గతంలో కమల్ హాసన్, రజనీకాంత్ కలసి తెలుగులో " అంతులేని కథ, అందమైన అనుభవం, వయసు పిలిచింది" వంటి అనేక చిత్రాల్లోనూ తమిళ్ లో"పదునారు వయదునిళే" వంటి సూపర్ హిట్ మూవీలోనూ నటించారు. ఆ తర్వాత రజనీకాంత్ సుపర్ స్టార్ గానూ, కమల్ హాసన్ లోకనాయకుడిగా మారిన తర్వాత మాత్రం రజనీకాంత్, కమల్ హాసన్ కలసి నటించలేదు. కమల్ హాసన్, రజనీ కాంత్ కలిపి ఒక చిత్రం తీయాలనుకున్న దర్శకుడు కె.యస్.రవికుమార్ ప్రయత్నించినా, అతనికి సాధ్యం కాక ఆ సినిమా కార్యరూపం దాల్చలేదు.

అయితే ప్రస్తుతం కమల్ హాసన్, రజనీకాంత్ లకు గురువైన దర్శకస్రష్ట కె.బాలచందర్ సలహా మేరకు వాళ్ళిద్దరు కలసి ఒక షార్ట్ ఫిలింలో నటించబోతున్నారు. ఈ షార్ట్ ఫిలిం నిర్మిస్తూంది ఒక మంచి పని కోసం కనుక కమల్ హాసన్, రజనీకాంత్ లు ఆ షార్ట్ ఫిలింలో నటించాల్సిందిగా బాలచందర్ ఆదేశించారు. తమకు గురువైన ఆయన మాటలను కాదనలేక కమల్ హాసన్, రజనీకాంత్ ఇద్దరూ ఆ షార్ట్ ఫిలింలో కలసి నటించటానికి నిర్ణయించుకున్నారు.