శ్రీ సింగరాచార్య, శేషభట్టర్

    లేరా భారత వీరా!

    లేరా భారత వీరా! లేరా భారత పోరా!
    లే-లేరా భారత పోరా!
    దురాశతోడుత చైనా జరిపెడి
    దురాగతాలను రూపుమాపి యా
    పరాయిదేశపు కిరాతమూకల
    బిరానపోయి తరిమికొట్టగా                                                         ||లేరా||

        ధారాళముగా విరాళములను
        రక్షణనిధికై తక్షణ మిచ్చి
        నరాల రక్తపు కణాల నిచ్చి
        నిరూపింపు నీ దేశపు భక్తిని                                                   ||లేరా||

    వెలగల బంగరు నగలనుగాని
    చలి పోగొట్టెడు వలువలు గాని
    పలురకముల నీ కొలది సహాయము
    సల్పినిల్పు నీ దేశపు హద్దుల                                                     ||లేరా||

        వీరులెందరో పుట్టినారు మన
        భారతదేశపు పవిత్రభూమిలో
        కురుక్షేత్రమున గూల్చెను పగతుర
        వెఱపు లేక వీరాభిమన్యుడూ                                                   ||లేరా||

    బలిగొనె శత్రుల
    బాలచంద్రుడు
    ఏకఛత్రమున నేలె శివాజీ
    రణవీరుడు మన రాణా ప్రతాపు
    మరచిపోకు మన అజేయశక్తిని                                                      ||లేరా||

                                          *  *  *  *