ఐటెం సాంగ్‌లతో ఎంట్రీ ఇచ్చి బాలీవుడ్‌ క్రేజీ స్టార్‌గా మారిన సన్నిలియోన్ ఇండియన్ సిల్వర్ స్క్రీన్‌పై సూపర్‌ క్రేజ్ తెచ్చుకుంది. ఇప్పుడామె ఎక్కడుంటే అక్కడ జనం పొటేత్తుతున్నారు. అలా బాలీవుడ్ నుంచి కోలీవుడ్ దాకా ఎంతమంది స్టార్లు ఉన్నా సన్నీకున్న ఆకర్షణే ప్రత్యేకం. ఆమె ఒక సినిమాలో ఐటెం సాంగ్ చేసేందంటే చాలు ఆ మూవీకి కాసుల వర్షమే. అలా నిర్మాతల పాలిట అదృష్టదేవతలా మారింది సన్నీ. మరి అలాంటి సెలబ్రెటీ గురించి తెలుసుకోవాలని జనం అనుకోకుండా ఉంటారా..అందుకే ఆమె సినిమాలు, వ్యక్తిగత సమాచారం పట్ల భారతీయ యువత ఎంతో ఆసక్తిగా చూపుతోంది. సోషల్ మీడియా, యూట్యూబ్, గూగుల్ ఇలా ఎక్కడ దొరికితే అక్కడ సన్నీలియోన్ పేరును వెతికేస్తున్నారు. దీంతో ఆమె పేరిట ఓ రికార్డు నమోదైంది. ఈ ఏడాది గూగుల్‌లో అత్యధిక మంది శోధించిన వ్యక్తుల జాబితాలో సన్నీ ఫస్ట్ ప్లేస్‌లో నిలిచింది. కాగా, బాలీవుడ్ భామ దిశా పటానీ ఐదో స్థానంలో నిలిచింది.
రాబోయే ఎన్నికల్లో అధికారమే లక్ష్యంగా.. వైసీపీ అధినేత, ఆంధ్రప్రదేశ్ ప్రతిపక్షనేత వైఎస్ జగన్‌మోహన్ రెడ్డి ప్రజాసంకల్ప యాత్ర పేరుతో పాదయాత్రను ప్రారంభించిన సంగతి తెలిసిందే. ఈ ప్రయాణంలో ఆయన 500 కిలోమీటర్లను పూర్తి చేశారు. అనంతపురం జిల్లా ధర్మవరం మండలం గొట్లూరులో ఇవాళ ఆయన ఈ మైలురాయిని చేరుకున్నారు. ఈ సందర్భంగా జగన్ ఓ మొక్కను నాటారు. నవంబర్ 6వ తేదిన కడప జిల్లా ఇడుపులపాయలోని తన తండ్రి, దివంగత ముఖ్యమంత్రి వైఎస్ రాజశేఖర్ రెడ్డి స్మారక స్థలం నుంచి జగన్ పాదయాత్రను ప్రారంభించారు. ఇప్పటికే కడప, కర్నూలు జిల్లాల్లో యాత్రను పూర్తి చేసిన ఆయన ప్రస్తుతం అనంతపురం జిల్లా మీదుగా సాగుతున్నారు. ఈ యాత్రలో ప్రభుత్వ అవినీతిపై విమర్శలు సంధిస్తూ, ప్రజా సమస్యలను తెలుసుకుంటున్నారు.
  ఆరు బంతుల్లో ఆరు సిక్స్ లు కొట్టి యువరాజ్ సింగ్ రికార్డ్ సృష్టించిన సంగతి తెలిసిందే కదా. ఇప్పుడు ఆరు బంతుల్లో ఏడు సిక్స్ లు కొట్టి రికార్డ్ సృష్టించాడు ఓ క్రికెటర్. ఆరు బంతుల్లో ఏడు సిక్స్ లా..? ఒకే ఓవర్ లో 6 బంతులు మాత్రమే ఉంటాయి కదా… మరి 7 సిక్సర్లు ఎలా సాధ్యం అని అనుకుంటున్నారా.?. శ్రీలంకకు చెందిన నవీందు పహసర అనే టీనేజర్‌ ఒకే ఓవర్‌లో ఏడు సిక్సర్లు కొట్టాడు.  ఒక బంతి నోబాల్‌ కావడంతో ఆ కుర్రాడు ఏడు సిక్సర్లు కొట్టడం సాధ్యమైంది. శ్రీలంకలో అండర్‌-15 మురళీ గుడ్‌నెస్‌ కప్‌ ఫైనల్లో భాగంగా ఎఫ్‌ఓజీ అకాడమీ తరఫున ఆడుతున్న నవీందు పహసర (89 బంతుల్లో 109) ఈ ఫీట్‌ సాధించాడు.
ALSO ON TELUGUONE N E W S
మాటల మాంత్రికుడు త్రివిక్రమ్ దర్శకత్వంలో పవర్‌స్టార్ పవన్‌కళ్యాణ్ హీరోగా నటించిన చిత్రం అజ్ఞాతవాసి. ఎప్పుడెప్పుడా అని ఎదురుచూసిన ఈ మూవీ టీజర్ శుక్రవారం రిలీజైంది. విడుదలైన నెక్ట్స్ మినిట్ నుంచి అజ్ఞాతవాసి యూట్యూబ్‌లో రికార్డుల మోత మోగిస్తున్నాడు. విడుదలకు ముందు రోజే అజ్ఞాతవాసి హ్యాష్ ట్యాగ్‌తో ఇండియా ట్రెండ్స్‌లో నాలుగో స్థానంలో నిలిచి.. ఇప్పుడు తాజాగా మరో ఘనత సాధించింది. టాలీవుడ్‌లోనే అత్యధిక మంది లైక్ చేసిన టీజర్‌గా అజ్ఞాతవాసి అవతరించింది. ఇప్పటి వరకు ఈ టీజర్‌ను 3,65,000 మంది లైక్ చేసి రికార్డుల్లోకి ఎక్కింది. హారికా హాసిని క్రియేషన్స్ బ్యానర్‌పై ఎస్. రాధాకృష్ణ నిర్మిస్తున్న ఈ చిత్రంలో పవన్ సరసన కిర్తీ సురేష్, అను ఇమ్మాన్యుయేల్ నటిస్తున్నారు. అనిరుధ్ రవిచందర్ స్వరాలు సమకూర్చిన అజ్ఞాతవాసి ఆడియోను డిసెంబర్ 19న విడుదల చేయనున్నారు. సంక్రాంతి కానుకగా ఈ సినిమా ప్రేక్షకుల ముందుకు రానుంది.
టాప్ హీరోలు అయినప్పటికీ తోటి హీరోలందరితో సన్నిహితంగా మెలుగుతూ ఉంటారు యంగ్ రెబల్ స్టార్ ప్రభాస్, మెగాపవర్ స్టార్ రామ్‌చరణ్ తేజ్. ఒకపక్క సినిమాలు చేస్తూనే మరోవైపు వ్యాపారాల్లోనూ రాణిస్తూ సత్తా చాటుతున్నారు. మిత్రులతో కలిసి యూవీ క్రియేషన్స్ పేరుతో మిర్చి, రన్ రాజా రన్ వంటి విజయవంతమైన చిత్రాలను నిర్మించాడు ప్రభాస్. అలాగే ట్రూజెట్ ఎయిర్‌లైన్స్‌లో భాగస్వామ్యంతో వ్యాపారంలోకి ప్రవేశించాడు చెర్రీ. వీరిద్దరూ కలిసి బిజినెస్ చేయాలనుకుంటున్నారంటూ ఫిల్మ్‌నగర్‌లో జోరుగా వార్తలు వినిపిస్తున్నాయి. పర్సనలైజ్డ్ మూవీ థియేటర్స్‌ను ప్రతి పట్టణంలోనూ ప్రారంభించాలన్నది వీరి ఆలోచనట. 70 నుంచి 100 అంగుళాల స్క్రీన్లు, లేటేస్ట్ వెర్షన్ సౌండ్ సిస్టమ్‌తో.. ఇద్దరి నుంచి 12 మంది వరకు ఒకేసారి సినిమాలు చూడగలిగేలా ఈ థియేటర్లు ఉంటాయట. తద్వారా ఓ కుటుంబమంతా కలిసి సినిమాను థియేటర్‌‌లో చూసిన అనుభూతి పొందవచ్చని సినీ వర్గాలు అంటున్నాయి. అఫీషియల్‌గా ప్రకటన లేకపోయినప్పటికీ అతి త్వరలోనే ప్రభాస్-చెర్రీలు వ్యాపార భాగస్వాములు అయ్యే అవకాశం ఉందని ఫిలింనగర్ టాక్.
