నంది అవార్డ్ గ్రహీత రవి చావలి దర్శకత్వంలో, ఎన్. రమేశ్ కుమార్ నిర్మాత గా రూపొందిన చిత్రం 'బద్మాష్ గాళ్ళకి బంపర్ ఆఫర్'. 'శాసనసభ' ఫేమ్ ఇంద్రసేన, 'మ్యాడ్' ఫేమ్ సంతోష్ హీరోలుగా నటించగా, ప్రజ్ఞ నయన్, నవీన రెడ్డి హీరోయిన్లుగా నటించారు. మలయాళీ నటి మెర్లిన్ ఫిలిప్, తమిళ నటుడు తారక్, శుభలేఖ సుధాకర్ ప్రత్యేక పాత్రల్లో నటించారు.

డబ్బు కోసం రియల్ ఎస్టేట్ దందా చేసే ఒక వ్యక్తి దగ్గర పని చేసే ఇద్దరు కుర్రోళ్ళు, అతన్నే ఎందుకు కిడ్నాప్ చేశారు. ఆ కిడ్నాప్ లో తెలిసిన రహస్యాలు ఏమిటి. చివరకు వాళ్ళు అనుకొన్న డబ్బు సంపాదించారా లేదా అనే పాయింట్ తో ఫుల్ కమర్షియల్ ఎలిమెంట్స్ తో సినిమా కథ నడుస్తుంది. 

ఈ చిత్రం రెండు తెలుగు రాష్ట్రాలతో పాటు, బెంగళూర్ , టెక్సాస్ మరియు అండమాన్ లో ఈ నెల 29 వ తేదీన రిలీజ్ అవుతుంది.

బిగ్ బాస్ ఫేం భోలే షావలి సంగీతం అందించిన ఈ చిత్రానికి సినిమాటోగ్రాఫర్ గా విజయ్ సి కుమార్, ఎడిటర్ గా మార్తాండ్ కె వెంకటేష్ వ్యవహరించారు.