విక్టరీ వెంకటేష్ కెరీర్‌లో నిలిచిపోయే మైలురాయి లాంటి బ్లాక్‌బస్టర్ సినిమాల్లో 'కొండపల్లి రాజా' ఒకటి. పాలు, పెరుగు అమ్ముకునే రాజా అనే సామాన్య కుర్రాడు.. సమాజంలో తనను, తన కుటుంబాన్ని తీవ్రంగా అవమానించిన అహంకార శత్రువుల పొగరునణచడానికి ఎలా వ్యూహం రచించాడనేది ఈ చిత్రంలో అత్యంత ఆసక్తికరంగా ఉంటుంది. అన్నపై ఉన్న పగతో రగిలిపోయే శత్రువుల కుటుంబం.. ఏమీ తెలియని అమాయకపు చెల్లెలి జీవితాన్ని బలిపశువుగా మార్చే ఘట్టం ప్రేక్షకులను తీవ్రంగా భావోద్వేగానికి గురిచేస్తుంది. చెల్లెలి మెడలో పగ, ప్రతీకారం, ద్వేషం అనే మూడు ముళ్ళు వేసి, ఆమె జీవితాన్ని కన్నీళ్ల సముద్రంగా మార్చిన తీరు డ్రామాను పరాకాష్టకు తీసుకెళ్తుంది. ఇకపై నీ కేర్ ఆఫ్ అడ్రస్ కష్టాలు, కన్నీళ్లేనంటూ శత్రువు చెప్పే ఆ ఒక్క సన్నివేశం సినిమాలోని పగ వెనుక ఉన్న తీవ్రతను కళ్ళకు కట్టినట్లు చూపిస్తుంది.

అయితే రాజా కేవలం ఆవేశంతో కాకుండా ఆలోచనతో, వ్యూహంతో శత్రువును దెబ్బకొట్టాలని నిర్ణయించుకుంటాడు. వ్యాపార ప్రపంచంలోకి అడుగుపెట్టిన రాజా, శత్రువుల సీక్రెట్స్ తెలుసుకునేందుకు పక్కా మాస్టర్ ప్లాన్ వేస్తాడు. దాదాపు 10 సంవత్సరాల నుంచి శత్రువు దగ్గర నమ్మకంగా పనిచేస్తున్న గంగాధరం అనే మేనమామ స్థాయి వ్యక్తికి కేవలం 10 నిమిషాల వ్యవధిలోనే 10 లక్షల రూపాయల భారీ లంచం ఎరగా వేస్తాడు. నిమిషానికి లక్ష రూపాయల చొప్పున ఆశ చూపి, శత్రువు వేయబోయే 2 కోట్ల రూపాయల విలువైన డ్రీమ్ ప్రాజెక్ట్ టెండర్ అమౌంట్‌ను అత్యంత తెలివిగా రాబడతాడు. నిన్నటి దాకా పాలు అమ్ముకున్న రాజా, ఉన్నట్టుండి టెండర్ దక్కించుకుని తమతో పోటీపడి గెలవడంతో శత్రువులు తీవ్ర దిగ్భ్రాంతికి గురవుతారు.

ఇక్కడితో రాజా పగ చల్లారదు. క్యాలెండర్ లో ఈ రోజు డేట్ నోట్ చేసుకోండి, మళ్ళీ ఈ తేదీ వచ్చేసరికి ఈ రాజా రాజవుతాడు.. మీకంటే పెద్ద హోటల్ కట్టి, మీకంటే ఎక్కువ ఆస్తులు సంపాదించి, మీరుంటున్న ఇంట్లోకే వచ్చి నడి వీధిలో మీ చేతులకు సంకెళ్లు వేయిస్తానని సింహంలా సవాల్ విసురుతాడు. ఆ సవాల్‌ను నిజం చేస్తూ వేలం పాట రంగంలో రాజా ఆడిన మైండ్ గేమ్ టాలీవుడ్ చరిత్రలోనే మోస్ట్ ఐకానిక్ సీన్‌గా నిలిచింది. కార్పొరేషన్ వారు స్వాధీనం చేసుకున్న 5000 గజాల స్థలం మరియు బంగళా వేలం పాట ప్రారంభమవుతుంది. ప్రభుత్వం నిర్ణయించిన కనీస ప్రారంభ ధర 1 కోటి రూపాయల నుంచి వేలం పాట మొదలవుతుంది.

శత్రువు అశోక్ ఆ స్థలాన్ని ఎలాగైనా దక్కించుకోవాలనే అహంకారంతో 1.50 కోట్లు, 2 కోట్లు అంటూ పాట పెంచుకుంటూ పోతాడు. కానీ రాజా అస్సలు తగ్గకుండా 4 కోట్లు, 6 కోట్లు, 8 కోట్లు, 11 కోట్లు అంటూ శత్రువును మానసికంగా ఉసిగొల్పుతాడు. రాజాను ఎలాగైనా ఓడించాలనే కసితో అశోక్ చివరికి ఏకంగా 12 కోట్ల రూపాయలకు పాట పాడుతాడు. అప్పుడే రాజా ఊహించని మాస్టర్ స్ట్రోక్ ఇస్తాడు. కేవలం 3 కోట్ల రూపాయల విలువైన ఆస్తిని అహంకారంతో 12 కోట్లకు పాడేలా చేసి, శత్రువును ఆర్థికంగా కోలుకోలేని దెబ్బతీస్తాడు. మూడు కోట్ల ఆస్తిని పన్నెండు కోట్లకు పాడినవాడు గెలిచినట్టా, ఓడినట్టా అంటూ రాజా విసిరే ప్రశ్న శత్రువు గుండెల్లో రైళ్లు పరిగెత్తిస్తుంది. ఇక్కడ జరిగింది వేలం పాట కాదు.. కొనసాగింది ఈ రాజా వేట అంటూ వెంకటేష్ చెప్పే డైలాగ్ ఈ చిత్రానికే హైలైట్‌గా నిలుస్తుంది. ఇలాంటి ఎమోష‌న‌ల్ వీడియోల కోసం మా Teluguone youtube channelను Subscribe చేసుకోండి.