స్టార్ మా టీవీలో ప్రసారమవుతున్న సీరియల్ కార్తీక దీపం2(Karthika Deepam2). ఈ సీరియల్ శుక్రవారం నాటి ఎపిసోడ్-788లో..గతంలో దీపను సీఈవోగా నియమించిన శివన్నారాయణ.. మాలిని ఆస్తులను కోల్పోవడానికి దీపే కారణమని భావించి ఆమెను పదవి నుంచి తొలగిస్తాడు. దీంతో కార్తీక్, దీపలు మాలినిని కలిసి పది కోట్ల నష్టపరిహారం ఇవ్వాలని డిమాండ్ చేస్తారు. ఈ విషయం తేల్చుకోవడానికి మాలిని నేరుగా శివన్నారాయణ ఇంటికి వస్తుంది. అక్కడికి వచ్చిన మాలిని.. కార్తీక్, దీప తన దగ్గరకు ఎందుకు వచ్చారో శివన్నారాయణకు చెప్తుంది. వాళ్లు తనను పది కోట్లు అడిగారని, ఆ విషయం గురించి తను ఒక నిర్ణయం తీసుకున్నానని అంటుంది. డబ్బులు ఇవ్వడానికి బదులుగా దీపకు మరో ఆఫర్ ఇవ్వాలని మాలిని నిర్ణయించుకుంటుంది. తను ఏ నిర్ణయం తీసుకుందో చెప్పకుండా ముందుగా దీపను తన దగ్గరకు పిలిచి, ఆమెకే నిర్ణయం తీసుకునే అవకాశం ఇస్తుంది. 

 

ఆ తర్వాత మాలిని రెండు వేళ్లను చూపించి.. ఒకటి పట్టుకుంటే పది కోట్లు ఇస్తానని, మరో వేలు పట్టుకుంటే సీఈవో ఉద్యోగం ఇస్తానని చెప్తుంది. దీప సీఈవో పదవిని ఎంచుకుని మాలిని వేలు పట్టుకుంటుంది. దీంతో మాలిని వెంటనే.. కంగ్రాట్స్.. నీకు సీఈవోగా జాబ్ ఇస్తున్నానంటూ జాయినింగ్ లెటర్‌ను అందిస్తుంది. కార్తీక్‌ను కూడా జ్యోత్స్న రెస్టారెంట్స్‌కి అడ్వైజర్‌గా కొనసాగిస్తానని చెప్తుంది. ఇక్కడే మాలిని అసలు  ప్లాన్ మొదలవుతుంది. దీప తనతో చేతులు కలిపిన ఫొటోను చూపిస్తూ.. తాము మళ్లీ కలిసిపోయామని శివన్నారాయణకు చెప్పేలా నటిస్తుంది. అంతేకాదు, దీప, కార్తీక్‌లు ఇక తనతో కలిసి పనిచేస్తారని చెప్తుంది. దీంతో శివన్నారాయణకు దీప, కార్తీక్‌లు తనకు తెలియకుండా మాలినితో ఒప్పందం చేసుకున్నారనే అనుమానం వస్తుంది. అంటే దీపకు ఉద్యోగం ఇవ్వడం కంటే, ఆమె తనతో చేతులు కలిపినట్టు అందరి ముందు చూపించడమే మాలిని ప్లాన్‌. మాలిని అక్కడి నుంచి వెళ్లిపోయిన తర్వాత శివన్నారాయణ దీప, కార్తీక్‌లను నిలదీస్తాడు. మాలిని దగ్గరకు ఎందుకు వెళ్లారని, ఏం చేస్తున్నారో మీకైనా అర్థమవుతుందా అని ప్రశ్నిస్తాడు. తాము మాలినితో కలిసిపోయామని ఆమె చూపించిన పాత ఫొటోలను కూడా కార్తీక్ కుటుంబ సభ్యులు తప్పుగా అర్థం చేసుకుంటారు. దీంతో దీప, కార్తీక్‌లు తమకు తెలియకుండా ఏదో నిర్ణయం తీసుకున్నారని శివన్నారాయణ అనుకుంటాడు.

 

అయితే కార్తీక్ చివరకు అసలు విషయాన్ని బయటపెడతాడు. తాము మాలినిని కలవడం నిజమేనని, పది కోట్లు డిమాండ్ చేయడం కూడా నిజమేనని చెప్తాడు. కానీ మాలిని స్వయంగా ఇంటికి వచ్చి డబ్బులు ఇవ్వకుండా.. తమను ఉద్యోగాల్లోకి తీసుకోవడం వెనుక వేరే ఉద్దేశం ఉందని చెప్తాడు. మాలిని కావాలనే ఆ డ్రామా మొత్తం ఆడిందని, పాత ఫొటోలు చూపించి తాము మళ్లీ కలిసిపోయినట్టు అందరికీ నమ్మించాలని చూసిందని చెప్తాడు. మీరు స్వార్థపరులంటూ శివన్నారాయణ అంటాడు. దానికి కార్తీక్ ఎమోషనల్ అవుతాడు. కుటుంబం కష్టాల్లో ఉందని తెలిసిన వెంటనే దీప తన గర్భాన్ని కూడా పట్టించుకోకుండా రోడ్డుపైకి వచ్చిందని గుర్తు చేస్తాడు. మీరు గుడిలో ఉన్నప్పుడు ప్రసాదం పేరుతో భోజనం పంపించామని, ఇంటికి రావాలని బ్రతిమాలి తీసుకొచ్చామని చెప్తూ ఇంత చేసినా తమపై స్వార్థపరులనే ముద్ర వేస్తారా అని కార్తీక్ బాధపడతాడు. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.

 

 

 

[Karthika Deepam 2, Karthika Deepam 2 Episode 788, Star Maa Serial, Deepa, Karthik, Malini, Shivnarayana, Jyotsna, CEO Job, Malini Plan, Jyotsna Restaurants]