మోహన్లాల్ది 50 నిమిషాల క్యారెక్టర్.. చిరంజీవిది 2 గంటల క్యారెక్టర్!
on Oct 4, 2022
మెగాస్టార్ చిరంజీవి టైటిల్ రోల్ పోషించిన చిత్రం 'గాడ్ఫాదర్'. బాలీవుడ్ సూపర్స్టార్ సల్మాన్ ఖాన్ కీలకమైన ఓ గెస్ట్ రోల్ చేసిన ఈ మూవీలో భార్యాభర్తలుగా నయనతార, సత్యదేవ్ కనిపించనున్నారు. మలయాళం బ్లాక్బస్టర్ ఫిల్మ్ 'లూసిఫర్'కు రీమేక్ అయిన ఈ మూవీకి మోహన్ రాజా దర్శకత్వం వహించారు. దసరా సందర్భంగా అక్టోబర్ 5న ఈ సినిమా ప్రపంచవ్యాప్తంగా భారీ స్థాయిలో విడుదలవుతోంది. ఈ సందర్భంగా మీడియాతో మోహన్ రాజా సంభాషించారు. ఆ విశేషాలు ఆయన మాటల్లోనే...
'హనుమాన్ జంక్షన్' విడుదలైన 20 సంవత్సరాల తర్వాత తెలుగు సినిమానీ, అందునా మెగాస్టార్ చిరంజీవితో చేసినందుకు చాలా ఆనందంగా వుంది. నేను పుట్టింది తమిళనాడులో అయినా, దర్శకుడిగా పుట్టింది మాత్రం తెలుగు చిత్ర పారిశ్రమలోనే. నాన్నగారు (ప్రముఖ నిర్మాత ఎడిటర్ మోహన్) వేసిన బాటలో ప్రయణిస్తున్నాం. అయితే తెలుగు పరిశ్రమకి దూరంగా వున్నాననే భావన నాకెప్పుడూ లేదు. ఎందుకంటే వరుసగా ఆరు తెలుగు సినిమాలని తమిళంలో రీమేక్ చేశా. అలాగే నా 'తని ఒరువన్' ఇక్కడ 'ధ్రువ'గా రీమేక్ కూడా ఆనందంగా వుంది.
గాడ్ఫాదర్ అవకాశం ఎలా వచ్చిందంటే..
నిర్మాత ఎన్వి ప్రసాద్ గారు నాకు చిన్నప్పటి నుండి తెలుసు. నేనంటే చాలా ఇష్టం ఆయనికి. నన్ను మళ్ళీ తెలుగులోకి రమ్మని పిలిచేవారు. ఒకసారి మహేశ్ బాబు దగ్గరికి కూడా తీసుకెళ్ళారు. 'తని వరువన్' సినిమా నుండి నాకు చరణ్ కి పరిచయం ఏర్పడింది. 'ధ్రువ -2' గురించి చర్చలు జరుపుతున్న సమయంలో 'లూసిఫర్' ప్రస్తావన వచ్చింది. ఈ సినిమాకి దర్శకుడిగా ఎన్వీ ప్రసాద్ గారే నాపేరుని సూచించారు. ఆ సూచన చరణ్కీ, చిరంజీవి గారికీ నచ్చింది. ఫోన్ చేసి పిలిపించారు. వారిని కలిసే ముందే 'లూసిఫర్'ని చూశాను. అందులో నాకు ఒక కొత్త కోణం దొరికింది. అదే చిరంజీవి గారితో పంచుకున్నాను. ఆ కోణం చిరంజీవిగారికి చాలా నచ్చింది.
లూసిఫర్లో లేనిది గాడ్ఫాదర్లో ఉంటుంది..
లూసిఫర్లో లేని ఒక కోణం గాడ్ఫాదర్ లో వుంటుంది. కథని అలానే వుంచి ఫ్రెష్ స్క్రీన్ ప్లే చేశాను. గాడ్ ఫాదర్ స్క్రీన్ ప్లే చాలా సర్ ప్రైజింగ్గా వుంటుంది. ఇందులో హీరోతో పాటు మరో పది పాత్రలు కూడా గెలుస్తాయి. మలయాళంలో చూడని పది పాత్రలు ఇందులో వేరే రూపంలో వుంటాయి. ఈ పాత్రలు చాలా సర్ ప్రైజింగ్గా వుంటాయి. ఓపిక వుంటే లూసిఫర్ మరోసారి చూసిరండి (నవ్వుతూ)
పృథ్వీరాజ్ కంటే ఎక్కువగా 'లూసిఫర్'ను ప్రేమించాను!
