విజయ్ దేవరకొండ(Vijay Deverakonda) హీరోగా నటిస్తున్న 'ఫ్యామిలీ స్టార్'(Family Star) సినిమా నుంచి థర్డ్ సింగిల్ 'మధురము కదా..' రిలీజ్ కు డేట్ ఫిక్స్ చేశారు మేకర్స్. రేపు(మార్చి 25) ఈ లిరికల్ సాంగ్ రిలీజ్ చేయబోతున్నారు. 'మధురము కదా..' రిలీజ్ డేట్ అనౌన్స్ మెంట్ సందర్భంగా  కొత్త పోస్టర్ విడుదల చేశారు. ఆర్కిటెక్ట్ గా విజయ్ దేవరకొండ తను వర్క్ చేస్తున్న బిల్డింగ్ దగ్గర మృణాల్ ఠాకూర్(Mrunal Thakur) తో కలిసి కూర్చుని మాట్లాడుతున్న స్టిల్ తో ఈ పోస్టర్ డిజైన్ చేశారు.

'మధురము కదా..' లిరికల్ సాంగ్ విజయ్, మృణాల్ లవ్ సాంగ్ గా ఉంటుందని తెలుస్తోంది. ఈ పాటకు శ్రీమణి లిరిక్స్ అందించగా..శ్రేయా ఘోషల్ పాడారు. "ఫ్యామిలీ స్టార్" ఇప్పటికే విడుదలైన ఫస్ట్ సింగిల్ 'నందనందనా', సెకండ్ సింగిల్ 'కళ్యాణి వచ్చా వచ్చా' ఛాట్ బస్టర్స్ అయ్యాయి. ఇప్పుడీ థర్డ్ సాంగ్ పై మ్యూజిక్ లవర్స్ లో మంచి ఎక్స్ పెక్టేషన్స్ ఏర్పడుతున్నాయి. "ఫ్యామిలీ స్టార్" సినిమా ట్రైలర్ ను ఈ నెల 28న రిలీజ్ చేయబోతున్నారు.

"ఫ్యామిలీ స్టార్" సినిమాను శ్రీ వెంకటేశ్వర క్రియేషన్స్ బ్యానర్ లో దిల్ రాజు, శిరీష్ నిర్మిస్తున్నారు. హోల్ సమ్ ఎంటర్ టైనర్ గా డైరెక్టర్ పరశురామ్ పెట్ల రూపొందిస్తున్నారు. ఈ చిత్రానికి క్రియేటివ్ ప్రొడ్యూసర్ గా వాసు వర్మ వ్యవహరిస్తున్నారు. ఈ సినిమా ఏప్రిల్ 5న తెలుగు, తమిళ, హిందీ భాషల్లో విడుదల కానుంది.

ఈ చిత్రానికి గోపీసుందర్ సంగీతం అందిస్తుండగా.. సినిమాటోగ్రాఫర్ గా కేయూ మోహనన్, ఆర్ట్ డైరెక్టర్ గా ఏఎస్ ప్రకాష్, ఎడిటర్ గా మార్తాండ్ కె వెంకటేష్ వ్యవహరిస్తున్నారు.