నాని హీరోగా వివేక్ ఆత్రేయ దర్శకత్వంలో రూపొందిన సినిమా 'సరిపోదా శనివారం' (Saripodhaa Sanivaaram). డి.వి.వి. ఎంటర్టైన్మెంట్స్ నిర్మించిన ఈ యాక్షన్ డ్రామా ఆగస్టు 29న విడుదలైంది. ప్రేక్షకుల నుంచి పరవాలేదు అనే టాక్ తెచ్చుకున్న ఈ చిత్రం.. మంచి వసూళ్లతో బ్రేక్ ఈవెన్ దిశగా పయనిస్తోంది.

తెలుగు రాష్ట్రాల్లో మొదటి రోజు రూ.5.88 కోట్ల షేర్ రాబట్టిన సరిపోదా శనివారం.. రెండు రోజు రూ.3.04 కోట్ల షేర్, మూడో రోజు రూ.4.68 కోట్ల షేర్ తో, నాలుగో రోజు రూ.4.80 కోట్ల షేర్ తో సత్తా చాటింది. నాలుగు రోజుల్లో తెలంగాణ, ఆంధ్రప్రదేశ్ లో కలిపి రూ.18.40 కోట్ల షేర్ రాబట్టింది.

తెలుగు స్టేట్స్ లో ఏరియాల వారీగా చూస్తే ఇప్పటిదాకా నైజాంలో రూ.8.72 కోట్ల షేర్, సీడెడ్ లో రూ.2.54 కోట్ల షేర్, ఆంధ్రాలో రూ.7.14 కోట్ల షేర్ కలెక్ట్ చేసింది.

ఇక కర్ణాటక+రెస్టాఫ్ ఇండియా రూ.4.75 కోట్లు, ఓవర్సీస్ రూ.9.30 కోట్లు కలిపి.. వరల్డ్ వైడ్ గా మూడు రోజుల్లో రూ.32.45 కోట్ల షేర్ రాబట్టింది 'సరిపోదా శనివారం'. 

రూ.41 కోట్ల థియేట్రికల్ బిజినెస్ చేసిన ఈ మూవీ.. మొదటి వీకెండ్ లో( నాలుగో రోజుల్లో)  79 శాతం రికవర్ చేసింది.  బ్రేక్ ఈవెన్ సాధించాలంటే ఇంకా దాదాపు రూ.9 కోట్ల షేర్ రాబట్టాల్సి ఉంది. 

ప్రస్తుతం థియేటర్లలో పెద్ద సినిమాలు లేకపోవడం, వీకెండ్ లో వినాయక చవితి ఉండటంతో.. సెకండ్ వీకెండ్ కి 'సరిపోదా శనివారం' బ్రేక్ ఈవెన్ సాధించే అవకాశం కనిపిస్తోంది.