ఊళ్లో పెళ్లయితే... వాటికి వేటికో... హడావిడట. సోషల్ మీడియా వ్యవహారం అలాగే ఉంది. ఆయనెవరో పెళ్లి చేసుకోపోవడం ఏంటీ.. కనబడ్డ అమ్మాయిలందర్నీ తీసుకెళ్లి ఆయనతో వీళ్లు పెళ్లి చేసేయడమేంటీ..... ఏంటో వీరి పిండము. ఎంత మోస్ట్ ఎలిజిబుల్ బ్యాచిలర్ అయితే మాత్రం.. ఇళ్లలో ఉన్న ఆడకూతుళ్లను తీసుకొచ్చి ఈయనగారికి లింకులు పెట్టి రాసేస్తే... ఆ అమ్మాయి తల్లిదండ్రులు ఎంత బాధ పడతారు? ఆ మాత్రం జ్ఙానం లేదా.. వీరి శ్రార్థము. వీళ్లకు ఆ మాత్రం అక్షింతలు అవసరమే లేండి. లేకపోతే...ఏంటీ చత్త రాతలూ?  ప్రభాస్ కి పెళ్లంట. నాగబాబు కూతురు నిహారిక పెళ్లి కూతురట. ఇంతకు మించిన దారుణం ఏమైనా ఉంటుందా చెప్పండి? 39 ఏళ్ల ప్రభాస్ ఎక్కడా? నిండా పాతికేళ్లు లేని నిహారిక ఎక్కడ? అసలు ఈడూజోడూ చూసుకోరా? చిన్న పిల్లల్ని కూడా అంటగట్టేస్తారా? ఇదెక్కడి దారుణం. నాగబాబు, నిహారికలకు పెళ్లి చేస్తే బావుంటుందని స్వయంగా కృష్ణంరాజే వెళ్లి చిరంజీవిని అడిగాడట. చిరంజీవి కూడా అందుకు ‘ఓకే’ చెప్పేయడంతో దాదాపు పెళ్లి ఖరారైపోయిందట. ఇది మేటర్. ఎంత మేటర్లు లేకపోతే మాత్రం... ఇలాంటివి క్రియేట్ చేస్తారా? బాబూ... ప్రభాస్ నువ్వు త్వరగా పెళ్లి చేసుకో నాయనా? గతంలో త్రిషతో లింకుపెట్టారు, తర్వాత శ్రియతో పెళ్లంటూ హంగామా చేశారు.  మొన్నేమో అనుష్క. నిన్నేమో శ్రద్దా కపూర్.  నేడేమో... మరీ దారుణంగా చిన్నపిల్ల  నిహారిక. ఇన్ని దారుణాలు జరుగుతుంటే అలా చూస్తూ కూర్చుంటావేమయ్యా.. ముందు ముందు ఇంకెంతమందిలో నీకు పెళ్లి చేస్తారో. అందుకే త్వరలో పెళ్లి చేసుకోవయ్యా... పాపం అమ్మాయిల్ని కాపాడు.
‘రంగస్థలం సినిమా కథ... చిరంజీవి పాత సినిమా కథకు కాపీ’. ప్రస్తుతం ఫిలింనగర్ లో ఎక్కడ విన్నా ఇదే గోల. చిరంజీవి కూడా ఇటీవలే ఈ సినిమా చూసి దర్శకుడు సుకుమార్ కి కొన్ని సూచనలు చేశారట. తన సినిమా పోలికలు కనిపిస్తున్నాయనీ... వాటిని ఇంకాస్త బెటర్ గా తీయాలని సుకుమార్ కి సూచించారట మెగాస్టార్. ‘రంగస్థలం’.. పల్లెటూరి నేపథ్యంలో సాగే కథ. ఇది అందరికీ తెలిసిందే. సుకుమార్ ఇప్పటి వరకూ చేసిన సినిమాలన్నీ మోడ్రన్ టచ్ తో సాగేవే. ఇదీ అందరికీ తెలుసు. అయితే...ఈ దఫా సుకుమార్ ఇప్పటివరకూ టచ్ చేయని జానర్ లో ‘రంగస్థలం’ చేస్తున్నాడు. దాంతో.. ‘అసలు ఎలాంటి కథను ఎంచుకొని ఉంటాడు?‘ అని జనాల్లో ఎక్కడ లేని ఆసక్తి. ఇంతకీ చిరంజీవి సినిమాల్లో ఏ సినిమా కథను సుకుమార్ కాపీ కొట్టాడు? అనేగా మీ డౌట్. ఆ సినిమా పేరు ‘ఊరికిచ్చిన మాట’. ఇక ‘ఊరికిచ్చిన మాట’ కథ విషయానికొస్తే... అదొక కుగ్రామం. ఆ ఊళ్లో ఉన్నట్టుండి కలరా సోకి అందరూ చనిపోతుంటారు. దాంతో ఊరొదిలి జనాలు వలస పోతుంటారు. అందుకే... ఊరిని కాపాడటానికీ,, ఊరి జనాల అకాల మరణాలను ఆపడానికి తన తమ్ముడ్ని డాక్టర్ చదివించాలనుకుంటాడు చిరంజీవి. తమ్ముడేమో సుధాకర్. డాక్టర్ చదువు కోసం పట్నం వెళ్లిన సుధాకర్... ఎంబీబీఎస్ పూర్తి చేసి.. అక్కడే  ఆసుపత్రి పెట్టుకొని సెటిల్ అయిపోతాడు. అన్నమాట తప్పిన తమ్ముడ్ని... ఊరికిచ్చిన మాట కోసం తన్ని భుజాలపై ఎత్తుకొస్తాడు చిరంజీవి. ఇది కథ. ఇదే కథ పోలికలు ‘రంగస్థలం’లో కూడా ఉన్నాయట. 1981లో వచ్చిన ‘ఊరికిచ్చిన మాట’ బాగానే ఆడింది. మరి ‘రంగస్థలం’ పరిస్థితి ఏంటో చూడాలి.
మహేశ్ బాబు, అల్లు అర్జున్ నిర్మాతలు భయంతో వణికిపోతున్నారు. అదేంటి? సినిమా వసూళ్లలో ఇద్దరూ కింగులే కాదా. వారి నిర్మాతలకు భయం దేనికి అనుకుంటున్నారా? నిజమే వారి నిర్మాతలు గడగడ లాడిపోతున్నారు. డిజిటల్ ప్రొవైడర్ల ఆధిపత్యాన్ని నిరసిస్తూ...  మార్చి 1 నుంచి చిత్ర  పరిశ్రమ బంద్ కి పిలుపు నివ్వడమే వారి భయానికి కారణం. ‘ఇది ధ్నర్మాగ్రహం.. ఈ బంద్ ఎన్ని రోజులు జరుగుతుందో చెప్పలేం.’ అంటూ నిర్మాత సురేశ్ బాబు ఇచ్చిన స్టేట్మెంట్ సదరు నిర్మాతల గుండెల్లో పిడుగు పడేలా చేసింది. ఎందుకంటే.... అదే నెలలో మహేశ్ ’భరత్ అను నేను‘ ,  బన్నీ ‘నా పేరు సూర్య నా ఊరు ఇండియా’ విడుదల చేయాలని నిర్మాతలు ప్లాన్ చేసుకున్నారు. ఉన్నట్టుండి ఇలాంటి పిడుగులాంటి వార్త చెవిన పడటంతో ఇప్పుడు ఆ నిర్మాతల పని కుడితిలో పడ్డ ఎలుకలా తయారైంది. రజనీకాంత్ ‘రోబో 2.0‘ కూడా అదే నెలలో రాబోతోంది. తెలుగులో రజనీకాంత్ మార్కెట్ గురించి ప్రత్యేకించి చెప్పాల్సిన పనిలేదు. ఒకవేళ ఆ సినిమా విడుదల సమయంలో బంద్ ఉంటే... ‘రోబో 2.0‘ వసూళ్లపై అది బలమైన ప్రభావమే చూపించక మానదు. అంతేకాదు... ఎంతో ప్రతిష్టాత్మకంగా రూపొందుతున్న సావిత్రి బయోపిక్ ‘మహానటి’ సినిమాను కూడా అదే నెలలో విడుదల చేయాలనుకున్నారు. సో.... మార్చిలో విడుదల చేస్తే బంద్ దెబ్బకు దెబ్బడిపోతాం. సమ్మర్ కెళితే... వడ్డిలు బొక్క. లాభం గూబలోకొస్తుంది. మరి తెలిసి తెలిసీ ఎవరు ప్రమాదం కొనితెచ్చుకుంటారు చెప్పండి?  సమయం ఎలాగూ ఉంది... త్వరత్వరగా పూర్తి చేసేసి ఫిబ్రవరిలో వచ్చేస్తే బెటర్ అని కొందరి అభిప్రాయం.
పాత్ర నచ్చితే ప్రాధాన్యత గురించి కూడా ఆలోచించకుండా చేసే కథానాయకుడు విక్టరీ వెంకటేశ్. కొన్ని సినిమాల్లో ప్రత్యేక పాత్రల్లో కూడా కనిపించి మురిపించారాయన. రీసెంట్ గా ‘ప్రేమమ్’లో మేనల్లుడి కోసం రియల్ లైఫ్ కేరక్టర్ నే పోషించేశాడు. త్వరలో మరో సిినిమాలో ఆయన తళుక్కున మెరవనున్నారు. అదే ’ అజ్ఙాతవాసి’. అవును పవర్ స్టార్ ‘అజ్ఙాతవాసి’లో వెంకీ ప్రత్యేక పాత్ర పోషించనున్నాడు. పాత్ర పూర్వాపరాలు తెలియాల్సి ఉంది. అవి తెలిసేంతవరకూ ప్రేక్షకుల దృష్టిలోొ వెంకీ అజ్ఙాతవాసే.  గతంలో వెంకీ, పవన్  కలిసి ‘గోపాల గోపాల’ చిత్రంలో నటించిన విషయం తెలిసిందే. అందులో కథ రిత్యా హీరో వెంకటేశ్ అయితే.. పవర్ స్టార్ స్పెషల్ రోల్ చేశారు. ఆ అభిమానంతోనే అనుకుంట... వపర్ స్టార్ సినిమాలో ఇప్పుడు వెంకీ ప్రత్యేక పాత్ర చేస్తున్నాడు. ఇది నిజంగా సినీ అభిమానుందరూ ఆనందించదగ్గ విషయం. ఏమంటారు?
