరైనదేనా కాదా అని చెప్పగలుగుతారు.
ఒకానొకప్పుడు ఒక ఆంగ్ల దినపత్రిక గెలుపుకూ ఓటమికీ తేడా ఎంత?? అనే విషయం గురించి జరిగిన సంఘటనలను ఉదాహరణగా ప్రస్తావిస్తూ వ్రాసినవారికి బహుమతులు ఇస్తామని ప్రకటించింది. దానికోసం ఎంతోమంది ఎన్నో విషయాలను కథలుగా రాసి పంపారు. వాటిలో ఇద్దరు వ్యక్తులు రాసిన కథలు బహుమతులకు ఎంపికయ్యాయి. ఆ రెండు కథలలో ఒక కథను మనం చదివితే మనకు గెలుపు, ఓటమి గురించి ఓ నిర్ధిష్టమైన అవగాహన, నమ్మకం ఏర్పడుతాయి.
ఒక నట్టనడి సముద్రంలో ఒక ఓడ మునిగిపోయింది. అక్కడ అందరూ తమని తాము కాపాడుకోవడానికి అందులో ఏర్పాటు చేసిన లైఫ్ బోట్ లను, చిన్న పడవలను ఉపయోగించుకుంటున్నారు. అవి కొద్దిమొత్తమే ఉండటంతో ఆ ఓడలో ఉన్న అందరికీ అవి సరిపోలేదు. దాంతో ఎంతోమంది ప్రాణాలు అరచేతుల్లో పెట్టుకుని సముద్రపు నీళ్లలో ఉక్కిరిబిక్కరి అవుతున్నారు. సముద్రపు ఒడ్డు ఎంత దూరంలో ఉందొ తెలియకపోయినా ఆశతో ఈదుకుంటూ పోతున్నారు.
ఐదుగురుమాత్రం ఎలాంటి రక్షణ లేకుండా సముద్రంలో ఈదుతూ వున్నారు. వారికి జీవితం మీద ఆశ వారిని అలా ఈదేలా చేస్తోంది. ఒడ్డు అనేది వారికి వందల మైళ్ళ దూరంలో ఉంది. వారిలో నలుగురికి నిరాశ ఏర్పడింది. ఆఖరుకు మొసళ్ళకు ఆహారం కావలసివస్తుందే అని ఒకడు, ఈనీటిలో చావాలని భగవంతుడు రాసిపెట్టాడని మరొకడు, భార్యాపిల్లలు ఆఖరు క్షణంలో దగ్గరలేక పోయారే అని ఇంకొకడు, తన బ్యాంకులో డబ్బు ఖర్చు చేయకపోతినే అని మరొకడు, ఇలా వాళ్ళకళ్ళముందు తాము అనుభవించని సంతోషాలు, సుఖాల గురించి గుర్తు తెచ్చుకుని బాధపడసాగారు. నలుగురూ తామిక జీవించే ఆశలేదని మనస్సులో నమ్మకానికి వచ్చారు. ఆఖరుకు తమకు ఇలాంటి పరిస్థితి రావడానికి కారణం భగవంతుడే అని ఆ భగవంతుని నిందించడం ప్రారంభించారు. ఎప్పుడైతే వారి మనస్సులో బలహీనత వచ్చిందో అప్పటినుంచీ వాళ్లు సరిగా ఈదలేక మరణించారు.
అయితే ఆ ఐదో వ్యక్తిమాత్రం “నేను చావను. భగవంతుడు నన్ను అనవసరంగా సృష్టించాడంటే నమ్మను. నేను బ్రతికి తీరాలి" అంటూ శక్తినంతా కూడగట్టుకొని ఈదడం ప్రారంభించాడు.
అతడలా ఈడుతూ ఉన్నప్పుడు దృఢనిశ్చయం లేని ఆ నలుగురూ మరణించిన ఐదు నిముషాలకే ఒక విమానం అటు రావడం, దానిలోనివారు ఈదుతున్న వ్యక్తిని చూసి రక్షించడం జరిగింది! ఓడ మునుగుతున్నపుడు కెప్టెన్ వైర్ లెస్ ద్వారా చేసిన విజ్ఞప్తి వలన ఆ విమానం అక్కడికి వచ్చిందని అతడు తర్వాత తెలుసుకున్నాడు. మరణించిన నలుగురిని గుర్తు చేసుకొని విజయానికీ ఓటమికీ తేడా ఐదు నిముషాలని అతడు చెబుతాడు.
