మెగా ప్రిన్స్ గా ప్రేక్షకులందరికీ వరుణ్ తేజ్ సుపరిచితులు, నాగబాబు తనయుడు అయినా వరుణ్ తేజ్ మెగా కాంపౌండ్ హీరోగా పేరు తెచ్చుకున్నారు. అభిమానులు ఆయనను మెగాప్రిన్స్ అనే బిరుదుతో పిలుస్తూ ఉంటారు. మంచి ఒడ్డు పొడుగు ఉండే ఈయన ప్రస్తుతం మెగా కాంపౌండ్ హీరోలందరిలోకి ఆజానుబాహుడని చెప్పాలి. ఈయనకున్న ఎత్తు పొడవుకి డాన్సులు సరిగా అచ్చి రావడం లేదు. దాంతో మిగిలిన మెగా కాంపౌండ్ హీరోల కంటే ఈయన డ్యాన్స్ లో వెనుకబడి ఉన్నారు. ఎందుకంటే టాలీవుడ్ లో మెగాకాంపౌండ్ హీరోలంటే అందరికీ డ్యాన్సింగ్ స్కిల్స్ ఎక్కువగా ఉంటాయి. మెగాభిమానులు కూడా వారి నుంచి అవే ఆశిస్తారు. కానీ మొదటి నుంచి వరుణ్తేజ్ డ్యాన్స్ ల విషయంలో వీకే. అదే సందర్బంలో ఆయన మిగిలిన మెగాహీరోల కంటే డిఫరెంట్ సబ్జెక్ట్ లను ఎంచుకుంటూ ముందుకు సాగుతున్నారు. అందుకే డాన్స్ వంటి వాటిని పక్కనపెట్టి తన యాక్టింగ్ స్కిల్స్ పై దృష్టి పెట్టబోతున్నారు.
ఆయనకు ఇటీవల విడుదలైన గని చిత్రం డిజాస్టర్ గా నిలిచింది. ప్రస్తుతం ప్రవీణ్ సత్తార్ తో గాండీవ దారి అర్జున చిత్రం చేస్తున్నారు. ఈ చిత్రం షూటింగ్ వేగంగా జరుగుతోంది. ఇందులో మొదటిసారిగా వరుణ్ తేజ్ పోలీస్ ఆఫీసర్ పాత్రలో కనిపించబోతున్నారు. ఇప్పటికే మెగా కాంపౌండ్ నుంచి రామ్ చరణ్, అల్లు అర్జున్ పాన్ఇండియా హీరోలుగా పేరు తెచ్చుకున్నారు. ఆ సర్కిల్లోకి వరుణ్ తేజ్ ఎంటర్ కావాలి అనుకుంటున్నారు. అందుకే డిఫరెంట్ కాన్సెప్టులను ట్రై చేస్తున్నారు. గాండీవ దారి అర్జున చిత్రం వేసవిలో ప్రేక్షకుల ముందుకు రానుంది. ఈ సినిమాతో ఆయన ఏ రేంజిని హిట్లందుకుంటాడు అనేది ఆసక్తికరంగా మారింది. ఎందుకంటే ఆయనకు గాండీవ దారి అర్జున చిత్రం విజయం అత్యంత కీలకం.
దీని తరువాత ఆయన తెలుగు హిందీ భాషల్లో ఓ ద్విభాషా చిత్రం చేయనున్నారు. ఆ సినిమాలో ఎయిర్ ఫైటర్ గా వరుణ్ తేజ్ కనిపించనున్నారు. రియల్ లైఫ్ ఇన్సిడెంట్స్ ని బేస్ చేసుకుని ఈ మూవీ కథను దర్శకుడు సిద్ధం చేసుకున్నట్టు సమాచారం. దర్శకుడు ఎవరు అనేది త్వరలోనే తెలియనుంది. దీనితో పాటు తన దగ్గరకు వస్తున్న ఏ వైవిధ్యభరితమైన కథను ఆయన వదలడం లేదు. తనదైన డిఫరెంట్ చిత్రాలతో తన సత్తా చాటాలనేది ఆయన ఆశయంగా కనిపిస్తోంది.