  బాలకృష్ణ - రవితేజ, పవన్ కల్యాణ్ - రవితేజ...సిననీ  ప్రపంచంలో... ఎక్కడైనా... ఈ రెండు జంటల ప్రస్తావన తస్తే..  రకరకాలుగా కథలు పుట్టుకొస్తాయ్. రవితేజను స్టార్ ని చేసిన సినిమాలు ఇడియట్, అమ్మా నాన్నా ఓ తమిళమ్మాయ్. ఈ రెండు కథలూ.. ముందు వపన్ కల్యాణ్ దగ్గరకొచ్చి తిరస్కరణకు గురై... తుదకు రవితేజ దగ్గరకెళ్లాయ్.. రవితేజను ఇప్పుడందరూ ‘మాస్ మహరాజా’ అంటున్నారంటే.. ఈ రెండు సినిమాల చలవే. ఇక బాలయ్య - రవితేజ... వీరిద్దరి టాపిక్ వస్తే... ఓ అద్భుతమైన ఫ్లాష్ బ్యాక్ స్టోరీ వెలుగు చూస్తుంది. అది ఫిలిం సర్కిల్స్ లో అందరికీ తెలిసిన స్టోరీనే. ఇప్పుడు ఈ టాపిక్కులు దేనికంటే.. ఏ హీరో వదిలేసిన కథల్ని ఎంచుకొని రవితేజ స్టార్ అయ్యాడో.. ఏ హీరో తో రవితేజకు వ్యక్తిగతంగా విబేధాలున్నాయని ఫిలింసర్కిల్స్ లో టాక్ ఉందో... ఆ ఇద్దరు హీరోల సినిమాలకు రవితేజ పోటీ పడబోతున్నాడు. అందుకే ఈ గోలంతా. అవును.. రాబోతున్న సంక్రాంతికి పవన్ కల్యాణ్, బాలయ్యలతో పాటు రవితేజా కూడా  పోటీలో నిలువనున్నాడట. పవర్ స్టార్ ‘అజ్ఙాతవాసి’ జనవరి 10న విడుదలవుతుంటే... నటసింహం ‘జై సింహ’ జనవరి 12న ప్రేక్షకుల ముందుకు రానుంది. వీరిద్దర్నీ జనవరి 13న ‘టచ్ చేసి చూడు’ అనబోతున్నాడు రవితేజ. అవును. ఓ విధంగా మాస్ మహారాజా సంక్రాంతికి పెద్ద సాహసమే చేస్తున్నాడనాలి. వీరిద్దరి సినిమాలతో పోటీ పడటం వల్ల... వసూళ్ల పరంగా, థియేటర్ల పరంగా కూడా సమస్యలు వాటిల్లే ప్రమాదం ఉంది. కానీ... కేర్ చేయకుండా జనవరి 13న వచ్చేస్తున్నాడు రవితేజ. ‘రాజా ది గ్రేట్’ ఇచ్చిన ఉత్సాహమే ఈ ధైర్యానికి కారణం కావొచ్చు.   ఇప్పటికే ఈ సిినిమా ఫస్ట్ లుక్ ని విడుదల చేశారు.  ఇంకా నెల రోజుల గడువు ఉంది కాబట్టి... ఈ సమయంలో ప్రమోషన్ భారీ ఎత్తులో ప్లాన్ చేస్తున్నారు నిర్మాతలు విక్రమ్ సిరికొండ  ఈ చిత్రానికి దర్శకుడు. ఈ సంక్రాంతికే  సూర్య డబ్బింగ్ సినిమా ‘గ్యాంగ్’ కూడా విడుదల కానుంది. మరి విజయం ఎవర్ని వరిస్తుందో చూడాలి.
కొద్దిరోజుల క్రితం తెలుగునాట ప్రముఖ మీడియా ఛానెల్ నిర్వహించిన ఓ చర్చా కార్యక్రమంలో.. నిర్మాత బండ్ల గణేశ్, ఎమ్మెల్యే రోజాల తిట్ల పురాణం సోషల్ మీడియాలో హాట్ టాపిక్‌గా మారింది. అభిమాన హీరోను ఏదో అన్నారని ఒకరు.. తమ అధినేతను విమర్శించారని మరొకరు అసలు సంగతి పక్కనబెట్టి.. ఆవేశంలో వ్యక్తిగత విమర్శలకు దిగారు. "పక్కలు అనే దాకా రోజా వెళితే.. "నువ్వు స్ట్రయిట్‌గా ఇండస్ట్రికి వచ్చావా" అంటూ బండ్ల అన్నాడు. ఒకరినొకరు తిట్టుకుని కోపమైతే తీర్చుకున్నారు.. మీడియా వాళ్లకి టీఆర్‌పీ.. మసాలా వార్తలు కావాల్సిన వారికి.. అది కావాల్సినంత అందింది. కానీ ఇప్పటికే ప్రజల్లో సినిమా ఇండస్ట్రీపై ఉన్న గౌరవం రోజు రోజుకి తగ్గిపోతుంటే.. ఈ తరహా వ్యాఖ్యలు చిత్ర పరిశ్రమను అసహ్యించుకునే పరిస్థితిని కల్పిస్తోందని విమర్శకులు అంటున్నారు. చీకటి బాగోతాలు, తెర వెనుక కథలు చూసి చూసి.. తమ పిల్లలను సినిమా వైపు కన్నెత్తి కూడా చూడనివ్వడం లేదు తల్లిదండ్రులు. అలాంటప్పుడు తెలుగు చిత్ర సీమకు కొత్తరక్తం ఎలా వస్తుంది. ఇలాంటి వ్యాఖ్యలు చేసి రోజా, గణేశ్‌లు టాలీవుడ్‌కు ద్రోహం చేసినట్లే అంటున్నారు ఫిలింనగర్ జనాలు.
  కాంగ్రెస్ అధినేత్రి సోనియా గాంధీ సంచలన నిర్ణయం తీసుకున్నారు. క్రీయాశీలక రాజకీయాల నుంచి తాను ఇక సెలవు తీసుకుంటున్నట్లు ఆమె ప్రకటించారు. రెండు దశాబ్దాలుగా సోనియా అంటే కాంగ్రెస్.. కాంగ్రెస్ అంటే సోనియా అనేంతగా ఎదిగిపోయారు సోనియా. కాంగ్రెస్‌ను అధికారంలోకి తీసుకురావడంలో.. కొత్త రక్తాన్ని ఎక్కించడంలోనూ ఆమె కృషి చేశారు. సోనియా హయాంలోనే పార్టీ అధికారాన్ని అనుభవించింది.. అధ: పాతాళానికి దిగజారింది. 125 ఏళ్ల చరిత్ర కలిగిన పార్టీని అత్యధిక కాలం పాలించిన అధినేత్రిగా రికార్డుల్లోకి ఎక్కి.. నెహ్రూ కుటుంబం తప్ప కాంగ్రెస్‌కి మరో దిక్కులేదనే విశ్లేషకుల మాటకు నిలువెత్తు సాక్ష్యంగా నిలిచారు. ఆమె జీవితం ఎన్నో వింతలు, విషాదాల సమాహారం అవేంటో ఒకసారి పరిశీలిస్తే..   * సోనియా గాంధీ అసలు పేరు అడ్విగే ఆంటోనియా మాయినో.. * ఇటలీలోని లూసియానా దగ్గరలోని కంట్రడా మెయిని గ్రామంలో స్టిఫెనో, పోలా మైనో దంపతులకు 9 డిసెంబర్ 1946న జన్మించారు. * సోనియా తండ్రి ఒర్బస్సానో అనే పట్టణంలో వ్యాపారం నిర్వహించడంతో ఆమె బాల్యం అక్కడే గడిచింది. * 1965లో కేంబ్రిడ్జ్ నగరంలో ఆమె తొలిసారి రాజీవ్ గాంధీని కలిశారు. * వీరిద్దరి పరిచయం, ప్రేమగా మారి.. 1968లో హిందూ సంప్రదాయం ప్రకారం ఈ జంట వివాహం చేసుకున్నారు. * 1984లో అమేధి నియోజకవర్గంలో రాజీవ్ తన మరదలు మేనకా గాంధీకి వ్యతిరేకంగా నిలబడినప్పుడు.. సోనియా తొలిసారిగా రాజకీయ రంగంలోకి దిగి తన భర్త కోసం ప్రచారం చేశారు. * 1997లో కలకత్తా ప్లీనరీ సమావేశంలో పార్టీ ప్రాథమిక సభ్యత్వం తీసుకున్న సోనియా.. కేవలం 62 రోజుల వ్యవధిలోనే కాంగ్రెస్ అధ్యక్షురాలిగా బాధ్యతలు స్వీకరించారు. * 1999లో జరిగిన లోక్‌సభ ఎన్నికల్లో కర్ణాటకలోని బళ్లారి, ఉత్తరప్రదేశ్‌లోని అమేథీ నుంచి పోటీ చేసి ఏకకాలంలో గెలిచారు. అయితే బళ్లారికి రాజీనామా చేసి.. అమేథీ నుంచి పార్లమెంట్‌కు ప్రాతినిథ్యం వహించారు. ఈ ఎన్నికల్లో ఆమె బీజేపీ సీనియర్ నేత సుష్మా స్వరాజ్‌ను ఓడించారు. అదే సమయంలో లోక్‌సభలో ప్రతిపక్షనేతగా వ్యవహరించారు. * 2004లో పార్టీని అధికారంలోకి తీసుకురావడానికి దేశవ్యాప్తంగా ప్రచారం చేశారు. ఆ ఎన్నికల్లో కాంగ్రెస్ ఘనవిజయం సాధించింది. అయితే ఒక విదేశీయురాలు ప్రధాని కావడానికి వీలు లేదంటూ బీజేపీ నిరసన చేపట్టడంతో.. ప్రధానిగా మన్మోహన్‌సింగ్‌ను ప్రతిపాదించారు. ఆమె మాత్రం 2004 నుంచి 2014 వరకు యూపీఏ ఛైర్‌పర్సన్‌గా బాధ్యతలు నిర్వహించారు. * 2014లో తెలంగాణ ప్రజల చిరకాల స్వప్నమైన ప్రత్యేక రాష్ట్రాన్ని కేంద్రప్రభుత్వం ప్రకటించడంలో    సోనియా క్రీయాశీలక పాత్ర పోషించారు. * 2011లో అమెరికాలో శస్త్రచికిత్సను చేయించుకుని.. తిరిగి ఇండియాకు తిరిగి వచ్చిన సోనియా గురించి పలు పుకార్లు వ్యాపించాయి. ఆమెకు క్యాన్సర్ సోకిందని.. న్యూయార్క్‌లో ట్రీట్‌మెంట్ తీసుకున్నారని కొన్ని పత్రికల్లో కథనాలు వచ్చాయి. * 2017లో ఉత్తరప్రదేశ్ అసెంబ్లీ ఎన్నికల సందర్భంగా ప్రచారంలో పాల్గొన్న సోనియా అస్వస్థతకు గురికావడంతో మధ్యలోనే తిరిగి వచ్చేశారు. సుమారు నెలకు పైగా ఆస్పత్రిలోనే గడిపారు. * రాహుల్ గాంధీ ఇకపై కాంగ్రెస్ బాధ్యతలు నిర్వహిస్తారని శ్రేణులకు తెలియజేశారు.