మలయాళంలో ఈ సినిమాని విడుదల చేస్తుండటానికి కారణం స్క్రీన్ప్లేలో చేసిన మార్పులే. రెండు కథలు దాదాపు ఒకేలా వుంటాయి. కొత్త స్క్రీన్ ప్లే ప్యాట్రన్ పట్టుకోవాలి. 'గాడ్ఫాదర్'ను ఫ్రెష్ స్క్రీన్ ప్లే ప్యాట్రన్ తో చేశాం. చాలా కీలకమైన మార్పు చేశాం. అది తెలుగు ప్రేక్షకులు కోరుకున్న వినోదం అందిస్తుంది. 'లూసిఫర్' సినిమాకి నేను పెద్ద అభిమానిని. ఆ సినిమా దర్శకుడు పృథ్వీరాజ్ సుకుమారన్ కంటే ఎక్కువగా దాన్ని ప్రేమించాను. ఏడాదిన్నర పాటు 'లూసిఫర్'తో కాపురం చేశాను (నవ్వుతూ). ప్రేమ లేకుండా కాపురం చేయలేం కదా (నవ్వుతూ). అలా ప్రేమించిన నాకే అందులో ప్లస్ మైనస్ తెలుస్తాయి. అలా గొప్పగా ప్రేమించి ఇంకా గొప్పగా తీసిన సినిమా 'గాడ్ఫాదర్'.
విలన్గా సత్యదేవ్ ఎందుకంటే..
ఇందులో ట్రిక్కి విలన్ రోల్ వుంది. చక్కగా పర్ఫామ్ చేసే విలన్ కావాలి. దాని కోసం సత్యదేవ్ ని తీసుకున్నాం. సినిమా చూసిన తర్వాత సత్యదేవ్ పాత్రే అందరికీ గుర్తుంటుంది అని చిరంజీవి గారన్నారు. ఎప్పుడైనా హీరోకి విలన్ కష్టమైన సమస్యలు ఇస్తేనే స్క్రీన్ ప్లే మజా వుంటుంది. ఇందులో సత్యదేవ్ దిమ్మతిరిగే ప్రాబ్లమ్స్ ఇస్తారు (నవ్వుతూ).
'గాడ్ఫాదర్' ఫాస్ట్ పేస్ట్ మూవీ!
'గాడ్ఫాదర్' కోసం స్క్రీన్ ప్లే చాలా ఫ్రెష్ గా చేశామని ఇంతకిముందే చెప్పాను. 2 గంటల 50 నిమిషాల 'లూసిఫర్'లో మోహన్ లాల్ గారు 50 నిమిషాలు మాత్రమే కనిపిస్తారు. 'గాడ్ఫాదర్'లో చిరంజీవి గారు 2 గంటల పాటు కనిపిస్తారు. ఆయన కనిపించని సీన్స్ లో కూడా ఆయన ప్రెజన్స్ వుంటుంది. దీని ప్రకారం ఎలాంటి మార్పులు చేశామో మీరు అర్థం చేసుకోవచ్చు. అలాగే 'గాడ్ఫాదర్'కి నేను రాసుకున్న స్క్రీన్ ప్లే లో స్లో పేస్డ్ కుదరదు. 'గాడ్ఫాదర్' కంప్లీట్ ఫాస్ట్ పేస్డ్ గా వుంటుంది. 'గాడ్ ఫాదర్' అనేది చిరంజీవి గారి ఇమేజ్కి తగ్గ కథ. ఈ కథకి సరిపడే ఇమేజ్ వున్న హీరోలు ఇండియాలో ఓ ముగ్గురు మాత్రమే వుంటారు.
చిరంజీవిపై ప్రేమతో సల్మాన్ చేశారు!
చిరంజీవి, సల్మాన్ ఖాన్ లాంటి ఇద్దరు మెగాస్టార్లని డైరెక్ట్ చేయడం అంత సులువైన విషయం కాదు. చాలా ఒత్తిడి వుంటుంది. అయితే మెగాస్టార్ చిరంజీవి గారు ఆ ఒత్తిడిని తీసేశారు. చిరంజీవి గారు ఇచ్చిన ప్రోత్సాహం మర్చిపోలేను. సల్మాన్ ఖాన్ గారు కూడా చాలా కూల్గా వుంటారు. చిరంజీవి గారిపై వున్న ప్రేమతో ఈ సినిమాని చేశారు సల్మాన్. 'లూసిఫర్'లో ఆ క్యారెక్టర్ను పృథ్వీరాజ్ సుకుమారన్ చేశారు. ఆయన అక్కడ పెద్ద స్టార్. 'గాడ్ఫాదర్'కి కూడా ఒక పెద్ద స్టార్ అవసరం పడింది. అయితే ఇది గ్లామర్ కోసం కాదు. ఇందులో హీరో పాత్ర సర్వాంతర్యామి. ఎవరు ఏం గేమ్ ఆడినా, ఆయన ఆడే నాటకంలో పాత్రధారులే అంతా. అలాంటి పాత్రను చెప్పడానికి ఒక పెద్ద స్టార్ కావాలి. ఆయన ఇంట్లో చాలా మంచి పెద్ద స్టార్లు వున్నారు. ఆ పాత్ర గురించి వాళ్ళు చెప్పడం కంటే బయటవారు అయితే మరింత ఇంపాక్ట్ ఫుల్ గా ఉంటుందని భావించాను. చరణ్ బాబు, సల్మాన్ స్నేహితులని తెలిసింది. చరణ్ బాబుకి చెప్పాను, ఆయనే అంతా చూసుకున్నారు. సల్మాన్ ఖాన్ స్క్రీన్ ప్రెజన్స్ అదిరిపోతుంది. తన సీన్స్ను సల్మాన్ ఖాన్ చూశారు. చాలా హ్యాపీగా ఫీలయ్యారు.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
