జబర్దస్త్ షోతో హైపర్ ఆది వెలుగులోకి వచ్చాడు. తన పంచులతో అందరినీ ఒక ఆట ఆడేసుకుంటూ ఉంటాడు. బుల్లితెర మీద షోస్ చేస్తూ అటు వెండి తెర మీద కూడా వెలిగిపోతున్నాడు. వరుసగా మూవీస్ లో ఆఫర్స్ దక్కించుకుంటున్నాడు. ఆయన నటించిన "సార్" మూవీ ఈ నెల 17 న ఆడియన్స్ ముందుకు రాబోతోంది. దీనికి సంబంధించి రీసెంట్ గా ట్రైలర్ లాంచ్ ఈవెంట్ జరిగింది. ఇందులో హైపర్ ఆది మూవీ ప్రొడ్యూసర్ నాగవంశీ మీద ఆసక్తికర వ్యాఖ్యలు చేశారు.
పాన్ ఇండియా స్టార్ ధనుష్ గారి పక్కన నటించడం తన అదృష్టం అని చెప్పాడు. ప్రొడ్యూసర్ నాగవంశీ గురించి మాట్లాడుతూ "పైకి ప్రొడ్యూసర్లాగా కనిపిస్తారు కానీ, ఆయనలో ఓ హీరో ఉన్నారు. ఆయన లోపల అర్జున్ రెడ్డి అంత యాటిట్యూడ్ ఉంటుంది. అల్లు అర్జున్ గారికి ఉన్నంత యాక్టివ్నెస్ ఉంటుంది. త్రివిక్రమ్ గారితో ట్రావెల్ చేస్తున్నారు కాబట్టి.. చిన్న టైమింగ్, రైమింగ్ కూడా ఆయనలో ఉంది. వీటన్నిటి మధ్యలో ఆయన ఏదైనా జెన్యూన్గా అనిపించి ఏదైనా అంటే దాని వేరేలా రాసేస్తూ ఉంటారు. ఆయన జెన్యూన్గా మాట్లాడ్డమే కాదు చాలా స్ట్రైట్ పార్వర్డ్ గా ఉంటారంటూ ఒక ఉదాహరణ కూడా చెప్పాడు.
"భీమ్లానాయక్" సాంగ్ షూటింగ్ టైంలో ఆయనకు ఓ రోజు ఫోన్ చేసి "ఢీ షూటింగ్ కి అడుగుతున్నారు ఒక హాఫ్ డే లీవ్ కావాలి అని అడిగాను" దానికి ఎవరైనా అయితే, కుదరదు అని చెప్తారు కానీ, నాగవంశీగారు ‘ఢీ కావాలో.. పవన్ కళ్యాణ్ కావాలో తేల్చుకో’ అన్నాడు. ఆ ఒక్క మాటతో రెండు జేబుల్లో చేతులు పెట్టుకుని పవన్ కళ్యాణ్ గారి షూటింగ్ కి వెళ్ళిపోయాను." అంటూ ఆయన ఎంత స్ట్రైట్ ఫార్వర్డ్ గా ఉంటారో చెప్పాడు హైపర్ ఆది.