  తన మానాన తాను ఏడాదికో.. రెండేళ్లకో సినిమాలు తీసుకుంటూ కాలం వెల్లదీస్తూ.. దక్షిణ భారతదేశంలో స్టార్ డైరెక్టర్‌గా వెలుగొందుతున్నాడు. ఎవరితో విభేదాలు లేకుండా.. అందరితో కలివిడిగా ఉంటూ.. చిన్న సినిమా.. పెద్ద సినిమా అన్న తేడా లేకుండా సినిమా బాగుంటే బాగుందని.. లేదంటే లేదని చెబుతారు జక్కన్న. ఇన్నేళ్ల కెరీర్‌లో ప్రత్యక్షంగా గాని.. పరోక్షంగా గానీ ఒక్క మాట పడి వుండడు. అలాంటి వ్యక్తిపై తొలిసారిగా ఆరోపణలు వచ్చాయి.. అది కూడా ఆయన ఫీల్డ్‌కి ఏ మాత్రం సంబంధం లేని రాజకీయ రంగం నుంచి. కాళ్లు బొబ్బలెక్కినా.. నడుముకి బెల్ట్ వచ్చినా మడమ తిప్పక తన పాదయాత్రను జోరుగా సాగిస్తున్నారు వైసీపీ అధినేత జగన్. తన యాత్రకు వచ్చే వారి బుగ్గ నిమురుతూ.. నుదిటిపై ముద్దు పెడుతూ.. మధ్య మధ్యలో అధికార పక్షం అవినీతిపై విమర్శలు చేస్తూ ముందుకు సాగుతున్నారు ప్రతిపక్షనేత.   తాజాగా అనంతపురం జిల్లా రాప్తాడు వేదికగా ముఖ్యమంత్రి చంద్రబాబుపై సెటైర్లు వేశారు జగన్. సీఎం గారు రాష్ట్రానికి చేసిందేమి లేదని.. ఆయన ప్రజలను చాలా మోసం చేశారని చెబుతూ.. తన మాటలను జనాలు నమ్మరేమోనని సినీ దర్శకులను, హీరోలను పక్కనబెట్టుకొని తిరుగుతున్నారని కామెంట్స్ చేస్తూ సీన్‌లోకి రాజమౌళిని కూడా లాగారు. ఒకాయన బాహుబలి సినిమాను తీశారు.. మీరందరూ కూడా చూసే ఉంటారు. నేను కూడా పేపర్లో చదివాను.. ఆయనను ముఖ్యమంత్రిగారు పిలిపించుకొని అమరావతి మీద సినిమా తీయండి అని అడిగారట..   ఒక్క ఇటుక కూడా పడని అమరావతిలో సినిమా ఏంటా అని నేను ఆశ్చర్యపోయా.. ఇక రేపు పొద్దున్న ఆయన సెట్లు వేసేస్తాడు.. ఆ సెట్లలో చంద్రబాబు గారి ఎంట్రీ.. ఆయన మంత్రి నారాయణ మరో పాత్ర.. ఇదిగో అమరావతి.. అదిగో వచ్చేసింది అని బిల్డప్ ఇస్తారు. మోసానికైనా హద్దు పొద్దు ఉండాలి అంటూ.. జగన్ వేసిన సెటైర్లు ఇప్పుడు సినీ, రాజకీయ వర్గాల్లో హాట్ టాపిక్‌గా మారాయి. అమరావతిని ప్రతిష్టాత్మకంగా నిర్మించాలనుకుంటున్న ముఖ్యమంత్రి ...ఇందుకు రాజమౌళి సలహాలు కోరారు. సీఎం అంతటి వ్యక్తి అడిగే సరికి జక్కన్న కూడా కాదనలేకపోయారు. భారతీయత, తెలుగుదనం ఉట్టిపడేలా కొన్ని సూచనలు చేసి.. ఆ డిజైన్లకు చంద్రబాబు చేత ఓకే అనిపించారు. ఇంత చేసినా తన సాయం రామసేతు నిర్మాణంలో ఉడత సాయం లాంటిదని చెప్పాడు. అలాంటి రాజమౌళిపై జగన్ విమర్శలు చేయడం కరెక్ట్ కాదంటున్నారు రాజకీయ విశ్లేషకులు. అమరావతికి సంబంధించి తన పాత్ర ఎంత పరిమితమో చెప్పాక కూడా.. వైసీపీ అధినేత ఇలా అనడంపై రాజమౌళి ఫ్యామిలీ కూడా ఫీల్ అవుతోందట.
  కమెడియన్ విజయ్‌సాయి ఆత్మహత్య తెలుగు చిత్ర పరిశ్రమలో కలకలం సృష్టించింది. బిజీ ఆర్టిస్టుగా పేరు తెచ్చుకున్న విజయ్ బలవన్మరణం వెనుక కారణమేంటీ..? ఆర్థిక ఇబ్బందులా.. కుటుంబ కలహాలా..? మరేదైనా చెప్పుకోలేని బాధా..? అవకాశాలు రాకపోవడం అనే అంశం చుట్టూ ఇలాంటి సందర్భాల్లో చర్చ జరుగుతుంది.. కానీ అది ఓ కారణమే తప్ప.. అదే అసలు కారణం కాదన్నది మెజార్టీ సినీ ప్రముఖుల వాదన. కుటుంబ సమస్యలు, ఇతరత్రా కారణాలూ సినీ నటుల ఆత్మహత్యలకు కారణమని ఎన్నో సార్లు రుజువైంది. అందుకు తగినట్లుగానే చనిపోవాలని నిర్ణయించుకున్నాకా విజయ్ సెల్పీ వీడియో తీసుకుని.. భార్య కారణంగా అనుభవించిన మానసిక క్షోభను బయటపెట్టాడు.   వనితతోపాటు ఆమె తల్లి వ్యభిచారం చేస్తున్నారని.. తన కూతురు అలాంటి వాతావరణంలో పెరగడం తనకు ఇష్టం లేదని చెప్పాడు. తాను చనిపోయాక, తన భార్యపైనా ఆమెతోపాటు తనను వేధించిన శశిధర్, లాయర్ శ్రీనివాస్‌పై కఠిన చర్యలు తీసుకోవాలనీ, ఎవర్నీ వదిలిపెట్టకూడదని తండ్రికి చెబుతూ వీడియో ముగించాడట. అయితే ఈ వ్యాఖ్యలను వనితారెడ్డి ఖండిస్తూ.. విజయ్‌సాయి క్యారెక్టర్‌పై ఆరోపణలు చేసింది. విజయ్‌కి చాలా మంది అమ్మాయిలతో సంబంధాలున్నాయని.. పద్ధతి మార్చుకోమని చెప్పినందుకు ఎన్నో సార్లు తనను కొట్టాడని ఆరోపించింది. ఈ సంగతి పక్కనబెడితే విజయ్ ఆరోపించిన ముగ్గురు వ్యక్తుల్లో ప్రముఖమైన పేరు శశిధర్.. ఎవరన్న దానిపై కూపీ లాగగా..   