ఒకప్పటి స్టార్ హీరో వడ్డే నవీన్(Vadde Naveen) దాదాపు 10 ఏళ్ల సుదీర్ఘ విరామం తర్వాత  గత నెల 19 న 'ట్రాన్స్ ఫర్ త్రిమూర్తులు'తో  థియేటర్స్ లోకి  అడుగుపెట్టిన విషయం తెలిసిందే. వడ్డే క్రియేషన్స్ బ్యానర్‌పై కమల్ తేజ నార్ల దర్శకత్వంలో తెరకెక్కిన ఈ చిత్రంపై వడ్డే నవీన్ అభిమానులు, సాధారణ ప్రేక్షకులు ఎన్నో ఆశలు పెట్టుకున్నారు. ఒకప్పటి చాక్లెట్ బాయ్ ఇమేజ్ ఉన్న నవీన్, ఈ వయసులో ఒక పవర్‌ఫుల్ పోలీస్ కానిస్టేబుల్ క్యారక్టర్ ని ఎంచుకోవడం ఇండస్ట్రీలో పెద్ద చర్చనీయాంశంగా మారింది.

తన పదేళ్ల సర్వీస్‌లో ఏకంగా 55 సార్లు బదిలీ అయిన ఒక నిజాయితీ గల కానిస్టేబుల్ త్రిమూర్తులుగా అద్భుతంగా కనిపించారు. సినిమా అంతటా ఆయన నటన, డైలాగ్ డెలివరీ, ముఖ్యంగా ఇంటర్వెల్ ఫైట్ సీక్వెన్స్ ప్రేక్షకులని  ఆకట్టుకున్నాయి. హీరోయిన్‌గా రాశీ సింగ్ హోమ్లీ వైఫ్ పాత్రలో మెప్పించగా, కళ్యాణ్ నాయక్ అందించిన బ్యాక్‌గ్రౌండ్ స్కోర్ సినిమాకు ప్రధాన బలంగా నిలిచింది. అయితే, దర్శకుడు ఎంచుకున్న కథ ఓల్డ్ ది కావడం, స్క్రీన్‌ప్లే లోపాలు,సెకండ్ హాఫ్‌లో సాగతీత సీన్లు సినిమాని  దెబ్బతీశాయి. కమర్షియల్‌గా ఈ చిత్రానికి బాక్సాఫీస్ వద్ద 1.75/5 రేటింగ్ మాత్రమే లభించింది. దీంతో భారీ అంచనాలతో వచ్చిన వడ్డే నవీన్ కమ్‌బ్యాక్ మూవీ ప్లాప్‌గా నిలిచిందని ట్రేడ్ వర్గాలు తేల్చేశాయి.

ఈ పరాజయంతో ఇప్పుడు టాలీవుడ్ వర్గాల్లో ఒకటే ఆసక్తికరమైన ప్రశ్న రేకెత్తుతోంది. వడ్డే నవీన్ మళ్లీ సినిమాలు చేస్తారా లేక ఈ ఫ్లాప్‌తో వెనక్కి తగ్గిపోతారా అనే సందేహం అందరిలోనూ నెలకొంది. అయితే, నవీన్ కేవలం నటుడే కాకుండా ఈ చిత్రానికి నిర్మాతగా కూడా వ్యవహరించారు. ఆయన తండ్రి వడ్డే రమేష్ గారు టాలీవుడ్‌లో ఒకప్పటి స్టార్ ప్రొడ్యూసర్ కావడం గమనార్హం. తండ్రి మరణం తర్వాత వడ్డే నవీన్ సొంత బ్యానర్‌పై సినిమా తీసి తన ఉనికిని చాటుకోవాలని గట్టిగా ప్రయత్నించారు. సినిమా ఆశించిన స్థాయిలో ఆడకపోయినా, నటుడిగా వడ్డే నవీన్ లుక్స్ మరియు పర్ఫార్మెన్స్‌కు మంచి మార్కులే పడ్డాయి. పదేళ్ల విరామం తర్వాత కూడా ప్రేక్షకులు తనను గుర్తుపెట్టుకుని చూపించిన ఆదరణకు ఆయన ఎమోషనల్ అయ్యారు.

Also read: Pawan kalyan: పవన్ కళ్యాణ్ తో కలిసి సినిమాల్లో పని చెయ్యాలని అనుకుంటున్నారా! ఎంట్రీ ఈజీ

ప్రస్తుత సినిమా ట్రెండ్‌ను పరిశీలిస్తే, కథల్లో కొత్తదనం ఉంటే సీనియర్ హీరోల సినిమాలకు ఆడియన్స్ బ్రహ్మరథం పడుతున్నారు. 'ట్రాన్స్‌ఫర్ త్రిమూర్తులు' ఫలితం నిరాశపరిచినప్పటికీ, నవీన్ నటనకు వచ్చిన రెస్పాన్స్ చూస్తుంటే ఆయన అంత సులభంగా వెనకడుగు వేసేలా కనిపించడం లేదు. సరైన దర్శకుడు, పక్కా కమర్షియల్ ఎమోషన్స్ ఉన్న స్క్రిప్ట్ దొరికితే వడ్డే నవీన్ కచ్చితంగా మరో సినిమాతో ప్రేక్షకుల ముందుకు వచ్చే అవకాశాలు పుష్కలంగా ఉన్నాయి. క్యారెక్టర్ ఆర్టిస్ట్‌గా లేదా విలన్‌గా కూడా రాణించగల సత్తా ఆయనకు ఉందని గతంలోనే నిరూపితమైంది. వడ్డే నవీన్ తన తదుపరి అడుగును మరింత జాగ్రత్తగా, పక్కా ప్లానింగ్‌తో వేస్తారని, త్వరలోనే తన నెక్స్ట్ ప్రాజెక్ట్ గురించి ప్రకటన వచ్చే అవకాశం ఉందని ఫిలింనగర్ టాక్.