కోట శ్రీనివాసరావు ఆస్తుల వివరాలు.. సినిమాల్లో ఇంత సంపాదించారా..?
on Jul 15, 2025
నాలుగున్నర దశాబ్దాల సినీ ప్రయాణంలో 750కి పైగా చిత్రాల్లో నటించి విలక్షణ నటుడిగా ప్రేక్షకుల హృదయాల్లో చెరగని స్థానాన్ని సంపాదించుకున్నారు కోట శ్రీనివాసరావు. నటుడిగా ఎంతో పేరు ప్రతిష్టలు పొందిన కోట.. 83 ఏళ్ళ వయసులో జూలై 13న కన్నుమూశారు. ఈ క్రమంలో సామాన్యుల నుంచి సినీ ప్రముఖుల వరకు కోట జర్నీని గుర్తు చేసుకుంటున్నారు. నటుడిగా కోట పోషించిన విభిన్న పాత్రల గురించి, అలాగే తెలుగు వారికి అవకాశాలు ఇవ్వాలంటూ కోట బలంగా తన గళాన్ని వినిపించడం గురించి అందరూ మాట్లాడుకుంటున్నారు. అదే సమయంలో సోషల్ మీడియాలో కోట ఆస్తుల గురించి కూడా చర్చ జరుగుతోంది.
1978 లో వచ్చిన 'ప్రాణం ఖరీదు' సినిమాతో నటుడిగా సినీ ప్రయాణాన్ని మొదలుపెట్టారు కోట శ్రీనివాసరావు. అందులో చిన్న పాత్రే చేసిన కోట.. 1985 నుంచి బిజీ ఆర్టిస్ట్ గా మారిపోయారు. అప్పటినుంచి నాలుగు దశాబ్దాల పాటు ప్రతి ఏడాది పదుల సంఖ్యలో సినిమాలు చేసుకుంటూ వచ్చారు. అయితే వయసు రీత్యా కొన్నేళ్లుగా ఆయన సినిమాలు తగ్గించారు. కోట నటించిన చివరి చిత్రం జూలై 24 విడుదల కానున్న 'హరి హర వీరమల్లు'.
కమెడియన్, విలన్, క్యారెక్టర్ ఆర్టిస్ట్ అనే తేడా లేకుండా ఏ పాత్రకైనా న్యాయం చేయగల కోట డేట్స్ కోసం అప్పట్లో నిర్మాతలు పోటీ పడేవారు. కోట కూడా వీలైనన్ని ఎక్కువ సినిమాలు చేస్తూ.. నటుడిగా ఎప్పుడూ బిజీగా ఉండేవారు. దాంతో కోట బాగానే సంపాదించారని అంటారు. కోట శ్రీనివాసరావుకి హైదరాబాద్ లోని ఫిల్మ్ నగర్ లో పెద్ద ఇల్లు ఉంది. దాని విలువ కోట్లలో ఉంటుందని చెబుతారు. అలాగే రియల్ ఎస్టేట్ లోనూ బాగానే పెట్టుబడులు పెట్టారట. కోట మొత్తం ఆస్తుల విలువ రూ.80 కోట్లకు పైగానే ఉంటుందని అంటున్నారు. ఎంత పేరు, డబ్బు సంపాదించినప్పటికీ.. ఆ అహాన్ని చూపించకుండా.. కోట స్నేహానికి ఎంతో విలువ ఇస్తారని సన్నిహితులు చెబుతుంటారు.
అలాగే, కోట జీవితంలో ఎన్నో విషాదాలు ఉన్నాయి. తన భార్య సైకియాట్రిక్ సమస్యలతో బాధపడి.. కొన్నేళ్లపాటు కోటను కూడా గుర్తుపట్టలేదు. ఒక రోడ్డు ప్రమాదంలో కూతురు కాలు పోగొట్టుకోగా, మరో రోడ్డు ప్రమాదంలో కుమారుడు మరణించారు. ఇలా తన జీవితంలో ఎన్నో విషాదాలు ఉన్నప్పటికీ.. ప్రేక్షకులకు వినోదాన్ని పంచారు కోట.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
