Teacher and Student Jokes in Telugu

Teacher and Student Jokes in Telugu

గురునాధం గారు పద్యాలు పాడుతూ పిల్లలకు వినిపిస్తుండగా, అప్పుడు కిరణ్ అనే

స్టూడెంట్ క్లాస్ రూము దగ్గరికి వచ్చి " సార్...నేను లోపలికి రావొచ్చ సార్ "

అని అడుగుతాడు.

పద్యం పాడడం ఆపిన గురునాధం, తన సోడాబుడ్డి అద్దాలోంచి కిరణ్ ను చూసి

" ఓరేయ్ కిరణ్...ఎందుకురా ప్రతి రోజు ఇలా బడికి ఆలస్యంగా వస్తావు " అని అడిగాడు.

" ఇంటి దగ్గర తొందరగానే బయలుదేరుతాను సార్ ! దారి మధ్యలో ఒక మలుపు దగ్గర

ఒక బోర్డు కనిపిస్తుంది సార్...దాంతో ఆలస్యం అవుతుంది సార్ "

అని వినయంగా చెప్పాడు కిరణ్.

" ఏం బోర్డది ?" అని అడిగాడు గురునాధం.

" స్కూల్ ఉంది నెమ్మదిగా వెళ్ళు అని సార్ " అని చెప్పాడు కిరణ్.

" ఆ..." అని ఆశ్చర్యంగా నోరు తెరిచాడు గురునాధం.

******************************

పాఠం చెప్పటం అయిపోయిన తరువాత " మాధవి....ఇప్పుడు నిన్ను కష్టమైన ప్రశ్న

ఒకే ఒకటి అడగనా...? లేక సులభమైన ప్రశ్నలు రెండు మూడు అడగనా...." అని

మాధవివి చూస్తూ అడిగింది టీచర్ సరోజ.

లేచి నిలబడిన మాధవి, కాస్త ఆలోచించి " కష్టమైన ప్రశ్న ఒక్కటే అడగండి మేడం "

అని చెప్పింది.

" మన ఆంధ్రప్రదేశ్ కు మొదటి ముఖ్యమంత్రి ఎవరో చెప్పు ?" అని అడిగింది టీచర్ సరోజ.

" నీలం సంజీవరెడ్డి మేడం " అని చెప్పింది మాధవి.

" అంతా ఖచ్చితంగా ఎలా చెప్పగలవు " అని మళ్ళీ అడిగింది టీచర్ సరోజ.

" ఒక ప్రశ్న అయిపొయింది మేడం " అని కూర్చుంది మాధవి.

" ఆ...." అని ఆశ్చర్యంగా నోరు తెరిచింది టీచర్ సరోజ.

*************************

" ఓరేయ్ సాగర్....ఏనుగు పెద్దదా....చీమ పెద్దదా...?" అని సాగర్ అనే స్టూడెంట్ ను

అడిగాడు తెలుగు టీచర్ రామానందం.

" ఆ రెండింటివి పుట్టిన రోజులు చెప్తే, అప్పుడు ఏది పెద్దదో చెప్తాను సార్ " అని తెలివిగా

పకపక నవ్వాడు సాగర్.

" ఆ...." అని ఆశ్చర్యంగా నోరు తెరిచాడు తెలుగు టీచర్ రామానందంగారు.

******************

" రవి....తాజ్ మహల్ నిర్మించింది ఎవరో చెప్పు ?" అని అడిగింది టీచర్.

రవి గబుక్కున లేచి నిలబడి " డి. రామానాయుడు గారు సార్ " అని చెప్పాడు.

" ఆ...." అని ఆశ్చర్యంగా నోరు తెరిచింది టీచర్.

పకపక నవ్వారు మిగితా పిల్లలు.