అతను నవయుగ కనస్ట్రక్షన్స్ అధినేత విశ్వేశ్వరరావు కుమారుడిగా తేలింది. కంపెనీ వ్యవహారాలన్నీ ఇతడే చూస్తుంటాడట.. లాబీయింగ్‌లు, పైరవీలు నడపడంలోనూ దిట్టగా చెబుతున్నారు పారిశ్రామిక వర్గాలు. సెల్ఫీ వీడియోలో తన భార్యతో శశిధర్‌కి గల సంబంధంపై విజయ్ వివరంగా చెప్పినట్లు ఫిలింనగర్ టాక్. ఇతని పేరు సెల్ఫీ వీడియోలో ఉండటంతో నవయుగ రంగంలోకి దిగిందట. ఉదయం ఘటన జరిగితే ఆ రోజు సాయంత్రం వరకు ఈ విషయం బయటకు రాకుండా ఉన్నతాధికారులపై ఒత్తిడి వచ్చిందట. కానీ, మీడియా సమావేశంలో డీసీసీ, శశిధర్ పేరును బయటకు వెల్లడించారు. అయితే అతను నవయుగ ఛైర్మన్ కుమారుడు కాదని.. ఆ కంపెనీలో పనిచేసే ఉద్యోగి అని చెప్పారు. ఏడాదికి 20 వేల కోట్ల టర్నోవర్ కలిగి.. అంతర్జాతీయ స్థాయి కాంట్రాక్టులతో.. దేశంలోనే అతిపెద్ద ఇంజనీరింగ్ కంపెనీల్లో ఒకటిగా పేరు తెచ్చుకున్న నవయుగను నడుపుతున్న వ్యక్తికి.. సాదా సీదా సినీ నటితో అవసరం ఏంటి అనే సందేహం మీకు రావొచ్చు. దానికి సవాలక్ష కారణాలు ఉన్నాయంటున్నారు విశ్లేషకులు. శశిధర్ సహజంగానే విలాస పురుషుడు.. తన మిత్రులతో కలిసి అప్పుడప్పుడూ కృష్ణపట్నం పోర్ట్‌కు వెళ్లేవాడని.. ఆ సమయంలో తనకు నచ్చిన మందు, మగువలతో పోర్ట్‌లో ఉన్న ఒక దీవిలో జల్సా చేస్తాడని పారిశ్రామిక వర్గాల్లో టాక్ ఉంది. అలాగే పారిశ్రామిక వ్యవహారాలు చక్కబెట్టడం అంత సులువు కాదు. సామ, ధాన, బేధ దండోపాయాలను ఉపయోగిస్తే కానీ పనులు జరగవు. అలాంటి వాటిల్లో అమ్మాయిలు కూడా ఒక భాగం.   తన వ్యాపార అవసరాల కోసం శశిధర్ తదితరులు వనితను ఉపయోగించుకున్నారని విజయ్ సెల్ఫీ వీడియోలో ఆరోపించాడు. మరోవైపు చట్టం ధనవంతులకి చుట్టం అన్న నానుడి ఎప్పటి నుంచో ఉంది. డబ్బున్నవాళ్లు దేని నుంచైనా బయటపడగలరు.. ఈ దేశంలో పేదలకు న్యాయం లభించటం చాలా కష్టం.. పరపతి ఉన్నవాళ్లను శిక్షించటం కూడా చాలా కష్టమనే భావన ఉంది. బాలకృష్ణ కాల్పుల వ్యవహారం, సల్మాన్ ఖాన్ హిట్ అండ్ రన్, కృష్ణ జింకల వేట కేసులతో పాటు.. ఎందరో బడా బాబులు, ఎన్నో కేసుల నుంచి తప్పించుకున్నారన్నది బహిరంగ రహస్యం. ఈ పరిణామాలు ఘనత వహించిన న్యాయ వ్యవస్థ ముందు లక్షలకొద్ది ప్రశ్నలుంచాయి. తాజాగా కమెడియన్ విజయసాయి ఆత్మహత్యలోనూ డబ్బు, పరపతి కీలకపాత్ర పోషించే అవకాశాలు స్పష్టంగా కనిపిస్తుండటంతో.. అతని మరణం మిస్టరీగా మారిపోతుందా..? అనే సందేహాలను వ్యక్తం చేస్తున్నారు విశ్లేషకులు. మరి విచారణలో ఏం తేలుతుందో వేచి చూడాల్సిందే.
  ఇండియాలో ఉన్నవి రెండే మతాలు.. ఒకటి క్రికెట్ రెండు సినిమా.. జనాభాను బట్టి చూస్తే అతిపెద్ద మతం క్రికెట్టే.. ఆ తర్వాతి స్థానం.. సినిమాది. క్రికెట్ సీజన్ వచ్చిందంటే చాలు భక్తిప్రపత్తులతో టీవీలకు అతుక్కుపోయి మ్యాచ్‌లు చూస్తూ తరిస్తారు క్రికెట్ భక్తులు.. ఇక అభిమాన హీరో సినిమా విడుదలయ్యిందంటే చాలు కటౌట్లకు, బ్యానర్లకు అభిషేకాలు, పూజలు, పునస్కారాలు అబ్బో అభిమానులకు పెద్ద పండగే. అలాంటి క్రికెట్, సినిమా కలిసిపోతే.. అంటే ఇష్టమైన క్రికెటర్, ఫేవరేట్ హీరోయిన్ పెళ్లి చేసుకుంటే ఎలా ఉంటుంది. అభిమానులకి వచ్చిన ఈ ఆలోచనని నిజం చేసేందుకు ఆనాటి నుంచి ఈనాటి వరకు ఎందరో హీరోయిన్లు, క్రికెటర్లు తెగ కష్టపడుతున్నారు. అవును క్రికెటర్లకు హీరోయిన్లకు ఉన్న బంధం ఈ నాటిది కాదు.. చరిత్రను పరిశీలిస్తే.. బోలెడన్ని ప్రేమాయణాలు.. ఎఫైర్లు.. కొన్ని పెళ్లిళ్లు ఎన్నో ఎన్నెన్నో. తాజాగా విరాట్-అనుష్క పెళ్లితో బాలీవుడ్ తారలతో క్రికెటర్ల ప్రేమాయణాల అంశం మళ్లీ తెరపైకి వచ్చింది. గతంలో బాలీవుడ్ హీరోయిన్లను పెళ్లి చేసుకున్న క్రికెటర్లు ఎవరో ఒకసారి చూస్తే. భారత మాజీ కెప్టెన్ మన్సూర్ అలీఖాన్ పటౌడీ.. నటి షర్మిల ఠాగోర్‌ల వివాహం 1969లో జరిగింది. ఈ దంపతుల కుమారుడే బాలీవుడ్ స్టార్ హీరో సైఫ్ అలీఖాన్. అలనాటి బాలీవుడ్ నటి నీనాగుప్తా.. విండీస్ దిగ్గజం వివ్ రిచర్డ్స్ మధ్య రిలేషన్ షిప్ గురించి అప్పట్లో మీడియా కోడై కూసింది. వారి బంధానికి గుర్తుగా ఓ కూతురు కూడా ఉంది.. కానీ వారు పెళ్లి చేసుకోలేదు. నాగిన్ సినిమాతో దేశాన్ని ఒక ఊపు ఊపిన రీనా రాయ్ పాకిస్థానీ క్రికెటర్ మొహిసిన్ ఖాన్‌ను 1983లో పెళ్లాడింది. అయితే వ్యక్తిగత కారణాల వల్ల ఈ జంట విడాకులు తీసుకుంది. హైదరబాదీ.. టీమిండియా మాజీ కెప్టెన్ అజారుద్దీన్‌ బాలీవుడ్ నటి సంగీతా బిజ్లానీని ప్రేమించి పెళ్లి చేసుకున్నారు. అయితే అభిప్రాయ భేదాల కారణంగా వారిద్దరూ 2010లో విడాకులు తీసుకున్నారు. ఎన్నో ఏళ్లుగా సాగుతున్న ప్రేమకు ముగింపు పలుకుతూ.. చక్‌దే ఇండియాలో నటించిన సాగరికా ఘట్కేను.. భారత మాజీ బౌలర్ జహీర్‌ఖాన్ పెళ్లాడాడు. టీమిండియా డాషింగ్ బ్యాట్స్‌మెన్‌ యువరాజ్ సింగ్ నటి హజెల్ కీచ్‌ను గతేడాది వివాహం చేసుకున్నాడు.. ఈమె సల్మాన్‌ఖాన్ నటించిన బాడీగార్డ్ మూవీలో కీలక పాత్ర పోషించింది.  