ఇదీ ఓ కథ. మనిషి జీవితంలో విజయం కోసం పోరాడుతూ మధ్యలో ఏదో నిరాశను తెచ్చుకుని దానికారణంగా పోరాటాన్ని అపకూడదని చెప్పే కథ.
◆నిశ్శబ్ద.
.webp)
పిల్లలను పెంచడం పిల్లల ఆట కాదు. ప్రతి తల్లిదండ్రులు తమ బిడ్డకు మంచి జీవితాన్ని ఇవ్వాలని కోరుకుంటారు. దానికి తగినట్టే అన్నీ వారికి అందించాలని అనుకుంటారు. కానీ చాలా సార్లు, తెలిసి లేదా తెలియకుండా తల్లిదండ్రులు కొన్ని తప్పులు చేస్తారు. అవి పిల్లలపై చాలా చెడు ప్రభావాన్ని చూపుతాయి. కొన్ని పరిస్థితులలో పిల్లలను తిట్టడం వారి మెదడు, మానసిక పెరుగుదలపై తీవ్ర ప్రభావాన్ని చూపుతుందని నిపుణులు అంటున్నారు. పిల్లలను ఎప్పుడు తిట్టకూడదో, దీని వెనుక కారణాలు ఏమిటో తెలుసుకుంటే..
పిల్లలు భయంలో ఉన్నప్పుడు..
తప్పు చేసిన తర్వాత పిల్లలు కొన్నిసార్లు భయపడతారు. ఇలా భయపడితే లేదా ఇప్పటికే ఏదైనా విషయం గురించి ఒత్తిడిలో ఉంటే, ఈ సమయంలో పిల్లలను తిట్టడం సరైనది కాదు. అలాంటి పరిస్థితిలో, పిల్లల మనస్సు మరింత భయపడవచ్చు. దీని ఫలితంగా పిల్లలు తను చేసిన పనులను, విషయాలను తల్లిదండ్రులతో పంచుకోవడం మానేస్తాడు. అటువంటి పరిస్థితిలో పిల్లవాడు ఇప్పటికే సున్నితంగా ఉంటే అతన్ని తిట్టడానికి బదులుగా ప్రేమతో జరిగిన తప్పు గురించి వివరించడం మంచిది.
కొత్తగా ఏదైనా చేసేటప్పుడు చేసే తప్పులు..
పిల్లలు ఏదైనా విషయం గురించి ఆసక్తిగా ఉండి, ప్రతి క్షణం కొత్తగా ఏదైనా చేయాలని లేదా కొత్తగా ఏదైనా నేర్చుకోవాలని ప్రయత్నిస్తుంటే, అలాంటి పరిస్థితిలో, పిల్లలను ఎట్టి పరిస్థితుల్లోనూ తిట్టకూడదు. పిల్లలు నేర్చుకునేటప్పుడు తరచుగా తప్పులు చేస్తారు. ఈ తప్పులు వారు మంచిగా మారడానికి, వారికి గొప్ప అనుభవాలుగా సహాయపడతాయి. అందువల్ల, ప్రతి చిన్న తప్పుకు వారిని తిట్టడం వల్ల వారి ఆత్మవిశ్వాసం దెబ్బతింటుంది. దీని కారణంగా పిల్లలు కొత్తగా ఏదైనా చేసే ముందు భయపడతారు.
పిల్లలు అలసిపోయినప్పుడు..
పిల్లలు బాగా అలసిపోయినప్పుడు, ఆకలిగా ఉన్నప్పుడు, వారు ఏదైనా తినేటప్పుడు పిల్లలను తిట్టకూడదు. పెద్దల మాదిరిగానే పిల్లలు కూడా అలసిపోయినా లేదా ఆకలిగా ఉన్నా వారి మానసిక స్థితి సరిగా ఉండదు. అలాంటి సమయంలో పిల్లలను తిడితే ఇది పిల్లలకు మరింత చిరాకు తెప్పిస్తుంది. ఆ సమయంలో పిల్లలను తిట్టడం ప్రారంభిస్తే, విషయం మరింత దిగజారిపోతుంది.అందుకే పిల్లలను మందలించాలన్నా మొదట వారి పరిస్థితి సాధారణ స్థితికి వచ్చాక ఆ తరువాత తప్పు గురించి వివరించి చెప్పాలి.
