కిరణ్ అబ్బవరం అప్ కమింగ్ మూవీ 'చెన్నై లవ్ స్టోరీ'. ప్రచార చిత్రాలు బాగుండటంతో మూవీపై అభిమానుల్లో, ఇండస్ట్రీ వర్గాల్లో భారీ అంచనాలు ఏర్పడ్డాయి. రీసెంట్ గా నిన్న తిరుపతి నగరంలో అత్యంత వైభవంగా నిర్వహించిన 'జిగితార' సాంగ్ లాంచ్ ఈవెంట్లో కిరణ్ అబ్బవరం పాల్గొని సందడి చేశాడు.
ఈ వేడుకకి భారీ సంఖ్యలో అభిమానులు, స్థానిక యువత తరలివచ్చారు. ఈ సందర్భంగా కిరణ్ అబ్బవరం మాట్లాడుతూ నా కెరీర్లో 'చెన్నై లవ్ స్టోరీ' ఒక మైలురాయిగా నిలిచిపోతుంది. ముఖ్యంగా తిరుపతి ప్రజలు చూపిస్తున్న ఆదరణకు, ప్రేమాభిమానాలకి ఎల్లప్పుడూ రుణపడి ఉంటాను. మూవీలోని ప్రతి క్యారక్టర్ చాలా సహజంగా ఉంటుంది. ముఖ్యంగా ఈ 'జిగితార' సాంగ్ ఒక కొత్త అనుభూతిని ఇస్తుంది. ఒక స్వచ్ఛమైన ప్రేమకథగా తెరకెక్కుతున్న ఈ చిత్రం యువతతో పాటు ప్రతి ఒక్కరినీ ఆకట్టుకుంటుందని, సినిమా చూసిన ప్రతి ఒక్కరూ ఒక మంచి అనుభూతితో థియేటర్ల నుండి బయటకు వస్తారని పేర్కొన్నాడు.
Also read: ఈ హీరోయిన్ ని ఆ బడా నిర్మాత టార్గెట్ చేశాడా! ఎందుకు టార్గెట్ చేసాడో తెలిస్తే షాక్ అవుతారు
ఈ సినిమా కథాంశం ఎంతో హృదయానికి హత్తుకునేలా ఉంటుందని చిత్ర యూనిట్ మొదటి నుండి చెప్తోంది. కిరణ్ అబ్బవరం మార్కు వినోదంతో పాటు, ఈ సినిమాలో బలమైన ఎమోషన్స్ మరియు చక్కని మ్యూజిక్ ప్రేక్షకులను కట్టిపడేస్తాయని సమాచారం. టాలీవుడ్లో వరుస విజయాలతో దూసుకుపోవాలని చూస్తున్న కిరణ్, ఈ కథ వినగానే చాలా ఎగ్జైట్ అయ్యానని, దర్శకుడు అనుకున్న దానికంటే చాలా అద్భుతంగా ఈ చిత్రాన్ని తెరకెక్కించారని ప్రశంసించాడు. సినిమా బిజినెస్ పరంగా కూడా భారీ ఆఫర్లు వస్తున్నట్లు తెలుస్తోంది .మ్యాడ్’ ఫేమ్ గౌరీ ప్రియ హీరోయిన్ కాగా మణిశర్మ మ్యూజిక్. రవి దర్శకుడు. జులై 24 న రిలీజ్ కాబోతుంది.
