మంచు విష్ణు డ్రీమ్ ప్రాజెక్ట్ గా రూపొందిన చిత్రం 'కన్నప్ప' (Kannappa). మోహన్ బాబు భారీ బడ్జెట్ తో నిర్మించిన ఈ చిత్రంలో ప్రభాస్, మోహన్ లాల్, అక్షయ్ కుమార్, కాజల్ అగర్వాల్ వంటి ప్రముఖ నటీనటులు కీలక పాత్రలు పోషించారు. మంచి అంచనాలతో జూన్ 27న థియేటర్లలోకి అడుగుపెట్టిన కన్నప్ప.. పాజిటివ్ టాక్ తెచ్చుకున్నప్పటికీ, కమర్షియల్ గా మాత్రం పెద్దగా మ్యాజిక్ చేయలేకపోయింది. (Kannappa On OTT)

కన్నప్ప సినిమాకి పాజిటివ్ టాక్ రావడంతో.. థియేటర్లో మిస్ అయిన వారు, ఓటీటీలో చూడాలి అనుకుంటున్నారు. అయితే ఇటీవల కాలంలో థియేటర్లలో విడుదలైన నాలుగు వారాలకే మెజారిటీ సినిమాలు ఓటీటీలో అడుగుపెడుతున్నాయి. కానీ, కన్నప్ప మాత్రం తొమ్మిది వారాలైనా ఇంతవరకు ఓటీటీలోకి రాలేదు. దీంతో ఈ సినిమా కోసం చాలామంది ఎదురుచూస్తున్నారు. ఎట్టకేలకు వారి ఎదురుచూపులు ఫలించబోతున్నాయి. అమెజాన్ ప్రైమ్ వీడియోలో సెప్టెంబర్ 4 నుంచి ఈ మూవీ స్ట్రీమింగ్ కానుందని తాజాగా అధికారికంగా ప్రకటించారు. తెలుగుతో పాటు హిందీ, తమిళ, కన్నడ, మలయాళ భాషల్లో స్ట్రీమింగ్ కానుంది. మరి ఓటీటీలో కన్నప్ప సినిమాకి ఎలాంటి రెస్పాన్స్ వస్తుందో చూడాలి.