Home » Festivals » Karthikamasa Vaibhavam » అక్షయ నవమి నాడు, ఉసిరి చెట్టును ఎందుకు పూజిస్తారు? అసలు రహస్యం ఇదే.

హిందూ సంప్రదాయంలో కార్తీక మాసానికి ఎంతో పవిత్రమైన స్థానం ఉంది. ఈ మాసంలో వచ్చే ప్రతి పండగకూ, పూజకూ విశేషమైన ఆధ్యాత్మిక ప్రాధాన్యత ఉంటుంది. అలాంటి అత్యంత పవిత్రమైన పండుగలలో అక్షయ నవమి ఒకటి. దీనినే ఆమ్లా నవమి లేదా ఉసిరి నవమి అని కూడా పిలుస్తారు. ఈ పవిత్రమైన రోజున ఉసిరి చెట్టును పూజించడం, చెట్టు కింద వంట చేసి కుటుంబ సభ్యులతో కలిసి భోజనం చేయడం తరతరాలుగా వస్తున్న గొప్ప సంప్రదాయం. ఇలా చేయడం వల్ల లక్ష్మీదేవి మరియు విష్ణుమూర్తి అనుగ్రహం పరిపూర్ణంగా లభిస్తుందని భక్తుల బలమైన నమ్మకం.

2026 సంవత్సరంలో అక్షయ నవమి వేడుకలను నవంబర్ 18వ తేదీ బుధవారం రోజున ఘనంగా జరుపుకోనున్నారు. పంచాంగం ప్రకారం నవమి తిథి నవంబర్ 18న ఉదయం 6:04 గంటలకు ప్రారంభమై, నవంబర్ 19న ఉదయం 7:05 గంటలకు ముగుస్తుంది. ముఖ్యంగా పూజ మరియు ఆచారాల నిర్వహణ కోసం నవంబర్ 18న ఉదయం 6:46 నుండి మధ్యాహ్నం 12:06 గంటల వరకు అత్యంత శుభ సమయంగా పరిగణిస్తారు. ఈ ముహూర్తంలో పూజించడం వల్ల సకల సౌభాగ్యాలు చేకూరుతాయని పండితులు చెబుతున్నారు.

 అక్షయ  అనే పదానికి ఎప్పటికీ క్షీణించనిది లేదా శాశ్వతంగా ఉండేది అని అర్ధం. కార్తీక శుక్ల పక్ష నవమి రోజునే సత్యయుగం ప్రారంభమైందని పురాణ ఇతిహాసాలు చెబుతున్నాయి. అందుకే దీనిని  సత్యయుగాది నవమి  అని కూడా పిలుస్తారు. ఈ అదృష్ట దినాన చేసే జపం, తపస్సు, పూజలు మరియు దానధర్మాలకు ఎన్నడూ తరిగిపోని అక్షయ పుణ్యఫలం లభిస్తుందని మత విశ్వాసం. ఈ రోజున చేసే చిన్న పూజ కూడా అనంతమైన ఫలితాలను ఇస్తుందని భక్తులు విశ్వసిస్తారు.

పురాణ కథనాల ప్రకారం, ఒకానొక సమయంలో లక్ష్మీదేవి భూలోకానికి వచ్చి ఉసిరి చెట్టు కింద కూర్చుని విష్ణుమూర్తిని, శివుడిని ఏకాగ్రతతో పూజించిందని ప్రతీతి. ఆమె అంకితభావానికి ప్రసన్నమైన ఆ దేవతలు ప్రత్యక్షమై వరింకారట. ఆ తర్వాత లక్ష్మీదేవి అదే చెట్టు కింద స్వయంగా వంట చేసి స్వామివారికి నైవేద్యంగా సమర్పించిందని కథనం చెబుతోంది. అప్పటి నుంచే అక్షయ నవమి నాడు ఉసిరి చెట్టు కింద వంట చేసి, నైవేద్యం పెట్టి కుటుంబంతో సహా భోజనం చేసే ఆచారం ప్రారంభమైందని పెద్దలు చెబుతుంటారు.

ఇది కూడా చదవండి:ఛఠ్ పూజ చివరి రోజు: ఉషా అర్ఘ్ సమయాలు, మరియు పూజా విధానం

ఈ పవిత్ర రోజున భక్తులు ఉసిరి చెట్టుకు నీరు సమర్పించి, కుంకుమ, గంధంతో అలంకరించి దీపారాధన చేస్తూ ప్రత్యేక పూజలు నిర్వహిస్తారు. కొన్ని ప్రాంతాల్లో కుటుంబ శ్రేయస్సు, ఆయురారోగ్యాల కోసం చెట్టు కాండానికి పవిత్రమైన దారం చుట్టి భక్తిశ్రద్ధలతో 108 సార్లు ప్రదక్షిణలు చేసే సంప్రదాయం కూడా ఉంది. అలాగే ఈ రోజున అన్నదానం, వస్త్రదానం చేయడం వల్ల జీవితంలో ఎదురయ్యే ఆర్థిక సమస్యలు తొలగిపోయి, ఇంట సిరిసంపదలు సిద్ధిస్తాయని వేద శాస్త్రాలు చెబుతున్నాయి.

ఈ అక్షయ నవమికి బ్రజ్ ప్రాంతంలో ప్రత్యేకమైన ప్రాముఖ్యత ఉంది. ఈ పవిత్ర దినాన బ్రజ్ 84 కోసుల పరిక్రమ వైభవంగా ప్రారంభమవుతుంది. మధుర, వృందావనంతో పాటు శ్రీకృష్ణుడి బాల్య లీలలతో ముడిపడిన పుణ్యక్షేత్రాలను సందర్శిస్తూ భక్తులు ఈ కఠినమైన యాత్రలో పాల్గొంటారు. శ్రీకృష్ణుడి దివ్య అనుగ్రహం, మోక్ష ప్రాప్తి కోసం వేలాది మంది భక్తులు ఈ యాత్రను పూర్తి చేస్తారు. కుటుంబ సభ్యులందరూ కలిసి ఆచరించే ఈ ఉసిరి చెట్టు పూజ ఇంట సుఖశాంతులను, ఐశ్వర్యాన్ని సదా వర్ధిల్లేలా చేస్తుంది.

మీకు నచ్చవచ్చు:Koti Somavaram 2026 Special: నవంబర్ 16న శ్రవణ నక్షత్ర యోగం.. ప్రత్యేకతలు ఇవే!

                 దీపారాధనకు, ఏ నూనె వాడితే ఏ లాభం? కార్తీక మాసంలో తప్పక తెలుసుకోవాల్సిన విషయాలు!

 

 

 

 

Akshaya Navami 2026, Amla Tree Puja Significance, Gooseberry Tree Worship Secrets, Hindu Festival Rituals, Spiritual Growth Articles, Devotional Articles In Telugu.

google-ad-img