రోజూ 8 నుండి 9 గంటల పాటు హైహీల్స్ ధరించే మహిళలకు షాకింగ్ న్యూస్.. ఇదెంత డేంజరో తెలుసా?

ఈ రోజుల్లో హీల్స్ ధరించడం ఫ్యాషన్‌గా ఉండటమే కాకుండా ఒక స్టైల్ స్టేట్‌మెంట్‌గా కూడా మారింది. పార్టీల నుండి ఆఫీసు వరకు, మహిళలు స్టైలిష్‌గా కనిపించడానికి గంటల తరబడి హీల్స్ ధరిస్తారు. ముఖ్యంగా కార్పోరేట్ ఉద్యోగాలు చేసే మహిళలు హీల్స్ ధరించడం చాలా ఎక్కువ ఉంటుంది. అయితే ఎక్కువ సేపు హీల్స్ ధరించడం వల్ల ఆరోగ్యానికి హానికరమైన ప్రభావాలు కలుగుతాయి, ఇవి నేరుగా మోకాళ్లపై ప్రభావం చూపుతాయి. ఎక్కువ సేపు హైహీల్స్ ధరించడం వల్ల శరీరానికి కలిగే హాని గురించి వైద్యులు కూడా హెచ్చరిస్తున్నారు.  అసలు ఎక్కువ  సేపు హీల్స్ ధరిస్తే జరిగేదేంటి? వైద్యులు ఏం చెబుతున్నారు? తెలుసుకుంటే..

మోకాళ్లపై ఒత్తిడి..

వైద్యుల ప్రకారం ప్రతిరోజూ ఎక్కువసేపు హీల్స్ ధరించడం వల్ల శరీర సమతుల్యత, నడక తీరు మారి, మోకాళ్లపై మరింత ఒత్తిడి పడుతుంది. మోకాళ్లపై ఈ పెరిగిన ఒత్తిడి స్నాయువులు, కండరాలపై భారాన్ని పెంచి, మోకాళ్ల నొప్పి, బిగుసుకుపోవడానికి దారితీస్తుంది.

నొప్పి, బిగువు..

ఎక్కువ సేపు హీల్స్ ధరించడం వల్ల తీవ్రమైన సమస్యలు తలెత్తవచ్చు. మొదట్లో అవి తేలికపాటి నొప్పిని,  బిగుతును కలిగించవచ్చు, కానీ క్రమంగా తీవ్రమైన సమస్యలకు దారితీయవచ్చు. నిరంతర ఒత్తిడి వల్ల కీళ్ల మృదులాస్థి అరిగిపోయి, ఆస్టియో ఆర్థరైటిస్ వచ్చే ప్రమాదం పెరుగుతుంది.

కండరాల బలహీనం..

ఎక్కువసేపు హైహీల్స్ ధరించడం వల్ల కండరాలు బలహీనపడతాయి, దీని కారణంగా శరీర బరువు ఒత్తిడి మోకాళ్లపై పడుతుంది.

ఇవి గుర్తుంచుకోవాలి..

హైహీల్స్ ధరించేటప్పుడు కొన్ని విషయాలు గుర్తుంచుకోవాలి.

2 నుండి 3 అంగుళాల కంటే ఎక్కువ ఎత్తు ఉన్న హీల్స్ ధరించడం వల్ల ఒత్తిడి పెరుగుతుంది. పలుచని హీల్స్ ధరించడం కూడా బాలెన్స్ కు  భంగం కలిగించవచ్చు. మొనదేలిన హీల్స్ పాదాల సహజ కదలికను పరిమితం చేసి, మోకాళ్లపై అదనపు ఒత్తిడిని కలిగిస్తాయి.

నిపుణుల అభిప్రాయం ప్రకారం, తక్కువ ఎత్తు ఉన్న హీల్స్ ధరించాలి.

మందపాటి మడమలు లేదా వెడ్జ్ మడమలు ధరించడం మంచిది.

రెండు నుండి నాలుగు గంటల కంటే ఎక్కువసేపు హీల్స్ ధరించడం మానుకోవాలి. హీల్స్ తీసివేసిన తర్వాత  పాదాలను సాగదీయాలి.  ఇది పాదాలకు రిలాక్సేషన్ ఇస్తుంది.

                          *రూపశ్రీ.