తెలుగు చలనచిత్ర పరిశ్రమలో కొన్ని సినిమాలు కాలంతో సంబంధం లేకుండా ఎప్పటికీ ప్రేక్షకుల హృదయాల్లో నిలిచిపోతాయి. అలాంటి అద్భుతమైన దృశ్యకావ్యాల్లో నటరత్న నందమూరి తారక రామారావు, కైకాల సత్యనారాయణ, రావు గోపాలరావు కాంబినేషన్‌లో వచ్చిన 'యమగోల' చిత్రం అగ్రస్థానంలో ఉంటుంది. ప్రముఖ దర్శకులు తాతినేని రామారావు గారు అద్భుతంగా తెరకెక్కించిన ఈ సోషియో ఫాంటసీ మూవీ టాలీవుడ్ చరిత్రలోనే ఒక మైలురాయిగా నిలిచింది.

తాజాగా ఈ సినిమాలోని ఒక అద్భుతమైన కామెడీ సీన్ సోషల్ మీడియాలో విపరీతంగా హల్ చల్ చేస్తోంది. కోట్ల విలువైన నగల పెట్టెను ఎలాగైనా కొట్టేయాలని విలన్ రావు గోపాలరావు పక్కా ప్లాన్ వేయడం, దాన్ని ఎదుర్కొనే క్రమంలో ఎన్టీఆర్, కైకాల సత్యనారాయణల మధ్య వచ్చే సంభాషణలు ప్రేక్షకులను పొట్ట చెక్కలయ్యేలా నవ్విస్తున్నాయి. పాతతరం సినిమాలలోని హాస్యం ఎంత సహజంగా ఉండేదో చెప్పడానికి ఈ ఒక్క సీన్ చాలు. 

ఈ వీడియోలో రావు గోపాలరావు గారు తన మార్కు విలక్షణమైన డైలాగ్ డెలివరీతో "నో ఫుడ్.. నో వాటర్.. నో స్లీప్.. పిచ్చెక్కిపోతోంది" అంటూ నగల పెట్టె కోసం పడే ఆరాటాన్ని అద్భుతంగా పండించారు. ఆయన నటన, బాడీ లాంగ్వేజ్ ఈ సీన్‌కే హైలైట్‌గా నిలిచాయి. మరోవైపు భూలోకంలో సాధారణ మనుషుల మధ్య చిక్కుకున్న యముడిగా కైకాల సత్యనారాయణ గారు గంభీరమైన గొంతుతోనే అమాయకత్వంతో కూడిన డైలాగులు చెబుతుంటే థియేటర్లలో నవ్వుల పువ్వులు పూశాయి.

చిత్రగుప్తుడిగా అల్లు రామలింగయ్య గారు చేసిన కామెడీ కూడా ఈ సీన్ లో ప్రత్యేక ఆకర్షణగా నిలిచింది. "తాళం వేసితిని గొళ్లెం మరిచితిని" అంటూ సాగే డైలాగులు వింటే ఇప్పటి తరం ప్రేక్షకులు కూడా ఫిదా అయిపోవాల్సిందే. ఎన్టీఆర్ గారు తనదైన శైలిలో ఈ సీన్‌ను నడిపించిన తీరు, సావిత్రి-సత్యవంతుల ప్రస్తావన తీసుకువచ్చి విలన్ల ప్లాన్‌ను తిప్పికొట్టేలా కైకాల సత్యనారాయణ చేత ఆర్డినెన్స్ పాస్ చేయించడం అల్టిమేట్ అనిపిస్తుంది.

ఈ క్లాసిక్ కామెడీ సీన్ చూసిన నెటిజన్లు పాతతరం నటుల అమోఘమైన నటనను మెచ్చుకుంటూ కామెంట్లు పెడుతున్నారు. అప్పటి నటుల్లో ఉన్న సృజనాత్మకత, డైలాగ్ టైమింగ్ ఈ రోజుల్లో దొరకడం చాలా అరుదని అభిప్రాయపడుతున్నారు. ఇటువంటి వింటేజ్ సీన్స్ ఎప్పటికీ ఎవర్గ్రీన్ అని, తెలుగు సినిమా స్థాయిని పెంచిన మహానుభావులు వీరందరని కొనియాడుతున్నారు. ఇలాంటి ఎంట‌ర్‌టైనింగ్ వీడియోల కోసం మా Teluguone youtube channelను Subscribe చేసుకోండి.