ఉద్యోగాలు, వ్యాపారాలతో సహా అన్ని రంగాల్లోనూ మగాళ్లను పక్కకునెట్టి వాళ్ల కంటే దేనిలో తీసిపోమని మగువలు నిరూపిస్తున్నారు. అభివృద్ధిలో పురుషులకు ఏ మాత్రం తీసిపోమని చాటుతున్న మహిళలు అలవాట్లలోనూ ఓ అడుగు ముందుకేస్తున్నారు. ఆడవాళ్లు వంటగది నుంచి ఎప్పుడైతే బయటకు వచ్చారో అప్పటి నుంచి స్వేచ్ఛగా నడుచుకోగలుగుతున్నారు. అదే క్రమంలో.. అభిరుచుల విషయంలోనూ.. అనుకున్నది చేయడంలోనూ ఏమాత్రం సిగ్గు పడటం లేదు. అది తప్పా.. ఒప్పా అన్న సంగతి పక్కనబెడితే.. మంచితో పాటే అన్ని దురలవాట్లకు చేరువవుతూ మగాళ్ల కంటే వేగంగా జీవితాలను నాశనం చేసుకుంటున్నారు.   మద్యపానం, ధూమపానం, విచ్చల విడిగా శృంగారం, జూదం ఇలా చెప్పుకుంటూ పోతే ఎన్నో ఎన్నెన్నో. గతంలో ఎన్నో కట్టుబాట్లు ఆడవారిని ఇలాంటి వాటికి దూరంగా వుంచేవి. అయితే మారుతున్న కాలంతో పాటే ఈ కట్టుబాట్లు సడలుతున్నాయి. చదువు, ఉద్యోగాల పేరిట తల్లిదండ్రులకు దూరంగా ఉండటంతో.. చెడు స్నేహాలకు అలవాటుపడి ఇరుగుపొరుగు చూస్తారన్న భయం లేకుండా మద్యాన్ని రుచి చూస్తున్నారు. ఒకటి, రెండు సార్లకు అనుకొని క్రమేపీ వాటికి బానిసలవుతున్నారు ఆడపడుచులు. తాజాగా జరిగిన జాతీయ కుటుంబ సర్వేలో మనదేశంలో మద్యం తాగే మహిళల శాతం పెరిగినట్లు తేలింది. ఈ జాబితాలో దేశంలోని 9 రాష్ట్రాలు అగ్రస్థానం కోసం కొట్టుకుంటున్నాయి. దురదృష్టవశాత్తూ ఇందులో ఆంధ్రప్రదేశ్ ఉండటం.. రాష్ట్రానికి తలవంపులు తీసుకొస్తుంది.   2005-06వ సంవత్సరం నాటికి మద్యం సేవించే మహిళల శాతం 0.4గా ఉండగా.. 2015-16 నాటికి ఇది 0.7 శాతానికి పెరిగింది. అదే సమయంలో 2005-06లో మద్యం సేవించే పురుషుల శాతం 33.1 శాతం.. 2015-16 నాటికి 24.7 శాతానికి తగ్గడం విశేషం. కానీ అమ్మాయిలు మాత్రం చుక్క వేయకుండా ఉండలేకపోతున్నారట. మరోవైపు మద్యం అమ్మకాలు పెరగడం వెనుక రాష్ట్రప్రభుత్వాల ఏర్పాట్లు ఉన్నాయట. కొన్ని చోట్ల ప్రభుత్వాలే తాగండి.. తాగి ఊగండి అనేంతగా ప్రొత్సహిస్తున్నాయి. ఉదాహరణకు ఏపీని తీసుకుంటే.. రాష్ట్ర విభజన తర్వాత ఆంధ్రప్రదేశ్‌కు ఆర్థిక కష్టాల గురించి ఆ పరమాత్ముడికే ఎరుక. సిబ్బందికి జీతాలు కూడా ఇవ్వలేని స్థితిలో పాతపేరుతో కొత్త రాష్ట్రంగా ప్రస్థానాన్ని సాగించింది ఏపీ. కల్పతరువు లాంటి హైదరాబాద్‌ను కోల్పోవడంతో ప్రత్యామ్నాయ ఆదాయ మార్గాలపై ఫోకస్ పెట్టింది ప్రభుత్వం.   దానిలో మొట్టమొదటిది మద్యం అమ్మకాలు. ఎన్ని విమర్శలు వచ్చినా.. ఎంత మంది తప్పు అన్నా.. దేశంలోని అన్ని రాష్ట్రప్రభుత్వాలకు మద్యమే ప్రథమ ఆదాయ వనరు. అందుకు ఆంధ్రా కూడా మినహాయింపు కాదు. లిక్కర్ సేల్స్‌ను ప్రొత్సహించి ఆదాయాన్ని పెంచుకోవాలని భావించిన ఏపీ సర్కార్, బీరు-బారు పాలసీని ప్రవేశపెట్టింది. దానికి తోడు బీరు హెల్త్ డ్రింక్ అని స్వయంగా మంత్రివర్యులే సెలవివ్వడంతో యువత ఇక ఆగుతుందా..? తెగ తాగేసి రాష్ట్ర ఖజానా పెంచేసింది. తాజా సర్వే ప్రకారం వారిలో ఇప్పుడు అమ్మాయిలే పెద్దసంఖ్యలో ఉండటం సమాజాన్ని ముక్కున వేలేసుకునేలా చేస్తోంది. ఏది ఏమైనా ప్రతిభకు.. అందానికి.. తెలివితేటలకు.. పరాక్రమానికి ఆంధ్రప్రదేశ్ అమ్మాయిలు ప్రతీతి.. ఇలా వారు విచ్చలవిడిగా దురలవాట్లకు బానిసై తల్లిదండ్రులతో పాటు రాష్ట్రం పేరును చెడగొట్టొద్దని మనవి.
  అభిమానం ఉండాలి.. కానీ అది పక్కన వాళ్లని ఇబ్బంది పెట్టేదిగా మాత్రం ఉండకూడదు. సాధారణంగా హీరో, హీరోయిన్స్ కు అభిమానులుండటం సహజం. హీరోయిన్స్ తో పోల్చుకుంటే... హీరోలకి లక్షల్లో అభిమానులుంటారు. కేవలం అభిమానించడమే కాదు...ఆరాధిస్తారు, పూజిస్తారు కూడా. తమ ఫేవరేట్ హీరో పేరున సామాజిక సేవా కార్యక్రమాలు కూడా చేస్తుంటారు. ఇది అందరూ సంతోషించాల్సిన విషయం. కానీ ఈ అభిమానం శృతి మించి రాగాన పడితేనే అసలు సమస్య వస్తుంది. ఇప్పుడు ఈ ఉపోద్ఘాతం అంతా ఎందుకుంటారా..? పవన్ ప్యాన్స్ గురించి చెప్పాలంటే ఆ మాత్రం ఉండాలి కదా.   నిజానికి అందరి ఫ్యాన్స్ సంగతేమో కానీ.. పవన్ ప్యాన్స్ మాత్రం పవన్ ను దేవుడిగా పూజిస్తారు. ఒకప్పుడు పవన్ ప్యాన్స్ గురించి గర్వంగా చెప్పుకునేవారు. కానీ రాను రాను ఏమైందో తెలియదు కానీ.. వారి ప్రవర్తనతో అందరినీ ఇబ్బంది పెడుతున్నారు. పవన్ అభిమానుల ప్రవర్తనలతో చాలామంది సినీ సెలబ్రిటీలు ఇబ్బంది పడ్డారన్న మాట వాస్తవమే. ఇప్పుడు వారి ప్రవర్తన వల్ల పవన్ కే చిరాకు వేసినట్టుంది. అందుకే కాస్త సీరియస్ అయ్యాడు. ఏపీ టూర్ లో ఉన్న పవన్ పలు సభల్లో పాల్గొంటున్నాడు కదా. ఇక అక్కడికి ఆయన అభిమానులు కూడా వస్తున్నారు. ఇంకేముంది.. ఆయన నోటి నుండి ఏమాట వచ్చినా.. అరుపులు, ఒకటే కేకలు. చూసే వారికి కూడా చిరాకు తెప్పించేలా చేశారు. దీంతో “అభిమానం ఉండాలి గానీ, అది ఇతరులను ఇబ్బంది పెట్టేలా ఉండకూడదు” అంటూ తన ఫ్యాన్స్ ను ఉద్దేశించి పవన్ కళ్యాణ్ సూచనలు చేశారు.  “ఇక్కడికి రావడం చాలా ఇబ్బంది… బాబులకు బాబు కళ్యాణ్ బాబు అంటూ నినాదాలు చేస్తారు, ఇవన్నీ తనకు నచ్చావు…” అంటూ చెప్పుకొచ్చారు. “మీ అభిమానం ప్రజలకు ఇరిటేట్ చేసేలా ఉండకూడదు, ఆనందింపచేసేలా ఉండాలి, మీరు పుట్టిన ఈ గడ్డ మీద గౌరవం ఉంటే, నాపై, జనసేన పార్టీపై కాకుండా, భారత్ మాతాకి జై అని చెప్పండి, మీరు ప్రతిసారి సిఎం సిఎం అంటే నేను ముఖ్యమంత్రిని అయిపోతానా? అరుపులు, కేకలతో మార్పులు రావు, ఆలోచనలతో కూడిన సంస్కరణల వలనే మార్పులు వస్తాయంటూ” పవన్  హిత బోధ చేశాడు.   మరి పవన్ చెప్పిన ఈ మాటలే కదా అల్లు అర్జున్ కూడా గతంలో చెప్పింది. ఏ హీరో ఫంక్షన్స్ కి వెళ్లినా అక్కడ పవన్ అభిమానులు హంగామా చేయడం.. వారి గోలకు హీరోలు ఇరిటేట్ అవ్వడం. ఇవన్నీ చూసి ఇది బయటకు చెప్పింది మాత్రం ఒక్క అల్లు అర్జునే. ఏది ఏమైనా కానీయ్ అనుకుని, పవన్ ఫ్యాన్స్ పై సీరియస్ అయ్యాడు. ఇక బన్నీ చేసిన వ్యాఖ్యలకు రియాక్షన్ ఏ రీతిలో వచ్చిందో ప్రత్యేకంగా చెప్పనవసరం లేదు. ఆ తర్వాత బన్నీ వ్యాఖ్యలకు మరికొందరు కూడా సమర్ధించినా పవన్ కళ్యాణ్ అభిమానుల తీరులో మాత్రం పెద్దగా మార్పు లేకపోదు సరికదా.. బన్నీని ఏడాదిపాటు బద్నాం చేసేశారు. ఇప్పుడు ఏకంగా పవన్ కే చిరాకు తెప్పించి... క్లాస్ పీకించుకున్నారు. అప్పుడు బన్నీ మాట వినలేదు.. ఇప్పుడు తాము పూజించే పవనే చెప్పిన తరువాత.. మారతారో..? లేదో చూద్దాం. ఏది ఏమైనా ఈ విషయాన్ని అందరికంటే ముందు బన్నీ ధైర్యంగా చెప్పడం ఎంతైనా గ్రేటే...
