సౌత్ సినిమాలని ఫాలో అయ్యే వాళ్ళకి మలయాళ నటి 'నవ్య నాయర్'(Navya Nair)సుపరిచయస్థురాలే. గత ఏడాది 'సురేష్ గోపి, గౌతమ్ వాసుదేవమీనన్' తో కలిసి 'వరాహం' అనే చిత్రంతో ప్రేక్షకుల ముందుకు వచ్చింది. భారతీయ సినిమా వ్యాప్తంగా  'దృశ్యం' మూవీ సిరీస్ ఎంత పెద్ద విజయాన్ని అందుకుందో తెలిసిందే. ఈ సిరీస్ కన్నడ వెర్షన్ కి సంబంధించిన రెండు భాగాల్లోను హీరోయిన్ గా 'నవ్య నాయర్' నే చేసింది. దీన్ని బట్టి ఆమె ప్రభావాన్ని అర్ధం చేసుకోవచ్చు.

ఇక మలయాళీలకి 'ఓనం'(Onam)అనేది చాలా పవిత్రమైన పండుగ. దీంతో ప్రపంచ వ్యాప్తంగా వివిధ దేశాల్లో స్థిరపడిన మలయాళీలు, ఈ నెల 5 న జరిగిన 'ఓనం' ని ఎంతో ఘనంగా జరుపుకున్నారు. ఈ కోవలోనే ఆస్ట్రేలియా(Australia)రాజధాని 'మెల్ బోర్న్'(Melbourne)లో జరిగిన ఓనం వేడుకలకి 'నవ్య నాయర్' కి ముఖ్య అతిధిగా ఆహ్వానం అందింది. ఈ సందర్భంగా ఆమె ఆస్ట్రేలియా వెళ్ళేటప్పుడు  తన బ్యాగ్ లో 'మల్లెపూలు'ని తీసుకెళ్లింది. మెల్ బోర్న్ లో దిగగానే సిబ్బంది ఆమె బ్యాగ్ ని చెక్ చెయ్యగా  మల్లెపూలు కనిపించాయి. దీంతో అధికారులు రంగ ప్రవేశం చేసారు. తమ దేశం యొక్క రూల్స్ ప్రకారం పూలని తీసుకురావడం నిషిద్ధమని, లక్ష పద్నాలుగు వేల రూపాయలని జరిమానాని  విధించారు.

ఈ  విషయంపై  'ఓనం' ఫెస్టివల్ లో 'నవ్య నాయర్' మాట్లాడుతు 'నేను తీసుకొచ్చిన పూలు లక్షరూపాయల ఖరీదు ఉంటాయని, ఫైన్ తర్వాతనే తెలిసిందని చెప్పుకొచ్చింది. 2001 లో 'ఇష్టం' అనే మూవీతో సినీ రంగ ప్రవేశం చేసిన నవ్య నాయర్ ఇప్పటి వరకు సుమారు యాభై చిత్రాల వరకు చేసింది. పలు టివి షోస్ లోను సత్తా చాటిన 'నవ్య నాయర్' ఉత్తమ నటి కోటాలో పలు ప్రతిష్టాత్మక అవార్డ్స్ ని కూడా గెలుచుకుంది.