సుమ కనకాల ప్రధాన పాత్రలో నటిస్తున్న సినిమా 'జయమ్మ పంచాయితీ'. వెన్నెల క్రియేషన్స్ బ్యానర్ పై బలగ ప్రకాష్ నిర్మిస్తున్న ఈ సినిమాకి విజయ్ కుమార్ కలివరపు దర్శకత్వం వహిస్తున్నారు. ఇప్పటికే విడుదలైన ఈ మూవీ ఫస్ట్ లుక్ కి మంచి రెస్పాన్స్ వచ్చింది. ఇక తాజాగా ఈ మూవీ నుంచి నేచురల్ స్టార్ నాని చేతుల మీదుగా 'తిప్పగలనా' అనే సాంగ్ విడుదలైంది.

'జయమ్మ పంచాయితీ'కి ప్రముఖ మ్యూజిక్ డైరెక్టర్ ఎంఎం కీరవాణి సంగీతం అందిస్తుండటంతో ఈ సినిమా సాంగ్స్ పై ప్రేక్షకుల్లో బాగానే ఆసక్తి నెలకొంది. తాజాగా ఈ మూవీ మొదటి సాంగ్ 'తిప్పగలనా' లిరికల్ వీడియోను యూట్యూబ్ లో విడుదల చేశారు. గుడిలో పూజారిగా పనిచేసే యువకుడు తన ప్రేయసి కోసం పాడుకునే ఈ పాట ఆకట్టుకుంటోంది. రామాంజనేయులు లిరిక్స్ అందించిన ఈ సాంగ్ ని రోహిత్ ఆలపించారు. ఇక లిరికల్ వీడియోలో జయమ్మగా సుమ లుక్ ప్రత్యేక ఆకర్షణగా నిలిచింది.

బుల్లితెరపై స్టార్ యాంకర్ గా కొనసాగుతున్న సుమ.. 'జయమ్మ పంచాయితీ'తో వెండితెరపై రీఎంట్రీ ఇస్తున్నారు. మరి ఆమె ఈ సినిమాతో ఏ స్థాయిలో ఆకట్టుకుంటారో చూడాలి.