  జనసేన అధినేత పవన కళ్యాణ్ ఏపీ టూర్ లో చాలా పవర్ ఫుల్ స్పీచ్ లు ఇస్తున్న సంగతి తెలిసిందే కదా. గత మూడు రోజులుగా కార్యకర్తలతో, ఇతర సమావేశాల్లో పాల్గొంటున్న పవన్ పలు అంశాలపై స్పందిస్తూ... కౌంటర్ల మీద కౌంటర్లు విసిరారు. తన మీద విమర్శలు గుప్పించిన వాళ్ల మీద... కేంద్ర ప్రభుత్వం మీద, రాష్ట్ర ప్రభుత్వం మీద, ప్రతిపక్ష నేత జగన్ మీద అయితే కాస్త ఎక్కువగానే సెటైర్లు విసిరారు. అంతేకాదు మునుపెన్నడూ లేని విధంగా చిరంజీవి గురించి, చిరంజీవి మంచితనం గురించి.. చిరంజీవిని మోసం చేశారని.. ఇంకా ప్రజారాజ్యం గురించి చాలా మాట్లాడాడు. ఇంకా వారసత్వ రాజకీయాలు గురించి.. పాదయాత్రల గురించి, కులాల గురించి, రిజర్వోషన్ల గురించి, పోలవరం గురించి కూడా పలు వ్యాఖ్యలు చేశాడు.   అయితే ఇక్కడి వరకూ  బాగానే ఉంది. పవన్ తన మనసులో బాధను ఒక్కసారిగా బయటపెట్టాడు..అయితే దీనివల్ల పవన్ తన సెల్ఫ్ గోల్ తానే చేసుకున్నాడు అంటున్నారు. ఎందుకంటే.. పవన్ పాదయాత్ర గురించి మాట్లాడాడు. దీంతో...  ప్రతిపక్షంలో ఉన్నప్పుడు ప్రజలను కలవడానికి అనేక మార్గాలను ఎంచుకుంటారు..అటువంటి వాటిలో 'పాదయాత్ర' ఒక మార్గం..దీనిలో తప్పుపట్టడానికేముంది అంటున్నారు. అంతేకాదు అదే విధంగా ముఖ్యమంత్రి కుమారుడు ముఖ్యమంత్రి కావాలని ఆశ పడడం తప్పుని సెలవిచారు...మరి సినీనటుల కుమారులు, తమ్ముళ్లు సినిమా నటులు కావచ్చా...? వారసత్వం ఉండకూడదని చెప్పిన 'పవన్‌' మరి సినీ వారసత్వం ఉండాలని భావిస్తున్నారా..? ఒకే ఇంటిలో డజన్‌కు పైగా హీరోలను పెట్టుకుని వారసత్వం గురించి వ్యాఖ్యలు చేస్తే ప్రజలు నమ్ముతారా..? అని అంటున్నారు.   ఇంకా కులం గురించి కూడా పవన్ చాలా స్ట్రాంగ్ గా మాట్లాడాడు. తనకు ఒక కులం ఆపాదించవద్దని, తాను ఏ కులానికి చెందిన వాడిని కాదని, ఇంకోసారి తనను ఒక కులానికి చెందినట్టు కథనాలు రాస్తే ఊరుకోనని గట్టిగానే చెప్పాడు. దీనికిగాను...నిన్నటి దాకా తనకు కులం లేదని డప్పుకొంటుకున్న 'పవన్‌' ఈ రోజు 'కాపు'లకు ఐదు శాతం రిజర్వేషన్లు చాలవని, వారికి 15శాతం రిజర్వేషన్లు ఇవ్వాలని డిమాండ్‌ చేసి తనకు ఉన్న కులతత్వాన్ని బహిరంగంగా చాటుకున్నాడని అంటున్నారు. సామాజికవర్గం విషయంలో స్పందించిన తీరుతో అవన్నీ నోటిమాటలేనని అంటున్నారు. అదే విధంగా 'పోలవరం' ప్రాజెక్టు నిర్మాణంలో అవినీతి జరగలేదని నిరూపించాలంటే..అఖిలపక్షాన్ని ఢిల్లీకి తీసుకెళ్లాలట. దీనిలో ఏమైనా హేతు బద్దత ఉందా..? అవినీతి జరిగితే..ఎక్కడ జరిగిందో తేల్చి చెప్పి..అది నిరూపించాలి..కానీ..ఢిల్లీకి తీసుకెళ్లు..అంటూ పనికి మాలిన సలహాలు ఇవ్వడం ఎందుకు.. అన్నిటి కంటే విచిత్రమైన డిమాండ్‌ కేంద్ర రక్షణ మంత్రి 'నిర్మలాసీతారామన్‌', ఆమె భర్త ప్రభుత్వ సలహాదారు 'పరకాల ప్రభాకర్‌'లు రాష్ట్రానికి ప్రత్యేక హోదా తేలేకపోయినందున రాజీనామా చేయాలట...? సరే...వారు విఫలమయ్యారు..అనుకుందాం..మరి..'పవన్‌' అన్న..కేంద్ర మంత్రిగా ఉన్నప్పుడే కదా..కాంగ్రెస్‌ అడ్డంగా ఆంధ్రాను చీల్చింది..మరి...అప్పుడు ఎందుకు 'చిరంజీవి' రాజీనామా చేయలేదు అని ప్రశ్నిస్తున్నారు. మొత్తానికి ఆవేశంగా మాట్లాడిన పవన్.. తన సెల్ఫె గోల్ తానే చేసుకున్నాడు అంటున్నారు.
  అధికారమే లక్ష్యంగా.. జీవితంలో ఎప్పుడు కష్టపడని జగన్ 3వేల కిలోమీటర్లు నడుస్తున్నాడు. నీరసంగా ఉన్నా..  ఆరోగ్యం బాగోలేకున్నా.. ప్రతి శుక్రవారం కోర్టు పిలుస్తున్నా అన్ని తట్టుకుంటూ మడమ తిప్పడం లేదు ప్రతిపక్షనేత. దారి పొడుగునా.. ఆడా, మగ, చిన్నా, పెద్దా అన్న తేడా లేకుండా తల నిమురుతూ, ముద్దులు పెడుతూ యాత్ర సాగిస్తూ వస్తున్న జగన్మోహన్‌రెడ్డికి.. వైఎస్సార్ కాంగ్రెస్ పార్టీ ఎన్నికల వ్యూహాకర్త ప్రశాంత్ కిశోర్ ఓ న్యూస్ చెప్పాడు. అది విన్న జగన్‌కి ఒకేసారి సంతోషం.. దు:ఖం పొంగుకొచ్చాయట. అంతగా ప్రశాంత్ ఏం చెప్పాడా అని ఆరా తీశారట కొందరు రాజకీయ విశ్లేషకులు. ఎన్నికల వ్యూహాకర్తగా బాధ్యతలు తీసుకున్న దగ్గరి నుంచి జగన్‌ను సీఎం చేసేందుకు పీకే టీమ్ ఏపీలోని 175 నియోజకవర్గాల్లో ఎప్పటికప్పుడు సర్వేలు చేస్తోంది. అలాగే కొంతమంది ఎంపీలు, ఎమ్మెల్యేల పనితీరుపైనా సర్వేలు చేసి జగన్‌కు నివేదిక అందజేస్తోంది పీకే టీం.   ఇక అందలాన్ని అందుకోవడం కోసం చివరి ప్రయత్నంగా పాదయాత్రను భుజానికెత్తుకున్నారు జగన్. గత నెల 6వ తేదీన కడపజిల్లా ఇడుపులపాయలోని తన తండ్రి వైఎస్ సమాధి వద్ద నుంచి పాదయాత్రను ప్రారంభించారు ప్రతిపక్షనేత. కడప, కర్నూలు జిల్లాల్లో యాత్రను ముగించి రెండు రోజుల క్రితం ఆయన అనంతపురం జిల్లాలో ప్రవేశించారు. జగన్ నడిచిన నియోజకవర్గాల్లో నెల రోజులకి ముందు.. నెల రోజుల తర్వాత ఆయా ప్రాంతాల ప్రజలు ఏమనుకుంటున్నారు..? వైసీపీకి ఆదరణ పెరిగిందా తగ్గిందా..? అక్కడ ఇంకా సరిదిద్దుకోవాల్సిన లోపాలెంటీ..? అన్న దానిపై ప్రశాంత్ కిశోర్ సర్వే చేశారు. ఈ సర్వే నివేదిక చూసిన జగన్‌ షాక్ అయ్యాడని లోటస్ పాండ్ టాక్. ఆయా నియోజకవర్గాల్లో ఏ నలుగురు మాటల్లోనూ అసలు పాదయాత్ర ప్రస్తావన లేదట. పాతాళంలో పడిపోయిన వైసీపీ అధినేత ఇమేజ్ అక్కడే ఉంది తప్ప అంగుళం కూడా పైకి రాలేదట. ఇక జగన్‌ని చూసేందుకు జనం అంతగా ఆసక్తి చూపడం లేదట. నిజానికి అన్ని జిల్లాల కంటే ఎక్కువగా ఉండాల్సిన ఆయన సొంత జిల్లా కడపలో ఆదరణ అంతంత మాత్రమేనట. అన్న వస్తున్నారని వైసీపీ శ్రేణులు చేసిన హంగామా తప్పితే.. ప్రజల్లో ఆయన పాదయాత్రకు ఎలాంటి సానుకూల వాతావరణం లేదని పీకే నివేదిక బట్టబయలు చేసిందట.   అంటే మీరు ఎంత తిరిగినా లాభం లేదని పీకే ఇన్‌డైరెక్ట్‌గా జగన్‌కి చెప్పాడా అని వైసీపీ కండువాలు గుసగుసలాడుకుంటున్నాయి. తమ అధినేత అంతగా కష్టపడుతుంటే పాదయాత్రకు ఇలాంటి రిజల్ట్ రావడం ఏంటని వైసీపీ శ్రేణులు కాస్త నిరాశకు లోనవుతున్నాయట. అయితే కేవలం రెండు జిల్లాల సర్వే ఫలితాలను బట్టి ఒక నిర్ణయానికి రాలేమని.. ఇంకా పది జిల్లాల్లో జగన్ పాదయాత్ర చేయాల్సి ఉన్నందున ఆ తరువాత రిజల్ట్ మారే అవకాశం ఉందంటున్నారు రాజకీయ విశ్లేషకులు.
