సెక్స్ లేకపోయిందా మీ ప్రేమ చాలా వీక్ గా వుంటుంది. కనీసం జీవితంలో ఆమె నిన్ను ఎప్పుడూ తలుచుకొనయినా తలుచుకోదు సెక్స్ వుండీ పెళ్ళి జరగకపోయినా మొదటి పురుషుడు నువ్వే కాబట్టి నువ్వు గుర్తుండిపోతావ్.
    కానీ ఇది తెలియని చాలామంది అబ్బాయిలు ప్రేయసిని తాకకుండా ప్రేమ తను కళ్ళ ముందే ధ్వంసం అయిపోతుంటే లోపం ఎక్కడ జరిగిందో ఆలోచించుకోకుండా ఆడపిల్లలంతా అంతేనని వాళ్ళకు ప్రేమించడం తెలియదని మోసం వాళ్ళ రక్తంలోనే వుందని నిందిస్తారు.
    ఇలా చెప్పే వినయ్ ఇప్పుడు శకుంతలను వూరికే వదిలిపెడతాడా?
    అబ్బాయిలూ! ప్రేయసి మీ మాట వినాలంటే, మీకోసం ఇంటిల్లిపాదినీ ఎదిరించాలంటే మీరు చేయవలసింది చాలా సింపుల్ - వీలు చూసుకుని ఆమెను స్వంతం చేసుకోవడమే. అలా అని బలవంతంగా కాదు - ఎప్పుడో పరిస్థితుల్ని మీరు అనుకూలంగా మలుచుకుని ఆ పని కాస్త ముగించండి. మీ ప్రేమ నూరేళ్ళు వర్ధిల్లుతుంది. ఇలా చెప్పే వినయ్ శకుంతలను తనవైపుకు ఎలా తిప్పుకుంటాడో చూడాలనిపించి  ఆంజనేయులు మెల్లగా లేచాడు. కిటికీకి తన కళ్ళు తగిలించి నిలుచున్నాడు.
    "వర్షం ఇంకా పడుతూ వుంది. టైమ్ పాసు కోసం మనం ఓ గేమ్ ఆడుదాం. సరేనా" వినయ్ శకుంతలను ఆహ్వానించాడు.
    "గేమ్ ఏమిటది?" ఆమె క్యూరియాసిటీతో అడిగింది.
    "ఇటొచ్చి మంచం మీద కూర్చోండి. చెబుతాను."
    ఆమె వచ్చి వినయ్ కు ఎదురుగ్గా మంచంలో కూర్చుంది.
    "ఇది ప్యారిస్ లో బాగా ఫేమస్ నేను ఓ ప్రశ్న అడుగుతాను మీరు సమాధానం చెప్పారనుకోండి నేను ఓ అయిదు సెంటీమీటర్లు ముందుకు జరుగుతాను. మీరు జవాబు చెప్పలేదనుకోండి మీరు అయిదు సెంటీమీటర్లు ముందుకు జరగాలి. ఓకే"
    ఆట గురించి వింటుంటే ఆమెలో టెన్షన్ మొదలైందని కనిపెట్టాడు-ఆంజనేయులు. ఓ అబ్బాయి ఓ అమ్మాయి మధ్య ఆట ఏదైనా టెన్షన్ గానూ, థ్రిల్లింగ్ గానూ వుంటుంది.
    "వినయ్ చాలా తెలివైన వాడండీ పందెం కట్టేప్పుడే గొప్ప ఎత్తు వేస్తాడు. తను ఓడినా, గెలిచినా లాభం తనకే దక్కేట్లు ప్లాన్ చేస్తాడు. ఈ గేమ్ చూశారా? తను ఓడిపోతే ఆమె ముందుకు జరగాలట ఆమె ఓడిపోతే ఓ అయిదు సెంటీమీటర్లు ముందుకు జరగాలి. జరిగే మనుషులు మారుతారుగానీ జరగడం ఆగిపోదుకదా ఇద్దరూ ముందుకు జరుగుతూపోతే ఏమౌతుందిలే-? మీరే ఊహించుకోండి వాడి టెక్నిక్ అదే." మహాలింగం తన చెవిలో చెబుతున్నట్టే ఫీలయ్యాడు ఆంజనేయులు.
    శకుంతలా! వెళ్ళిపో ఉప్పెన వచ్చి నిన్ను ముంచెయ్యబోతోంది. గాని నిన్ను తనలోకి లాక్కుని ఏదో చీకటిలోకంలోకి నిన్ను విసిరెయ్యబోతూవుంది. తుఫాను నిన్ను కమ్మేసి విలువైనదేదో లాక్కుపోతుంది. వెళ్ళిపో! శకుంతలా? వినయ్ కు దొరకనంత దూరంగా వెళ్ళిపో.
    ఆంజనేయులు మనసులోనే మాట్లాడుతున్నాడు తప్ప నోరు విప్పలేకపోతున్నాడు.
    "ప్రశ్నవేయనా? పందెం గుర్తుందిగదా మీరు జవాబు చెప్పలేకపోతే మీరు ముందుకు జరగాలి కానీ మీరు ఓడిపోరనుకుంటాను. నా ప్రశ్నకు ఠక్కున జవాబు చెప్పేస్తారు."
    "వినయ్ అలా ఆమెను రెచ్చగోడుతున్నట్లు ఆంజనేయులు గ్రహించాడు."
    శకుంతల మొదట గర్వంగా ఫీలై ఆ తరువాత సిగ్గుపడింది.
