తెలుగు సినిమా చరిత్రలో పొలిటికల్ థ్రిల్లర్ జోనర్‌కు సరికొత్త బెంచ్‌మార్క్ సెట్ చేసిన చిత్రం ‘ఒకే ఒక్కడు’. శంకర్ దర్శకత్వంలో యాక్షన్ కింగ్ అర్జున్ హీరోగా వచ్చిన ఈ సినిమా అప్పట్లో సృష్టించిన సంచలనం అంతా ఇంతా కాదు. సామాన్యుడు ఒక రోజు ముఖ్యమంత్రి అయితే వ్యవస్థలో ఎలాంటి మార్పులు తీసుకురావచ్చో చూపించిన ఈ చిత్రం, నేటికీ టెలివిజన్, సోషల్ మీడియా ప్లాట్‌ఫామ్స్‌లో ట్రెండ్ అవుతూనే ఉంటుంది.

తాజాగా ఈ సినిమాలోని కొన్ని అత్యంత పవర్‌ఫుల్ అండ్ ఐకానిక్ సీన్స్ డిజిటల్ ప్లాట్‌ఫామ్స్‌లో విపరీతంగా వైరల్ అవుతున్నాయి. ముఖ్యంగా అర్జున్ సీఎం హోదాలో అవినీతి ముఖ్యమంత్రి రఘువరన్‌ను అరెస్ట్ చేసే సన్నివేశం ప్రేక్షకులను విశేషంగా ఆకట్టుకుంటోంది. చట్టం, రూల్స్ అంటూ మాట్లాడే రఘువరన్‌కు, "ఇవాల్టికి నేనే సీఎం.. మీరు సాధారణ వ్యక్తి" అంటూ అర్జున్ ఇచ్చే కౌంటర్ సీన్ థియేటర్లలో ఏ స్థాయి రెస్పాన్స్ తెచ్చిందో, ఇప్పుడు నెట్టింట అదే రేంజ్ క్రేజ్ సొంతం చేసుకుంటోంది.

ఈ క్లిప్‌లో ఒక రోజు ముఖ్యమంత్రిగా తన పదవీ కాలాన్ని ముగించుకుని తిరిగి సాధారణ మనిషిగా మారిన పురుషోత్తం (అర్జున్)కు సామాన్య ప్రజలు బ్రహ్మరథం పట్టడం చూడవచ్చు. మధ్యవర్తుల ప్రమేయం లేకుండా నేరుగా ప్రభుత్వం నుంచే మద్దతు ధర అందడంతో రైతులంతా కలిసి తమ తొలి పంట ధాన్యాన్ని పురుషోత్తానికి కానుకగా ఇచ్చే భావోద్వేగ సన్నివేశం ప్రతి ఒక్కరి హృదయాలను కదిలిస్తోంది.

అలాగే ఈ సినిమాలో ప్రతినాయకుడిగా నటించిన విలక్షణ నటుడు రఘువరన్ పలికించిన హావభావాలు, లాయర్లతో బెయిల్ కోసం వ్యూహాలు రచించే సీన్స్ ఆయన నటన ప్రతిభకు అద్దం పడుతున్నాయి. జైలుకు వెళ్లినా తన ముప్పై ఏళ్ల రాజకీయ చరిత్రను ఒక కుర్రాడు దెబ్బతీశాడనే కసితో రఘువరన్ చెప్పే డైలాగ్స్ సినిమా స్థాయిని పెంచాయి. 

మరోవైపు కథానాయిక మనీషా కోయిరాల, అర్జున్ మధ్య వచ్చే రొమాంటిక్ అండ్ ఎమోషనల్ సీన్స్ కూడా ఈ వీడియోలో హైలైట్‌గా నిలిచాయి. ఏఆర్ రెహమాన్ అందించిన అద్భుతమైన బ్యాక్‌గ్రౌండ్ స్కోర్ ఈ పొలిటికల్ యాక్షన్ డ్రామాను మరో స్థాయికి తీసుకెళ్లింది.

ఈ పాత జ్ఞాపకాలను రీవైండ్ చేసిన వీడియోపై నెటిజన్లు రకరకాలుగా స్పందిస్తున్నారు. "అప్పట్లో శంకర్ విజన్, అర్జున్ నటన అమోఘం" అని కొందరు అంటుంటే, "ఇలాంటి సినిమాలు ఎప్పటికీ ఆల్‌టైమ్ క్లాసిక్స్‌గా నిలిచిపోతాయి" అని మరికొందరు కామెంట్స్ చేస్తున్నారు. రాజకీయాల్లో మార్పును కోరుకునే ప్రతి ఒక్కరూ చూడాల్సిన క్లాసిక్ సీన్స్ ఇవి. ఇలాంటి ప‌వ‌ర్ ఫుల్ వీడియోల కోసం మా Teluguone youtube channelను Subscribe చేసుకోండి.