ఎంత చేసినా కుక్క తోక వంకరే అన్న సామెత గుర్తుంది కదా. ఇప్పుడు ఈ సామెత ఓ నాయకుడికి బాగా సూట్ అవుతుంది. అది ఎవరో కాదు వైసీపీ అధినేత, ఏపీ ప్రతిపక్ష నేత జగన్మోహన్ రెడ్డికి. ఎన్నిసార్లు తెలిసొచ్చినా ఆ నోటిని మాత్రం కంట్రోల్ లో పెట్టుకోడు. నంద్యాల ఉపఎన్నికల్లో చంద్రబాబును కాల్చిపారేయాలని.. చంద్రబాబును నడిరోడ్డుమీద ఉరితీయాలి.. అబ్బో ఇలా ఒకటా రెండా నోటికొచ్చి మాట్లాడి దాని ఫలితాన్ని చూశాడు. అలాంటప్పుడు ఇప్పుడైనా కాస్త ఒళ్లు దగ్గర పెట్టుకొని మాట్లాడాలి కదా. అలాంటిది ఏం లేదు. మళ్లీ అదే తంతు. ప్రజాసంకల్పం పేరుతో జగన్ పాదయాత్ర చేస్తున్నసంగతి తెలిసిందే కదా. ఇక ఈ పాదయాత్రలో కూడా జగన్ చంద్రబాబుపై ఎప్పటిలాగే నోరు పారేసుకున్నాడు.   ప్రస్తుతం చంద్రబాబు దక్షిణ కొరియా పర్యటనలో ఉన్నసంగతి తెలిసిందే కదా. ఇక ఈ పర్యటనలో చంద్రబాబు ఏపీలో పెట్టుబడులు తీసుకురావడానికి నానా కష్టాలు పడుతున్నారు. అంతేకాదు.. పలు కంపెనీలు ఏపీలో పెట్టుబడులు పెట్టడానికి ముందుకొచ్చాయి. ఆవిషయాన్ని ప్రకటించాయి కూడా. మరి ఈ విషయాలు ఏం తెలియని జగన్ మాత్రం...చంద్రబాబు మొహం చూసి ఎవడు పెట్టుబడులు పెడతాడని ప్రశ్నించాడు. అంతే ఇప్పుడు జగన్ చేసిన వ్యాఖ్యలపై పలువురు ఆగ్రహం వ్యక్త చేస్తున్నారు. జగన్ తెలిసి మాట్లాడుతాడో.. తెలియక మాట్లాడుతాడో కూడా అర్దం కావట్లేదని అనుకుంటున్నారు. అలా అందం చూసి పెట్టుబడులు పెట్టడానికి వస్తే... అందరూ బ్యూటీ క్వీన్ లను విదేశీ మీటింగ్ లకి పంపేవారు. పెట్టుబడులు కోరే చోట మౌలిక సదుపాయాలు, అక్కడ నాయకుల సమర్ధత ఆధారంగా పెట్టుబడులు వస్తాయి. అంతేకాని అందం చూసి పెట్టుబడులు రావన్న సంగతి జగన్ కు తెలియకపోవడం మన ఖర్మ. ఇదేమీ పట్టించుకోకుండా చంద్రబాబు అందం గురించి మాట్లాడితే జగన్ కి ఒరిగేది ఏమీ ఉండదు. నష్టం తప్ప. నాయకుడుగా ఆయనకు సంస్కారం ఉన్నా, లేకున్నా వాటిని విని తీర్పు ఇచ్చే ప్రజలు సంస్కారవంతులు. ఓ ప్రతిపక్ష నేతగా ప్రభుత్వ వైఫల్యాలను జగన్ ఎండగట్టాలి అనుకోవడంలో తప్పులేదు. నిజానికి ఆ బాధ్యత మరిచిపోతేనే తప్పు. అయితే ఆ విమర్శలు ఎలా ఉండాలి అన్నదానిపై ఇప్పటికీ జగన్ కి అవగాహన రావడం లేదు. జగన్ బాబు ఇప్పటికైనా మాట్లాడటం చేతకాకపోతే ఎలా నాయనా...
ఎంతమంది ఉన్నా అమ్మలేని లోటు ఎవరూ తీర్చలేరని పెద్దలు అంటూ ఉంటారు.. ఇది కన్నతల్లి విషయంలో.. కానీ తమిళనాడు విషయానికి వచ్చే సరికి అక్కడి జనాలకి కన్నతల్లి అంటే జయలలితే. తమను కన్నబిడ్డల్లా పాలించి అమ్మ అంటే వారికి పంచ ప్రాణాలు.. అమ్మ కనుసైగలే ఆదేశాలు.. అమ్మ కోసం ఏమైనా చేస్తాం అనేవారు ఆ రాష్ట్రంలో సగానికిపైగా ఉన్నారంటే అతిశయోక్తి కాదు. అమ్మ కోసం గుడులు, అమ్మకి ఏమైనా అయితే పూజలు.. అంతేందుకు ఆవిడకే పూజలు చేశారు తమిళులు.. ఇప్పుడు ఆ అమ్మ లేదు. డిసెంబర్ 5.. తమిళనాడు ప్రజలు కన్నీరుమున్నీరుగా విలపించిన రోజు. ముఖ్యమంత్రి జయలలిత ఇక లేరని వార్త యావత్ దేశాన్ని దిగ్భ్రాంతికి గురిచేసింది. ఆమె మరణించి సరిగ్గా నేటికి ఏడాది. ఈ సంవత్సర కాలంలో అమ్మ లేని లోటు స్పష్టంగా కనిపించింది. అప్పుడు తలెత్తిన అనిశ్చిత పరిస్థితి నేటి వరకు సర్దుకోలేదు. అవేంటో ఒకసారి చూస్తే:   * జయ ఉండగా తమిళనాడు వైపు కన్నెత్తి చూడటానికి భయపడిన వారు, ఆమె మరణం తర్వాత అన్నాడీఎంకే వ్యవహారాల్లోనూ.. ప్రభుత్వంలోనూ నేరుగా వేలు పెట్టేస్తున్నారు.   * అక్రమాస్తుల కేసులో భాగంగా ఐటీ శాఖ తమిళనాడు సచివాలయంలో సోదాలు నిర్వహించింది.. వీఐపీలు సహా ఏకంగా చీఫ్ సెక్రటరీ నివాసంలోనే సోదాలు చేపట్టడం దేశవ్యాప్తంగా చర్చనీయాంశంగా మారింది. తమిళనాడు ఒక రాష్ట్రంగా అవతరించిన తర్వాత ఐటీ శాఖ సచివాలయంలో దాడులు నిర్వహించడం ఇదే ప్రథమం.   * జయలలిత అధికారాన్ని అడ్డం పెట్టుకొని తెరచాటు వ్యవహారాలు నడిపిన.. ఆమె నెచ్చెలి శశికళ అమ్మ మరణం తర్వాత అధికారాన్ని చేజిక్కించుకోవడానికి పావులు కదిపారు. తొలుత అన్నాడీఎంకే ప్రధాన కార్యదర్శిగా ఎన్నికైన చిన్నమ్మ... సీఎం పీఠాన్ని ఎక్కేందుకు అత్యంత చాకచాక్యంగా వ్యవహారించారు. ఇక తాను ముఖ్యమంత్రి కావడమే తరువాయి అనుకుంటున్న సమయంలో.. అక్రమాస్తుల కేసులో దోషిగా తేలడంతో.. శశికళ బెంగళూరులోని పరప్పన అగ్రహార జైలులో శిక్ష అనుభవిస్తున్నారు.   * చిన్నమ్మ రాజకీయాల కారణంగా అన్నాడీఎంకే రెండుగా చీలిపోయింది. అమ్మ విధేయుడు పన్నీర్ సెల్వం, శశికళ కూర్చొబెట్టిన పళనిస్వామి తమ మద్ధతుదారులతో రెండు గ్రూపులుగా విడిపోయారు. ఈ రెండు వర్గాలు మళ్లీ ఒక్కటవుతాయా అని తమిళనాట తీవ్ర ఉత్కంఠ నెలకొంది. కానీ చిన్నమ్మ జైలుకెళ్లిన కొద్దిరోజుల్లోనే ఓపీఎస్, ఈపీఎస్ వర్గాలు కలిసిపోయాయి.   * జయలలితకు కోట్లాది రూపాయల విలువైన ఆస్తులు ఉండటంతో వాటిని దక్కించుకునేందుకు.. అమ్మ వారసులమంటూ ఒక్కొక్కరు తెరపైకి వచ్చారు. తాజాగా బెంగళూరుకు చెందిన అమృత తాను జయ కుమార్తెనంటూ దేశ సర్వోన్నత న్యాయస్థానాన్ని ఆశ్రయించింది.   * అన్నాడీఎంకేలోని అంతర్గత కుమ్ములాటలను క్యాష్ చేసుకొని.. తమిళనాడులో పట్టు పెంచుకునేందుకు బీజేపీ, కాంగ్రెస్, డీఎంకేలు పావులు కదుపుతున్నాయి.
  ఆరోగ్యమే మహా భాగ్యమని పెద్దలు అంటూ ఉంటారు.. మన నిత్యజీవితంలో ఎంతోమందికి ఇది అనుభవమే అయినా మరికొంతమంది దీనిని నమ్మరు. అయితే పరిశోధకులు మాత్రం నమ్మాల్సిందే అంటున్నారు. దాని వెనుక కథ ఏంటో తెలియాలంటే ఈ వీడియో చూడండి.  
  బరువు పెరగడం ఎంత తేలికో.. తగ్గడం అంత కష్టం ఒబెసిటీ ఇప్పుడు అతిపెద్ద సమస్యగా మారింది. ఒళ్లు కరిగించుకోవడానికి వర్కవుట్లు, జిమ్‌ల చుట్టూ ప్రదక్షణలు చేస్తున్నారా..? ఈ చిన్న చిట్కాతో బరువు తగ్గండి.