*రూపశ్రీ.
లాంగ్ జర్నీ చాలామందికి ఇష్టం. అయితే అనుకున్న సులువుగా వీటిని ప్లాన్ చేయడానికి ధైర్యం సరిపోదు. దీనికి కారణం మోషన్ సిక్నెస్. దీన్నే వాంతుల సమస్య, తల తిరగడం అంటారు. ప్రయాణంలో వాంతులు లేదా తల తిరుగుతున్నట్లు అనిపిస్తే ప్రయాణంలోని సరదా అంతా పాడైపోతుంది. మోషన్ సిక్నెస్ అనేది ఒక సాధారణ సమస్య, ఇది ముఖ్యంగా పిల్లలు, వృద్ధులు, స్త్రీలలో సర్వసాధారణం. బస్సు, కారు, రైలు లేదా విమానం..ఇలా ప్రయాణం ఎందులో అయినా సరే.. ప్రయాణించేటప్పుడు మన చెవులు, కళ్ళు, శరీర సమతుల్యత అసౌకర్యానికి లోనైనప్పుడు , వికారం, చెమట, తల తిరగడం, వాంతులు వంటి పరిస్థితులు తలెత్తుతాయి. అయితే ఒక రోజు ముందుగా కొన్ని జాగ్రత్తలు తీసుకోవడం వల్ల ఈ మోషన్ సిక్నెస్ కు చెక్ పెట్టవచ్చు. ప్రయాణాన్ని హాయిగా ఎంజాయ్ చేయవచ్చు. ఇందుకోసం ఏం చేయాలో తెలుసుకుంటే..
ఆహారం..
ప్రయాణానికి ఒక రోజు ముందు భారీ, వేయించిన, కారంగా ఉండే ఆహారాన్ని తినకుండా ఉండాలి. ఇది కడుపులో భారంగా మారుతుంది, గ్యాస్ లేదా ఆమ్లత్వం కారణంగా అనారోగ్యం పెరుగుతుంది. తేలికైన, సులభంగా జీర్ణమయ్యే, ఫైబర్ ఆధారిత ఆహారాన్ని తినాలి.
నిద్ర..
అలసట, నిద్ర లేకపోవడం శరీరాన్ని బలహీనపరుస్తుంది. ఇది ప్రయాణ సమయంలో తలనొప్పి లేదా వాంతులు వచ్చే ప్రమాదాన్ని పెంచుతుంది. ప్రయాణానికి ఒక రోజు ముందు తగినంత నిద్రపోవడం చాలా ముఖ్యం.
మందులు..
గతంలో మోషన్ సిక్నెస్ చాలాసార్లు జరిగి ఉంటే వైద్యుల సలహా మందులు వాడవచ్చు. ప్రయాణానికి 30-60 నిమిషాల ముందు వైద్యులు సిఫార్సు చేసిన మందులు తీసుకోవాలి. తద్వారా ప్రయాణం సాఫీగా సాగుతుంది.
అల్లం లేదా నిమ్మకాయ నీరు..
అల్లం, నిమ్మకాయ రెండూ కడుపుని శాంతపరచడానికి సహజ నివారణలు. అల్లం టీ లేదా గోరువెచ్చని నిమ్మకాయ నీరు ఒక రోజు ముందుగానే తీసుకోవడం మంచిది. ఇది వికారం అవకాశాలను తగ్గిస్తుంది.
ముఖ్యమైన వస్తువులు..
ప్రయాణానికి ఒక చిన్న బ్యాగును సిద్ధంగా ఉంచుకోవాలి. అందులో వాంతి బ్యాగ్, టిష్యూ పేపర్, పుదీనా క్యాప్సూల్స్, మౌత్ ఫ్రెషనర్, వాటర్ బాటిల్ ఉండాలి. మార్గంలో ఏదైనా అసౌకర్యాన్ని ఎదుర్కొంటే ఈ వస్తువులు సహాయపడతాయి.
*రూపశ్రీ.
