బిగ్ బాస్ 10 తెలుగులో ఐదో వారం డబుల్ ఎలిమినేషన్ తో అపూర్వ, చరణ్ ఎలిమినేట్ కాగా, ఐదుగురు వైల్డ్ కార్డ్ కంటెస్టెంట్స్ ఎంట్రీ ఇచ్చారు. శివ కుమార్, దక్షి గుత్తికొండ, నీతూ నటరాజ్, శ్వేతా నాయుడు, రామకృష్ణ హౌస్ లోకి వచ్చారు. ఈ ఐదుగురు స్టేజ్ మీదే షాలినీ, రోహిత్ లను టార్గెట్ చేసి స్ట్రాంగ్ కౌంటర్లు వేశారు.
శివ కుమార్: ఫస్ట్ వైల్డ్ కార్డ్ గా వచ్చిన సీరియల్ యాక్టర్ శివ కుమార్ మొదట షాలినీని టార్గెట్ చేశాడు. షాలినీ మేడం మీరు బిగ్ బాస్ కప్ కోసం కాకుండా రోహిత్ సర్ కోసం వచ్చినట్టు ఉందని అన్నాడు. బయట ఉండి చూస్తే అలానే అనిపిస్తుంది. లోపలకు వచ్చాక మీ అభిప్రాయం మారుతుందని షాలినీ అనడంతో బిగ్ బాస్ ఇంట్లోకి ఆడియన్స్ వచ్చి చూడరు.. వాళ్లకు కనిపించిందే చూస్తారు.. అదే నిర్ణయించుకుంటారంటూ షాలినీతో నాగార్జున అన్నాడు. ఇక చరణ్ గురించి మాట్లాడుతూ.. మీరు లక్కీ, అగ్నిపరీక్షలో ప్రియాంకకు బాగా ప్రపోజ్ చేశారు.. నేను ఫ్యాన్ అయ్యా కానీ ఫ్యాన్స్ ని నిరుత్సాహపరిచారని అన్నాడు.
దక్షి గుత్తికొండ: సెకండ్ వైల్డ్ కార్డ్ గా వచ్చిన దక్షి తన లైఫ్ గురించి చెప్తూ నాన్న లేకుండా పెరగడం కష్టమని, అమ్మ ఎలాంటి లోటు తెలియకుండా పెంచిందని ఎమోషనల్ అయింది. తన టార్గెట్ షాలినీ, నరేష్ అని చెప్పింది. రోహిత్ అంటే ఇష్టం, షాలినీ ఇష్టం లేదు, ఆమె ఆటలు ఆడటం లేదు, అపూర్వ క్యారెక్టర్ ని చంపేలా మాట్లాడిందని అంది. నరేష్ ఎంటర్టైన్ చేయడం లేదని కూడా చెప్పింది. ఆటలో నరేష్ తో పోటీ పడతానని అంది.
నీతూ నటరాజ్ మాస్టర్: థర్డ్ వైల్డ్ కార్డ్ గా డ్యాన్స్, కత్తి సాముతో ఎంట్రీ ఇచ్చిన నీతూ నటరాజ్ స్టేజ్ మీదే షాలినీకి గట్టి కౌంటర్ వేసింది. షాలినీ నీ గేమ్ ఏది, ఓవర్ ల్యాప్ చేయొద్దు, నీ గేమ్ బాగా లేదు, రోహిత్ ని అడ్డు పెట్టుకుని ఆడుతున్నావ్.. నువ్వు అసలు ఏ టాస్క్ గెలిచావ్.. ఒక్క టాస్క్ అయినా గెలిచావా అని సూటిగా ప్రశ్నించింది. దీనికి షాలినీ మీరు లోపలకు రండి.. మీ గేమ్ నేను చూస్తానని అరవడంతో స్టేజ్ మీదే గొడవ అయింది. వంశీ గారు మీరు కనిపించడం లేదు.. కిచెన్ లోనే ఉంటున్నారు.. పాయింట్ లెస్ గా అరుస్తున్నారని వంశీని కూడా టార్గెట్ చేసింది.
శ్వేతా నాయుడు: నాలుగో వైల్డ్ కార్డ్ గా వచ్చిన డ్యాన్సర్ శ్వేతా నాయుడు డ్యాన్స్, సింగింగ్, దేబ్జానీ ఇమిటేషన్ తో అదరగొట్టింది. రోహిత్ ఇష్టమే కానీ షాలినీ ఇష్టం లేదని, షాలినీ డేంజరస్, ఎక్కువ లౌడ్ గా అరుస్తుందని అంది. నేను వస్తే ఆమె సౌండ్ కూడా తగ్గిస్తానని చెప్పింది. షాలినీ అరుపుల వల్ల రోహిత్ గేమ్ కూడా సైడ్ అవుతోందని.. రోహిత్ కూడా ఒప్పుకున్నాడు. షాలినీని టార్గెట్ చేస్తానని స్టేజ్ మీదే చెప్పింది.
రామకృష్ణ: ఐదో వైల్డ్ కార్డ్ గా అగ్నిపరీక్ష ఫేమ్ రామకృష్ణ ఎంట్రీ ఇచ్చాడు. రెండు సార్లు ఫైనల్ వరకు వచ్చి మిస్ అయ్యానని చెప్పాడు. రోహిత్ అగ్నిపరీక్షలో ఉన్నట్టుగా లేడు.. అక్కడున్న ఫైర్ ఇక్కడ కనిపించడం లేదని అన్నాడు. షాలినీ బిగ్ బాస్ కప్ కోసం కాకుండా రోహిత్ కోసమే వచ్చినట్టు ఉందని స్ట్రాంగ్ కౌంటర్ వేశాడు. షాలినీ, రోహిత్ లే తన టార్గెట్ అని చెప్పాడు.
ఇలా ఐదుగురు వైల్డ్ కార్డ్స్ ఒకే మాట మీద షాలినీ, రోహిత్ లను టార్గెట్ చేయడంతో హౌస్ లో వారి పరిస్థితి కష్టంగా మారింది. మరి ఈ టార్గెట్ తో షాలినీ గేమ్ మారుతుందా లేదా అనేది చూడాలి.
