రజనీ కాంత్ "రాణా" లో నాలుగు పాటలకు ట్యూన్ చేయటం పూర్తయిందట. వివరాల్లోకి వెళితే సౌతిండియన్ సూపర్ స్టార్ రజనీ కాంత్ హీరోగా, దీపిక పదుకునే, ఇలియానా హీరోయిన్లుగా, కె.యస్.రవికుమార్ దర్శకత్వంలో భారీ బడ్జెట్ తో నిర్మించనున్న విభిన్నకథా చిత్రం "రాణా". ఈ చిత్రానికి ఆస్కార్ అవార్డు గ్రహీత, ప్రముఖ సంగీత దర్శకులు ఎ.ఆర్.రెహమాన్ సంగీతాన్ని అందిస్తున్నారు. రజనీ కాంత్ "రాణా" చిత్రానికి ఇప్పటికి నాలుగు పాటలకు ట్యూనింగ్ చేయటం పూర్తయిందట.

ఆ ట్యూన్లను హీరో రజనీ కాంత్ విని ఒ.కె. చేయ్యాలట. కాకపోతే మరో రెండు వారాల విశ్రాంతి అనంతరం రజనీ కాంత్ ఈ నాలుగు పాటల ట్యూన్లనూ సంగీత దర్శకులు రెహమాన్ తో కూర్చుని వింటారట. ఈ రజనీ కాంత్ "రాణా" సినిమా మొదలుపెట్టిన రోజు నుండే చాలా ఆటమకాలను ఎదుర్కొంటోంది. రజనీ కాంత్ అనారోగ్యం పాలయ్యారు. రజనీ కాంత్ సింగపూర్ లో ట్రీట్ మెంట్ తీసుకుని ఇటీవలే చెన్నైకి తిరిగి వచ్చారు.