 |
 |
.WEBP)
డాషింగ్ డైరెక్టర్ పూరీ జగన్నాథ్ మార్క్ యాక్షన్ ఎలిమెంట్స్, వన్-లైన్ పవర్ఫుల్ డైలాగ్స్ వెండితెరపై క్రియేట్ చేసే ఇంపాక్ట్ గురించి ప్రత్యేకంగా చెప్పక్కర్లేదు. తాజాగా ఈ మాస్ డైరెక్టర్, వైవిధ్యభరితమైన పాత్రలతో అలరించే కోలీవుడ్ స్టార్ ‘మక్కల్ సెల్వన్’ విజయ్ సేతుపతి కాంబినేషన్లో వస్తున్న హై-వోల్టేజ్ యాక్షన్ ఎంటర్టైనర్ ‘స్లమ్డాగ్ - 33 టెంపుల్ రోడ్’. ఈ క్రేజీ పాన్-ఇండియా ప్రాజెక్ట్ కి సంబంధించిన మోస్ట్ అవేటెడ్ అఫీషియల్ టీజర్ నేడు విడుదలై సోషల్ మీడియాలో ప్రకంపనలు సృష్టిస్తోంది.
విడుదలైన ఈ టీజర్ పూరీ జగన్నాథ్ వింటేజ్ స్టైల్ ఊరమాస్ ఎలివేషన్లతో ఊహలకతీతంగా సాగింది. ఒక దట్టమైన మురికివాడ నేపథ్యంలో సాగే ఈ కథలో విజయ్ సేతుపతి కత్తి పట్టిన ఒక పవర్ఫుల్ విజిలాంటి (రక్షకుడు) పాత్రలో రగ్గడ్ లుక్లో కనిపించి మైండ్ బ్లాక్ చేశారు. "వర్షం వస్తే చెట్ల కింద ఆశ్రయం వెతుక్కునే బ్రతుకులు మావి.. మాలాంటి వాళ్ల జీవితాలతో ఆటలాడితే మిమ్మల్ని ఊరికే వదిలేస్తామా?" అంటూ సేతుపతి తన బేస్ వాయిస్తో చెప్పిన డైలాగ్ టీజర్కే హైలైట్గా నిలిచింది.
ఈ సినిమాలో మరో విశేషం ఏమిటంటే.. హీరో విజయ్ సేతుపతి ఈ టీజర్ కోసం స్వయంగా తెలుగు, తమిళం, హిందీ మూడు భాషల్లోనూ ఓన్ డబ్బింగ్ చెప్పుకోవడం విశేషం. దీనివల్ల ఆయన చెప్పిన మాస్ డైలాగులు మరింత ఇంటెన్స్గా, సహజంగా ప్రేక్షకులను ఆకట్టుకుంటున్నాయి. పూరీ కనెక్ట్స్ మరియు జేబీ మోషన్ పిక్చర్స్ బ్యానర్లపై ఛార్మి కౌర్, జేబీ నారాయణరావు సంయుక్తంగా ఈ చిత్రాన్ని నిర్మిస్తున్నారు.
ఇక ఈ ప్రతిష్టాత్మక చిత్రంలో బాలీవుడ్ వెటరన్ నటి టబు ఒక పవర్ఫుల్ క్యారెక్టర్లో నటిస్తుండగా, మలయాళ బ్యూటీ సంయుక్తా మీనన్ కథానాయికగా నటిస్తోంది. కన్నడ స్టార్ దునియా విజయ్ కుమార్, హాస్య బ్రహ్మ బ్రహ్మానందం, వీటీవీ గణేష్, బ్రహ్మాజీలు ఇతర కీలక పాత్రలు పోషిస్తున్నారు. ‘యానిమల్’ చిత్రంతో నేషనల్ అవార్డు అందుకున్న హర్షవర్ధన్ రామేశ్వర్ ఈ సినిమాకు అద్భుతమైన, విస్ఫోటకమైన బ్యాక్గ్రౌండ్ స్కోర్ అందించి టీజర్ను నెక్ట్స్ లెవెల్కు తీసుకెళ్లారు.
ఈ టీజర్ చూసిన సినీ అభిమానులు పూరీ జగన్నాథ్ నుండి ఒక పర్ఫెక్ట్ వాయిలెంట్ కంబ్యాక్ ఖాయమంటూ కామెంట్లు పెడుతున్నారు. ఇప్పటికే షూటింగ్ పూర్తి చేసుకున్న ఈ చిత్రం ప్రస్తుతం శరవేగంగా పోస్ట్ ప్రొడక్షన్ పనులను జరుపుకుంటోంది. త్వరలోనే ఈ పాన్-ఇండియా చిత్రాన్ని ప్రపంచవ్యాప్తంగా ఐదు భాషల్లో భారీ ఎత్తున విడుదల చేయడానికి మేకర్స్ సన్నాహాలు చేస్తున్నారు.
|
|
