మెగాస్టార్ చిరంజీవి (Megastar Chiranjeevi) మొదటిసారి తెరపై కనిపించిన చిత్రం 'ప్రాణం ఖరీదు'. అయితే చిరంజీవి మొదటిసారి కెమెరా ముందు నిలిచి నటించిన చిత్రం మాత్రం 'పునాదిరాళ్లు'(Punadhirallu). చిరంజీవి ముఖానికి రంగు వేసుకొని, తొలిసారి నటించి 48 ఏళ్ళు అవుతుంది. ఈ సందర్భంగా చిరంజీవి.. ఆ రోజులను గుర్తు చేసుకుంటూ సోషల్ మీడియాలో ఒక పోస్ట్ పెట్టారు.
"ఈరోజు పునాదిరాళ్లు సినిమా కోసం జీవితంలో కెమెరా ముందు నిలిచిన తొలి రోజు.
ఆ రోజు నాలో కలిగిన ఆత్రుత, ఆనందం, బాధ్యత, భావోద్వేగం మాటల్లో వర్ణించలేనిది. ఆ క్షణం ఇప్పటికీ నిన్న, మొన్న జరిగిందేమో అన్నట్టు అనిపిస్తుంది.
ఒక అందమైన చందమామ కథ లాంటి అనుభూతి.
ఈ ప్రత్యేక సందర్భంలో, నాకు ఆ తొలి అవకాశం ఇచ్చిన ఆ చిత్ర దర్శక, నిర్మాతలకు హృదయపూర్వకంగా కృతజ్ఞతలు తెలియజేసుకుంటున్నాను. వారి నమ్మకం, ప్రోత్సాహంతో వచ్చిన అవకాశంతో నటనలో నా ప్రయాణానికి పునాది రాళ్లు పడ్డాయి.
ఆ రోజు నుంచి ఈ రోజు వరకూ నన్ను ఆదరిస్తూ, ఆశీర్వదిస్తున్న ప్రేక్షకులందరికీ నా కృతజ్ఞతలు." అంటూ చిరంజీవి ట్వీట్ చేశారు.
ఈ సందర్భంగా పునాదిరాళ్లు సమయంలో దిగిన కొన్ని ఫోటోలను కూడా చిరంజీవి పంచుకున్నారు. అందులో యంగ్ చిరంజీవి లుక్ ఆకట్టుకుంటోంది. ప్రస్తుతం ఈ ఫోటోలు సోషల్ మీడియాలో వైరల్ అవుతున్నాయి.
?s=20
