ప్రభుదేవా నా అన్నయ్య వంటివాడు అని ప్రముఖ హీరోయిన్ హన్సిక మోత్వానీ అంటూంది. వివరాల్లోకి వెళితే ఈ మధ్య "ఎంగేయుం కాదల్" అనే చిత్రంలో నటిస్తున్నప్పుడు ప్రభుదేవాతో హన్సిక మోత్వాని బాగా సన్నిహితంగా మెలిగిందనీ, హన్సిక మీద మోజుతోనే ప్రభుదేవా నయనతారని వివాహం చేసుకోకుండా అన్యాయం చేస్తున్నాడనీ ఒక రూమర్ తమిళ సినీ పరిశ్రమలో బాగా ప్రబలంగా ఉంది.
దీన్ని ఖండిస్తూ హన్సిక " ప్రభుదేవా నాకు అన్నయ్య వంటివాడు...! మా మధ్య అన్నాచెల్లెళ్ళ సంబంధమే తప్ప చాలా మంది ఊహిస్తున్నట్లు వేరే సంబంధం ఏమీ లేదు...!" అని అంటుంది. చెడపకురా చెడేవు అన్న సామెత నయనతారకు వర్తిస్తుంది. అది తనకెక్కడ చుట్టుకుంటుందోనని హన్సిక భయపడుతున్నట్టుంది.
