వై.వి.యస్.చౌదరి ప్రొడక్షన్స్, బొమ్మరిల్లువారి పతాకాలపై, మాస్ మహరాజా రవితేజ హీరోగా, దీక్షా సేథ్ హీరోయిన్ గా, డైనమిక్ డైరెక్టర్ గుణశేఖర్ దర్శకత్వంలో, ప్రముఖ నిర్మాత, దర్శకుడు అయిన వై.వి.యస్.చౌదరి నిర్మిస్తున్న విభిన్న కథా చిత్రం "నిప్పు. ఈ "నిప్పు" చిత్రం 2011 "మే" 28 వ తేదీన కీర్తి శేషులు యన్.టి.ఆర్. జయంతి రోజున లాంఛనంగా ప్రారంభమైంది. ఆగస్టు 1 వ తేదీ నుండి ఆగకుండా డిసెంబర్ 20 వ తేదీ వరకూ అంటే పూర్తయ్యేవరకూ ఈ "నిప్పు" చిత్రం షూటింగ్ జరిగింది.

ఈ "నిప్పు" చిత్రం నిజానికి సంక్రాంతి పండుగకే విడుదల కావలసింది. కానీ ఈ "నిప్పు"చిత్రానికి అవసరమైన పోస్ట్ ప్రొడక్షన్ వర్క్ ఇంకా పూర్తికాకపోవటంతో ఈ చిత్రం విడుదల అనివార్యంగా ఆలస్యమవుతోంది. ఈ "నిప్పు"చిత్రం ఫిబ్రవరి 2 వ తేదీన ప్రేక్షకుల ముందుకు రానుందని ఈ చిత్ర నిర్మాత వై.వి.యస్.చౌదరి జనవరి ఒకటవ తేదీన,ప్రసాద్ ల్యాబ్ లో మీడియాకు తెలియజేశారు.

ఈ సందర్భంగా ప్రముఖ పాత్రికేయులు, "సూపర్ హిట్" పత్రికాధిపతి, నిర్మాత అయిన బి.ఎ.రాజు చేతుల మీదుగా ఈ "నిప్పు" చిత్రం డిజిటల్ పోస్టర్ ని విడుదల చేయించటం జరిగింది. తమన్ సంగీతం అందించిన ఈ "నిప్పు" చిత్రం ఆడియోని జనవరి 7 వ తేదీన మార్కెట్లోకి విడుదల చేయనున్నారు.