- బిగ్ బాస్ అషురెడ్డికి బిగ్ షాక్!
- పెళ్లి పేరుతో 10 కోట్ల మోసం కేసులో హైకోర్టు కీలక ఆదేశాలు!
- చిక్కుల్లో అషురెడ్డి ఫ్యామిలీ!
- వెలుగులోకి రానున్న సంచలన నిజాలు?
బిగ్ బాస్ ఫేమ్ అషురెడ్డి(Ashu Reddy)కి షాకుల మీద షాకులు తగులుతున్నాయి. గ్లామర్ ఫోటోషూట్లతో నిత్యం వార్తల్లో నిలిచే అషురెడ్డి.. ఇటీవల ఒక ఎన్నారై(NRI)ని పెళ్లి పేరుతో మోసం చేసిందన్న ఆరోపణలతో చట్టపరమైన చిక్కుల్లో పడిన సంగతి తెలిసిందే. ఇప్పుడు ఈ కేసు విషయంలో ఆమెకు బిగ్ షాక్ తగిలింది.
హైదరాబాద్లోని షేక్పేటకు చెందిన ధర్మేంద్ర అలియాస్ వెంకట్ అనే ఎన్నారై ఇచ్చిన ఫిర్యాదుతో అషురెడ్డిపై క్రిమినల్ కేసు నమోదైంది. పెళ్లి చేసుకుంటానని నమ్మించి, తన వద్ద నుంచి కోట్ల రూపాయలు తీసుకుని ఇప్పుడు ముఖం చాటేసిందని ధర్మేంద్ర ఆరోపిస్తున్నాడు.
ఆయన ఫిర్యాదు ప్రకారం.. సుమారు 10 కోట్ల రూపాయలను ఆన్లైన్ ద్వారా అషురెడ్డికి ట్రాన్స్ఫర్ చేసినట్లు ఆధారాలు ఉన్నాయి. అషురెడ్డి కుటుంబ సభ్యులు కూడా ధర్మేంద్రను కలిసి, పెళ్లి సంబంధాన్ని ఖరారు చేస్తున్నట్లు నమ్మించి నాటకమాడారని ఆరోపణలు వచ్చాయి.
ఈ కేసులో పోలీసులు విచారణను వేగవంతం చేయడంతో.. అషురెడ్డి తెలంగాణ హైకోర్టును ఆశ్రయించింది. తనపై నమోదైన క్రిమినల్ కేసును కొట్టివేయాలని కోరుతూ ఆమె పిటిషన్ దాఖలు చేసింది. అయితే, ఈ పిటిషన్ను విచారించిన హైకోర్టు, ఆమెకు షాక్ ఇచ్చింది. అషురెడ్డి అభ్యర్థనను తోసిపుచ్చడమే కాకుండా.. ఈ కేసులో కఠిన చర్యలు తీసుకోకుండా మినహాయింపు ఇవ్వాలన్న కోరికను కూడా న్యాయస్థానం తిరస్కరించింది.
అంతేకాకుండా, ఈ కేసులో అషురెడ్డి తల్లి పాత్రపై కూడా దర్యాప్తు జరుగుతోంది. ఆమె తల్లిపై విచారణను నిలిపివేయాలని కోరినప్పటికీ, కోర్టు అందుకు కూడా నిరాకరించింది. దీంతో తల్లికూతుళ్లిద్దరికీ ఈ కేసులో ఇబ్బందులు తప్పేలా లేవు.
ఒకవైపు నటిగా క్రేజ్ సంపాదించుకుంటున్న సమయంలో, ఇలాంటి చీటింగ్ కేసులు అషురెడ్డి కెరీర్పై ప్రభావం చూపే అవకాశం ఉంది. హైకోర్టులో పిటిషన్ కొట్టివేయడంతో ఇప్పుడు పోలీసు విచారణ ఎలా సాగుతుందనేది ఆసక్తికరంగా మారింది.
పోలీసులు ఇప్పటికే అషురెడ్డికి 41A సీఆర్పీసీ కింద నోటీసులు జారీ చేశారు. మే 11న విచారణకు హాజరుకావాలని ఆదేశించారు. ఈ విచారణలో మరిన్ని నిజాలు వెలుగులోకి వచ్చే అవకాశం ఉంది.
