అనసూయ భరద్వాజ్కి ప్రేక్షకుల్లో, నెటిజన్లలో ఎంత క్రేజ్ వుందో అందరికీ తెలిసిందే. సినిమాల్లో, టీవీలో, సోషల్ మీడియాలో సందడి చేసే అనసూయ ఒక్కసారిగా లైవ్గా కనిపిస్తే.. అప్పుడు అభిమానుల హడావిడి మామూలుగా ఉండదుగా. నంద్యాల పట్టణంలో నంద్యాల పట్టణంలో నూతనంగా ఏర్పాటు చేసిన ఓ షాపింగ్ మాల్ను ప్రారంభించేందుకు అనసూయ హాజరైంది. షాపింగ్ మాల్ వారు ముందుగానే ఈ విషయాన్ని ప్రచారం చేయడంతో అక్కడికి వేల సంఖ్యలో జనం తరలి వచ్చారు. అనసూయ రాకకోసం ఎదురుచూశారు.
తన సొంత ఆడి కారులో నంద్యాల వెళ్ళిన అనసూయ షాపింగ్ మాల్ దగ్గరకు రాగానే ఓపెన్ టాప్ సన్ రూఫ్లో నిలబడి అభిమానులకు అభివాదం చేశారు. అయితే ఆ సమయంలో జనం కారును చుట్టుముట్టారు. అనసూయతో హ్యాండ్ షేక్ చేసేందుకు ట్రై చేశారు. కొందరు ఫ్లవర్ బొకేలు అందించి స్వాగతం పలికారు. బోకేలు స్వీకరించింది కానీ, హ్యాండ్ షేక్ చేసేందుకు ఇష్టపడలేదు. ఇక షాపింగ్ మాల్లోకి వెళ్ళడానికి అనసూయ చాలా కష్టపడాల్సి వచ్చింది. అనసూయ కంటే ఆమెకు సెక్యూరిటీగా ఉన్నవారు ఈ విషయంలో చాలా ఇబ్బంది పడ్డారు.
షాపింగ్ మాల్ వద్ద ఏర్పాటు చేసిన వేదిక పైనుంచి అభిమానులకు అభివాదం చేశారు. షాపింగ్ మాల్ను ప్రారంభించిన తర్వాత ఆమె మాట్లాడుతూ.. ‘మొదటిసారి నంద్యాల వచ్చాను. ఇక్కడ నాకు లభించిన స్వాగతం చూసి షాక్ అయ్యాను. మీ అందరి అభిమానాన్ని చూసి ఎంతో సంతోషించాను. షాపింగ్ మాల్లో చాలా రకాల చీరలు ఉన్నాయి. నేను కట్టిన చీర కూడా షాపింగ్ మాల్ వారే అందించారు. నాకు చీరలంటే చాలా ఇష్టం. నన్ను చీరలో చూడాలని మీరందరూ కోరుకుంటారు. శారీలో ఉన్న నాకు మీరంతా బిగ్ ఫ్యాన్స్ అని నాకు తెలుసు’ అని నవ్వుతూ చెప్పింది అనసూయ.