    "ఓకే! మొదటి ప్రశ్న......." వినయ్ ఆగాడు.
    ఆమె శ్రద్దగా వింటోంది. తను గెలవాలన్న పట్టుదల ఆమెలో ఆ ఉత్సాహంలో కాళ్ళు పరుపుమీద ఎత్తిపెట్టి పద్మాసనం వేసుకుంది.
    ఆడపిల్ల దేన్నైనా ఇన్ డైరెక్టుగానే చేస్తుంది. కాబట్టి నీ ఎత్తుగడకూడా అలానే వుండాలి. ఉదాహరణకు - ఓ ఆడపిల్లను నీ పక్కన కూర్చోబెట్టుకోవాలి. అలానే పిలిస్తే ఆమె రాదు, అప్పుడు చిన్న పేపర్ ను తీసుకుని - అందులో గళ్ళుగీసి పదాల ఆట ఆడుకుంధామని పిలువ్, తనకు నీ కంటే ఇంగ్లీషు బాగా వచ్చునని, తనకే ఎక్కువ మార్కులు వస్తాయని చెప్పు. ఆమె ఆటలో పడి నీ పక్కన వచ్చి కూర్చుంటుంది నువ్వు చేయవలసిన పనంతా చిన్న పేపర్ ను తీసుకోవడమే చిన్న పేపర్ అయితే ఆమె పదాలు రాయడానికి నీకు మరింత దగ్గరాగా కూర్చోవలసి వస్తుంది. దట్సాల్.
    అలానే ఆమెచేతిని చేతుల్లోకి తీసుకోవాలనిపిస్తే నీకు హస్తసాముద్రికంలో మంచి ప్రావీణ్యం వుందనిచెప్పు. చేతిగీతలు చూసి భవిష్యత్తుచెబుతానని డంబాలు పలుకు, ఆ మిషతో చేయిపట్టుకో, ఇక అప్పుడు ఆమె మూడ్ ని బట్టి, పరిస్థితుల్ని బట్టి చేతివరకు ఆగిపోవాలో, ఇంకాస్త ప్రొసీడ్ కావాలో నిర్ణయించుకో"
    ఇలా చెప్పే వినయ్ ఇప్పుడు కూడా అలానే చేయబోతున్నాడా? భగవాన్! శకుంతలను రక్షించు.
    ఆంజనేయులు తెలిసిన దేవుళ్ళనంతా పిలిచి చెప్పాడు.
    "మొదటి ప్రశ్న అడగండి"
    "అయితే అడుగుతున్నాను. లుంగీకి స్త్రీలింగం ఏమిటో చెప్పగలరా?"
    వినయ్ ఆ ప్రశ్న అడిగి, షర్ట్ బాగా తడిసిపోయింది. తీసి ఆరబెడతాను" అని షర్ట్ తీసి ప్రక్కన పరిచాడు.
    ఆమె జవాబు గురించి ఆలోచిస్తూ అతను షర్ట్ విప్పడాన్ని గురించి పట్టించుకోలేదు. అయితే వినయ్ ఏం చేసినా చాలా ముందు జాగ్రత్తతో చేస్తాడని ఆంజనేయులు మాత్రం అనుకున్నాడు.
    "లుంగీకి స్త్రీ లింగమా?" ఆమె జవాబు తట్టక మరోమారు అడిగింది.
    అవునన్నట్టు తల వూపాడు వినయ్.
    గదిలోని గోడగడియారం తన పెండ్యులమ్ తో కాలాన్ని సాగగొడుతున్నట్లు చప్పుడు చేస్తోంది. బయట కుండపోతగా వర్షం కురుస్తోంది. గాలి ఉధృతంగా వీస్తోంది. టెలిఫోన్ తీగలు పూనకం వచ్చినట్లు వూగుతున్నాయి.
    ఆమె చెప్పలేనట్లు తల అడ్డంగా తిప్పింది.
    "మీరే చెప్పండి" అని అడిగింది.
    "లంగా" అతను నవ్వుతూ చెప్పాడు.
    "మరి మన షరతు ప్రకారం మీరు ముందుకు జరగాలి. తిరిగి అతనే అన్నాడు."
    ఆమె తప్పదన్నట్టు ముందుకు కదిలింది. మెల్లగా తలపైకెత్తింది.
    అతని ఛాతీ ఈమె కళ్ళల్లో గుచ్చుకుంది. హృదయంలో సుతిమెత్తగా అలజడి ప్రారంభమైంది. అది కనపడకుండా వుండాలని ఆమె శతవిధాలా ప్రయత్నిస్తోంది. అర్ధంకాని భావాలు సంఘర్షించుకున్నట్టు ఆమె అదోలా తయారైంది.
    గాలి బిరుసెక్కినట్టనిపించింది వరండాలో వున్న ఆంజనేయులుకు బయట చీకటి ముద్దలుగా పడుతున్నట్టు వాన.
    తనైతే అలాంటి ప్రశ్న అడిగివుండడు. అన్నవరంలో వున్న దేవుడి  పేరేమిటిలాంటి చెత్త ప్రశ్న అడిగేవాడు. కానీ వినయ్ ప్రశ్న ఎంతో అల్లరిగా, చిలిపిగా వుంది. అందుకే అతను హీరో అయిపోయాడు అనుకున్నాడు ఆంజనేయులు. రెండో ప్రశ్న ఏమిటో వినాలనే ఉత్సుకతతో కిటికీలోంచి తలను మరింతవంచాడు.