భారతీయ సినీ ప్రేక్షకులని ఏ హీరో ప్రయోగాలకి పెట్టింది పేరు అని అడిగితే అందరు కమల్ హాసన్ అని టక్కున చెప్తారు. రెగ్యులర్ ఫార్మెట్ లో సినిమాలు తెరకెక్కే సమయంలోనే కమల్ ఎన్నో వైవిధ్యమైన ప్రయోగాత్మకమైన చిత్రాల్లో నటించి ప్రేక్షకులకి సరికొత్త  అనుభూతిని కలిగించాడు. ఇప్పుడు మళ్ళీ ఆ అనుభూతిని ప్రేక్షకులకి  అందించాలని   ఒక సూపర్  హిట్ మూవీ ని కమల్ రీ రిలీజ్ కి సిద్ధం  చేస్తున్నాడు.

కమల్ హీరోగా క్రియేటివ్ డైరక్టర్ సురేష్ కృష్ణ దర్శకత్వంలో 2000  వ సంవత్సరంలో తమిళంలో తెరకెక్కిన మూవీ ఆళవందన్. ఈ చిత్రమే  తెలుగులో  అభయ్ అనే పేరు తోవచ్చింది. అభయ్ అనే టైటిల్ ని  వినగానే ఇదేదో మామూలు సినిమా అని అనుకునేరు. ఇది అలాంటి ఇలాంటి సినిమా కాదు. ఒక సూపర్ క్రేజీ సైకో థ్రిల్లర్ చిత్రం. కమల్ డ్యూయల్ రోల్ పోషించిన ఈ సినిమాలోని  కమల్ సైకో యాక్టింగ్ కి   జై జై లు కొట్టని ప్రేక్షకుడు లేడు. ఇప్పుడు ఈ  అభయ్ సినిమానే  రీ రిలీజ్ కి సిద్ధం అవుతుంది. సుమారు వెయ్యి కి పైగా థియేటర్స్ లో  విడుదల కాబోతున్న అభయ్ చిత్రం మళ్ళీ సరికొత్త రికార్డు లు సృష్టించడం ఖాయమని కమల్ అభిమానులు అంటున్నారు.  చిత్ర బృందం అతి త్వరలోనే రిలీజ్ డేట్ ని కూడా ప్రకటించే అవకాశం ఉంది.

ఇప్పుడొస్తున్న ఎన్నో సైకో థ్రిల్లర్ చిత్రాల్లో  సైకో గా నటించిన నటుల కంటే ముందే కమల్ ఈ చిత్రంలో సైకోగా చాలా అద్భుతంగా నటించాడు. కమల్ సరసన రవీనాటాండన్, మనీషా కొయిరాలా లు నటించారు.హిందీ లో కి కూడా విడుదల అయిన ఈ అభయ్ చిత్రానికి కమల్ స్క్రీన్ ప్లే ని అందించాడు.