'అఖండ', 'వీరసింహారెడ్డి', 'భగవంత్ కేసరి' సినిమాలతో హ్యాట్రిక్ విజయాలను అందుకొని ఫుల్ జోష్ లో ఉన్న నటసింహం నందమూరి బాలకృష్ణ.. తన తదుపరి సినిమాని బాబీ కొల్లి డైరెక్షన్ లో చేయనున్న సంగతి తెలిసిందే. బాలకృష్ణ కెరీర్ లో 109వ సినిమాగా రూపొందుతోన్న ఈ చిత్రాన్ని సితార ఎంటర్టైన్మెంట్స్ నిర్మిస్తోంది. ఇదిలా ఉంటే ఈ సినిమా కోసం ఇద్దరు యంగ్ బ్యూటీలను రంగంలోకి దింపుతున్నట్లు తెలుస్తోంది.

'NBK 109'లో చాందినీ చౌదరి ఓ ముఖ్యమైన పాత్రను పోషించనుందట. షార్ట్ ఫిలిమ్స్ లో మంచి గుర్తింపు తెచ్చుకొని, సినిమా అవకాశాలు పొందిన చాందిని.. ఇప్పటికే పలు సినిమాల్లో నటించి మెప్పించింది. ముఖ్యంగా 'కలర్ ఫోటో' చిత్రం ఆమెకి ఎంతో పేరు తీసుకొచ్చింది. ప్రస్తుతం విశ్వక్ సేన్ సరసన 'గామి'లో నటిస్తున్న ఆమె.. ఇప్పుడు బాలయ్య సినిమాలో నటించే అవకాశాన్ని పొందినట్లు సమాచారం.

చాందినితో పాటు మరో యంగ్ బ్యూటీ ఊర్వశీ రౌతేలా కూడా 'NBK 109'లో ఒక ఇంపార్టెంట్ క్యారెక్టర్ లో నటించనుందట. ఎక్కువగా ఐటెం సాంగ్స్ లో మెరుస్తున్న ఆమె.. ఈ సినిమాలో మాత్రం ఓ ముఖ్య పాత్రలో కనిపించనుందట.