గమనిక:
ఇది సోషల్ సమాచారం మాత్రమే. కొన్ని అధ్యయనాలు, సంబంధిత నిపుణుల ప్రకారం ఈ వివరాలు అందించాం. వ్యక్తుల ఆరోగ్యాన్ని బట్టి ఫలితాలుంటాయి. వీటిని పాటించేముందు.. సంబంధిత నిపుణుడిని సంప్రదించడం శ్రేయస్కరం. అలాగే, హెల్తీ లైఫ్ స్టైల్, సరైన ఆహారం కూడా తీసుకోవడం మీ ఆరోగ్యానికి ఎంతో మేలు..
మోకాళ్ల నొప్పులు ప్రజల జీవితాన్ని కష్టతరం చేస్తాయి. దీని కారణంగా, లేవడం, కూర్చోవడం, నడవడం నుండి రోజువారీ పనులు చేయడంలో సమస్యలు తలెత్తుతాయి. మోకాళ్లలో నిరంతరం నొప్పితో బాధపడే వారు ఈ సమస్యకు సర్జరీ లేదా చాలా తీవ్రమైన చికిత్సలతో తప్ప నయం కాదని అనుకుంటూ ఉంటారు. అయితే ఇంటి చిట్కాతో మోకాళ్ల నొప్పిని ఈజీగా తగ్గించవచ్చని ఆయుర్వేద నిపుణులు అంటున్నారు. ఈ చిట్కా వల్ల మోకాళ్ల నొప్పి తగ్గడమే కాదు.. హాయిగా చకచకా తిరిగేసేంత శక్తి మోకాళ్లకు వస్తుంది అంటున్నారు. ఇంతకీ ఆ చిట్కాలేంటో తెలుసుకుంటే..
మోకాళ్లలో వాపు, మోకాళ్లు బిగుసుకుపోయినట్టు ఉండటం, నొప్పి ఎక్కువగా ఉండటం వంటి సమస్యలను తగ్గించడానికి ఆయుర్వేదంలో ఒక పురాతన పేస్ట్ ఉంది. దానిని మోకాలి నొప్పి ఉన్న ప్రాంతంపై పూసి రాత్రంతా అలాగే ఉంచాలి. ఉదయం నిద్రలేచిన తర్వాత చాలా ఉపశమనం కలుగుతుందట. ఈ ఆయుర్వేద పేస్ట్ ఎలా తయారు చేసుకోవాలో తెలుసుకుంటే..
పేస్ట్ తయారీ విధానం..
మోకాలి నొప్పి నుండి సహజ ఉపశమనం పొందడానికి, ఆయుర్వేద పేస్ట్‌ను ఇంట్లో సులభంగా తయారు చేసుకోవచ్చు. దీని కోసం కావలసిన పదార్థాలు..
1 టీస్పూన్ ఆముదం
1 టీస్పూన్ తేనె
1 టీస్పూన్ దాల్చిన చెక్క పొడి
1 నిమ్మకాయ.
తయారు విధానం..
ఒక గిన్నెలో అన్ని పదార్థాలను బాగా కలిపి మెత్తని పేస్ట్ తయారు చేసుకోవాలి. ఈ పేస్ట్ చాలా గట్టిగా లేదా చాలా పలుచగా ఉండకూడదు. మధ్యస్థంగా మోకాలి మీద రాసినప్పుడు కారిపోకుండా లేదా తొందరగా ఆరిపోయి రాలిపోకుండా ఉండాలి. ఈ పేస్ట్ ను చాలా సులభంగా అప్లై చేయవచ్చు.
తయారు చేసుకున్న ఆయుర్వేద పేస్ట్ ను పలుచని పొరలాగా మోకాలిపై నొప్పి ఉన్న ప్రాతంలో లేదా మోకాలు అంతటగా పూయాలి. దానిపై మెత్తని కాటన్ వస్త్రాన్ని చుట్టాలి. 8-10 గంటలు అలాగే ఉంచాలి. దీన్ని రాత్రి సమయంలో అప్లై చేసుకుంటే చాలా మంచిది. ఉదయం గోరువెచ్చని నీటితో సున్నితంగా శుభ్రం చేసుకోవాలి.
ప్రయోజనాలు..
ఈ పేస్ట్ రక్త ప్రసరణను మెరుగుపరుస్తుంది.
దీన్ని పూయడం వల్ల వాపు నుండి ఉపశమనం లభిస్తుంది.
ఇది మోకాలు బిగుసుకుపోవడాన్ని తగ్గించడంలో కూడా సహాయపడుతుంది.
*రూపశ్రీ.
