శ్రీ సాంబశివరావు, పోతుకూచి

    నేటి మన కర్తవ్యం

    చైనా పద్మవ్యూహాలు
    జగత్తుకే ఒక సవాలు
    
    ఆయుధం చేపట్టి గట్టి పట్టుతో
    ఆహవానికి సిద్ధపడేవాని
    మానసిక బలాన్ని
    మరలించే యత్నమే
    మారణ యుద్ధం
    మానేశా మనడం -

    రాజనీతి గాజునీతిలా
    రాయిదెబ్బకే రాలిపోతే
    నక్కజిత్తుల నంగనాచి దేశం
    ఎక్కడికి పోతుంది చిక్కకుండా?

    కోటికి పడగలెత్తడం
    కాదు మన కర్తవ్యం
    కోటలా నేడు దేశాన్ని
    రక్షించడం మన కర్తవ్యం
    చైనా పద్మవ్యూహాలు
    జగత్తుకే ఒక పెద్ద సవాలు.

                                                           *  *  *  *