కొత్త కంటెంట్ కోసం యూత్ ఎప్పుడు వెతుకుతూనే ఉంటారు. అందులోను వెబ్ సిరీస్ లకి వీక్షకాధరణ ఎక్కువ. మిస్టరీ , సస్పెన్స్, థ్రిల్లర్ జానర్ సిరీస్ లు యూత్ ని ఎక్కువగా ఆకర్షిస్తాయి. మరి వాటికి కాస్త బోల్డ్ కంటెంట్ కూడా జోడిస్తే ఓటీటీ ఆడియన్స్ కి పండగే.. ఆ తరహాలో వస్తున్న సిరీస్ లో నటించింది నేహా శర్మ.

నేహా శర్మ ప్రధాన పాత్రలో నటించిన సిరీస్ ' 36 డేస్'. ప్రముఖ ఓటీటీ వేదిక సోనీ లివ్ లో ఈ నెల 12 నుండి‌ స్ట్రీమింగ్ కి సిద్ధమైంది. తాజాగా విడుదలైన టీజర్ ఇంట్రెస్టింగ్ గా అనిపిస్తుంది. ఇక ఈ సిరీస్ టైటిల్ కి సీక్రెట్స్ ఆర్ ఇంజూరియస్ టు హెల్త్ అనే ట్యాగ్ లైన్ మరింత ఆసక్తిని రేకెత్తిస్తోంది‌. నేహా శర్మ ప్రధానమైన పాత్రలో నటించగా, ఇతర ముఖ్యమైన పాత్రలలో పూరబ్ కోహ్లీ, శ్రుతి సేఠ్, చందన్ రాయ్, షరీబ్ హష్మీ , అమృత ఖాస్విల్కర్ నటించారు. విశాల్ ఫ్యూరియా దర్శకత్వం వహించిన ఈ సిరీస్ 8 ఎపిసోడ్స్ గా రానుంది. రీసెంటుగా వదిలిన టీజర్ కి అనూహ్యమైన రెస్పాన్స్ వచ్చింది.

ఇది మిస్టరీ థిల్లర్ జోనర్ కి చెందిన కంటెంట్ కావడంతో పాటు  బోల్డ్ కంటెంట్ అనే విషయాన్ని టీజర్ స్పష్టం చేయడం వలన, యూత్ ఈ సిరీస్ కోసం వెయిట్ చేస్తుంటారు. మీర్జాపూర్ లాంటి బోల్డ్ కంటెంట్ సినిమాలకి ఏ రేంజ్ లో క్రేజ్ ఉందో తెలిసిందే.. మరి ఇప్పుడు అదే పంథాలో వస్తోన్న ఈ సిరీస్ ఏ స్థాయిలో యూత్ కి కనెక్ట్ అవుతుందో చూడాలి మరి.