గమనిక:
ఇది సోషల్ సమాచారం మాత్రమే. కొన్ని అధ్యయనాలు, సంబంధిత నిపుణుల ప్రకారం ఈ వివరాలు అందించాం. వ్యక్తుల ఆరోగ్యాన్ని బట్టి ఫలితాలుంటాయి. వీటిని పాటించేముందు.. సంబంధిత నిపుణుడిని సంప్రదించడం శ్రేయస్కరం. అలాగే, హెల్తీ లైఫ్ స్టైల్, సరైన ఆహారం కూడా తీసుకోవడం మీ ఆరోగ్యానికి ఎంతో మేలు..
మధుమేహాన్ని నిర్వహించడానికి చాలా పద్ధతులను ప్రయత్నిస్తారు. తీపి ఆహారం తగ్గించడం, చక్కెరకు దూరంగా ఉండటం, అధిక మద్యపానాన్ని నివారించడం, ఒత్తిడిని నిర్వహించడం.. ఇలా చాలా విషయాలు కంట్రోల్ చేసుకోవాల్సి ఉంటుంది. కానీ గుడికి వెళ్లడం ద్వారా షుగర్ నయమవుతుందని మీరు విన్నారా?
గుడికి వెళ్లడం వల్ల రక్తంలో చక్కెర తగ్గుతుందని, కొన్ని సందర్భాల్లో మధుమేహం పూర్తిగా నయమవుతుందని అంటున్నారు. ఇది నిజమే అని పోషకాహార నిపుణులు కూడా పేర్కొనడం గమనార్హం. ఇదెలా అనే విషయం తెలుసుకుంటే..
గుడికి వెళ్లడం అంటే ఇంటి నుండి గుడి ఎంతో కొంత దూరంలో ఉంటుంది. ఇది ఒక చక్కని వాకింగ్ సెషన్ లాంటిది. అంతేకాదు.. గుడికి వెళ్తే అక్కడ మళ్లీ ప్రదక్షిణలు కూడా చేస్తారు. ఇది మరింత ప్రయోజనకరంగా ఉంటుంది. ఇంకొక ముఖ్య విషయం ప్రశాంతత. గుడిలో ప్రశాంతత ఉంటుంది. అక్కడ కొట్టే గంట చుట్టు ప్రక్కల వాతావరణాన్ని చాలా పాజిటివ్ గా ఉంచుతుంది. గుడి చుట్టూ ఉండే మొక్కలు, ఇతర విషయాలు కూడా చాలా పాజిటివ్ గా ఉంచుతాయి. ఇది సహజంగానే మనిషిలో ఒత్తిడి తగ్గిస్తుంది. రక్తప్రసరణ సక్రమంగా ఉండేలా చేస్తుంది. రక్తంలో చక్కెర స్థాయిలను కూడా నియంత్రణలో ఉంచుతుంది.
సాధారణంగానే రోజుకు ఒక 10వేల అడుగులు వేయడం వల్ల రక్తంలో చక్కెర స్థాయిలను చాలా వరకు నియంత్రించవచ్చు. అంతేకాదు.. ప్రీడయాబెటిస్ ను కూడా నయం చేయవచ్చు. ఇలా గుడికి వెళ్తూ కార్బోహేడ్రేట్స్ అధికంగా ఉన్న ఆహారాన్ని నియంత్రించుకోవడం, ఆరోగ్యకరమైన ఆహారాన్ని తీసుకోవడం అలవాటు చేసుకుంటే మధుమేహం నియంత్రణ.. కొన్నేళ్లు ఇలా చేస్తే మధుమేహాన్ని నయం చేయడం సాధ్యమే.. అంటున్నారు.
*రూపశ్రీ.
గమనిక:
ఇది సోషల్ సమాచారం మాత్రమే. కొన్ని అధ్యయనాలు, సంబంధిత నిపుణుల ప్రకారం ఈ వివరాలు అందించాం. వ్యక్తుల ఆరోగ్యాన్ని బట్టి ఫలితాలుంటాయి. వీటిని పాటించేముందు.. సంబంధిత నిపుణుడిని సంప్రదించడం శ్రేయస్కరం. అలాగే, హెల్తీ లైఫ్ స్టైల్, సరైన ఆహారం కూడా తీసుకోవడం మీ ఆరోగ్యానికి ఎంతో మేలు..