'గీత గోవిందం' వంటి బ్లాక్ బస్టర్ తర్వాత విజయ్ దేవరకొండ, డైరెక్టర్ పరశురామ్ కాంబినేషన్ లో రూపొందుతోన్న మూవీ 'ఫ్యామిలీ స్టార్'. ఈ సినిమా నుంచి ఇప్పటికే విడుదలైన గ్లింప్స్ సోషల్ మీడియాలో ఫుల్ వైరల్ అయింది. ముఖ్యంగా "ఐరనే వంచాలా ఏంటి" అనే డైలాగ్ మీమ్ మెటీరియల్ అయింది. ఇక ఇప్పుడు ఈ సినిమా టీజర్ కి ముహూర్తం కుదిరింది.

'ఫ్యామిలీ స్టార్' మూవీ టీజర్ రిలీజ్ డేట్ అండ్ టైమ్ ఫిక్స్ చేశారు మేకర్స్. ఈ సినిమా టీజర్ ను రేపు(మార్చి 4) సాయంత్రం 6:30 నిమిషాలకు విడుదల చేయబోతున్నారు. టీజర్ రిలీజ్ అనౌన్స్ మెంట్ సందర్భంగా విడుదల చేసిన కొత్త పోస్టర్ ఆకట్టుకుంటోంది.

"ఫ్యామిలీ స్టార్"లో విజయ్ దేవరకొండ సరసన మృణాల్ ఠాకూర్ హీరోయిన్ గా నటిస్తోంది. ఈ సినిమాను శ్రీ వెంకటేశ్వర క్రియేషన్స్ బ్యానర్ లో స్టార్ ప్రొడ్యూసర్స్ దిల్ రాజు, శిరీష్ నిర్మిస్తున్నారు. క్రియేటివ్ ప్రొడ్యూసర్ గా వాసు వర్మ వ్యవహరిస్తున్నారు.

ఈ సినిమా ఏప్రిల్ 5న విడుదల కానుంది. రిలీజ్ కి మరో నెల రోజుల టైమ్ మాత్రమే ఉండటంతో ప్రమోషన్ యాక్టివిటీస్ స్పీడప్ చేసింది మూవీ టీమ్. ఇప్పటికే ఈ సినిమా నుంచి రిలీజ్ చేసిన టైటిల్ గ్లింప్స్, పోస్టర్స్, నందనందనా లిరికల్ సాంగ్ ను ఆడియెన్స్ బాగా రిసీవ్ చేసుకున్నారు.

గోపీసుందర్ సంగీతం అందిస్తున్న ఈ సినిమాకి సినిమాటోగ్రాఫర్ గా కేయూ మోహనన్, ఆర్ట్ డైరెక్టర్ గా ఏఎస్ ప్రకాష్, ఎడిటర్ గా మార్తాండ్ కె వెంకటేష్ వ్యవహరిస్తున్నారు.