తమిళనాడు ముఖ్యమంత్రిగా సరికొత్త రాజకీయ ప్రస్థానాన్ని కొనసాగిస్తున్న దళపతి విజయ్ (Thalapathy Vijay) తన 52వ పుట్టినరోజును జరుపుకున్నారు. దేశవ్యాప్తంగా ఉన్న రాజకీయ నాయకులు, సెలబ్రిటీలు ఆయనకు సోషల్ మీడియా వేదికగా పెద్ద ఎత్తున శుభాకాంక్షలు తెలిపారు. అయితే, ఈ అందరి శుభాకాంక్షల కంటే కూడా ఒక్కరి పోస్ట్ మాత్రం సోషల్ మీడియాను పూర్తిగా షేక్ చేసింది. అదే గ్లామర్ క్వీన్ త్రిష కృష్ణన్ (Trisha Krishnan) పెట్టిన ప్రత్యేకమైన బర్త్‌డే పోస్ట్. ఈ పోస్ట్ ఇంటర్నెట్‌లో క్షణాల్లో వైరల్‌గా మారి విపరీతమైన చర్చకు దారితీసింది.

నిజానికి జూన్ 22న విజయ్ పుట్టినరోజు కాగా, త్రిష నుండి ఎలాంటి స్పెషల్ పోస్ట్ రాలేదు. ప్రతి సంవత్సరం విజయ్ పుట్టినరోజున ఏదో ఒక అన్‌సీన్ పిక్చర్ షేర్ చేస్తూ విషెస్ చెప్పే త్రిష, ఈసారి సైలెంట్‌గా ఉండటంతో సోషల్ మీడియాలో రకరకాల ఊహాగానాలు మొదలయ్యాయి. కొందరైతే త్రిష ఇన్‌స్టాగ్రామ్‌లో విజయ్‌ను అన్‌ఫాలో చేసిందంటూ వార్తలను ప్రచారం చేశారు. వీరిద్దరి మధ్య లవ్ గురించి అఫీషియల్ అనౌన్స్ మెంట్ రాకముందే.. బ్రేకప్ అయిందంటూ కొందరు కామెంట్స్ చేశారు. 

అయితే ఆ పుకార్లకు చెక్ పెడుతూ జూన్ 23 అర్ధరాత్రి సమయంలో త్రిష తన అధికారిక ఇన్‌స్టాగ్రామ్ అకౌంట్ లో ఒక అద్భుతమైన ఫోటోను పంచుకుంది. అందులో విజయ్ తన పుట్టినరోజు వేడుకల్లో భాగంగా కేక్ కట్ చేస్తుండగా, పక్కనే నిల్చున్న త్రిష ఆయన వైపు ఎంతో ప్రేమగా, ఆప్యాయంగా చూస్తూ నవ్వుతూ కనిపించింది. ఈ ఫోటోను షేర్ చేస్తూ ఆమె రాసిన క్యాప్షన్ నెటిజన్లను విపరీతంగా ఆకట్టుకుంది.

"ఈ ప్రయాణాన్ని ఇంత అందంగా మార్చిన వ్యక్తికి జన్మదిన శుభాకాంక్షలు" (To the person who makes it all worth it, HBD) అంటూ హార్ట్ ఎమోజీలతో ఒక లవ్లీ క్యాప్షన్‌ను కూడా రాసుకొచ్చింది. అంతేకాకుండా, ఈ పోస్ట్‌లో ఆమె '00:00' అనే సమయాన్ని కూడా పేర్కొంది. దీనర్థం ఆమె జూన్ 22 అర్ధరాత్రి 12 గంటలకే విజయ్‌కు శుభాకాంక్షలు తెలిపిందని, కానీ పోస్ట్ చేయడం మాత్రం ఆలస్యమైందని అభిమానులు భావిస్తున్నారు. ఈ ఒక్క పోస్ట్‌తో త్రిష తనపై వచ్చిన రూమర్స్ అన్నింటికీ గట్టి సమాధానం ఇచ్చింది.

త్రిష షేర్ చేసిన ఈ ఫోటో క్రింద టాలీవుడ్ నటి, నిర్మాత ఛార్మీ కౌర్ పెట్టిన కామెంట్ అందరి దృష్టిని ఆకర్షించింది. ఛార్మీ ఆ ఫోటో కింద స్పందిస్తూ.. "ప్యూర్ గోల్డ్ కపుల్" (Pure gold couple) అంటూ కొన్ని హార్ట్ ఎమోజీలను జత చేసింది. ఛార్మీ ఇలా నేరుగా వారిని "కపుల్" (జంట) అని సంబోధించడంతో మెగా అప్‌డేట్ వచ్చినట్లు అయ్యింది. ఇండస్ట్రీలో ఏం జరుగుతుందో చార్మీకి బాగా తెలుసని, అందుకే ఆమె ఇలా బాహాటంగానే వీరిద్దరి రిలేషన్‌షిప్‌ను దాదాపు కన్ఫర్మ్ చేసేసిందని ఫ్యాన్స్ భావిస్తున్నారు. మొత్తానికి బ్రేకప్ రూమర్స్ కి త్రిష పోస్ట్ చెక్ పెడితే, ఛార్మీ తన కామెంట్ తో వారిద్దరి లవ్ ను కన్ఫర్మ్ చేసేసింది.

https://www.instagram.com/p/DZ7jw0yBaNe/